Ustundan izolyasiya qilingan chaqmoqqa qarshi osilgan simda (trosda) yoki
ushbu ustunga osilgan
simda yoki ustun qurilmasida, bu simga 1 metrdan kam
masofaga yaqinlashib ishlaganda, sim albatta yerga ulanishi shart.
Yerga ulagich
simni izolyasiya qilingan tomonidan keyingi ustunga ketgan yerida yoki oralig‘ida
qo‘yiladi. Agar ushbu simda muz eritish mo‘ljallangan bo‘lsa, ish boshlashdan oldin
sim kuchlanish kelishi mumkin bo‘lgan barcha tomonlaridan o‘chirilib, yerga
ulanishi shart.
Ko‘chma yerga ulagich metall ustunlarda, uning elementlariga yerga ulagich
o‘rnatish uchun jihozlangan temir-beton va yog‘och ustunlarda, yerga ulagich
uskunalariga ularni butunligini tekshirganidan so‘ng, shu simlarga o‘rnatilishi kerak.
Yerga ulagich o‘rnatish uchun jihozlangan uskunalari bo‘lmagan temir-beton ustun-
larda, yerga ulagichni ustunning traversiga va boshqa metall elementiga o‘rnatish
mumkin.
Neytrali yerga ulangan va nol simi tarmoqda qayta yerga ulangan 1000 V
kuchlanishgacha bo‘lgan elektr uzatish tarmoqlarida, yerga ulagichni ushbu nol fazali
simiga o‘rnatish mumkin.
Uskunalardagi ko‘chma yerga ulagichni o‘rnatilishi kerak bo‘lgan
joylar
bo‘yoqdan tozalanishi shart. Ish joyida ko‘chma yerga ulagich yerga yarim metr
chuqurlikka tik qoqilgan yerga ulagich uskunasiga o‘rnatilishi mumkin. Yerga
ulagich uskunasini tuproqqa, bexos to‘kilgan uyumga qoqish man qilinadi.
1000 V kuchlanishgacha bo‘lgan elektr uzatish tarmog‘ida
yoki izolyasion
zvenosi yo‘q teleskopik minorada turib ishlaganda, ta‘mirlanayotgan tarmoq simlari-
ning barchasiga, shu jumladan radio va telemexanika apparatlari uchun osilgan ochiq
simlarga ham yerga ulagich qo‘yilishi shart.
Ta‘mirlash uchun
o‘chirilgan elektr uzatish tarmoqlarida ko‘chma yerga
ulagichlarni o‘rnatish va keyin uni olish, hamda ustunlarga o‘rnatilgan yerga ulagich
pichog‘ini ulash ishlarini navbatchi yoki tezkor-ta‘mirlash xodimlari amalga oshirish-
lari kerak. Biri IV guruhli (1000 V kuchlanishdan yuqori elektr uzatish tarmoqlarida)
yoki III guruhli (1000 V kuchlanishdan past elektr uzatish tarmoqlarida), ikkinchisi
III guruhli bo‘lishi kerak. Ikkinchi xodim sifatida, III guruhli ta‘mirlash brigadasi
a‘zosini, iste‘molchilarga ta‘luqli elektr uzatish tarmoqlarida esa, iste‘molchi-
xodimni ishlatishga ruxsat beriladi.
Ustunlardagi yerga ulagich pichoqlarini navbatchi yoki tezkor-ta‘mirlash
xodimlaridan, III guruhli bir xodim o‘chirishiga ruxsat etiladi. Elektr uzatish
tarmoqlaridagi ish joylarida ko‘chma yerga ulagichni ish bajaruvchi bilan birgalikda
III guruhga ega bo‘lgan, brigada a‘zosi o‘rnatishi mumkin. Ushbu yerga ulagichni
olish, ish bajaruvchining farmoyishi bilan III guruhli ikki brigada a‘zosi bajarishi
mumkin.
Elektr uzatish tarmoqlarida kuchlanish yo‘qligini tekshirish, yerga ulagichni
o‘rnatish va olish paytida, ishchilardan biri yerda turib boshqa ishchini kuzatib turishi
kerak.
