|
LABORATORIYA ISHLARINI BAJARIB, SO’NGRA XULOSA QILIB YAKUNLASH TUGRISIDA TUSHUNCHALAR
|
| bet | 2/11 | | Sana | 30.09.2024 | | Hajmi | 483,61 Kb. | | #273008 |
Bog'liq «elektrotexnika va elektronika asoslari»LABORATORIYA ISHLARINI BAJARIB, SO’NGRA XULOSA QILIB YAKUNLASH TUGRISIDA TUSHUNCHALAR.
Har bir laboratoriya ishlarini tajribasi o’tkazilgandan so’ng, shu tajriba vaqtida o’lchab olingan natijalar bo’yicha laboratoriyada berilgan jadvallarni hisoblash qismlari ham hisoblab to’ldiriladi. Keyingi bajariladigan ishimiz, amaliyot yuzasidan berilgan topshiriq bo’yicha boglanishlar grafiklarini yoki vektor diogrammasini quramiz. Yuqorida ko’rsatilganlarni bajarib bo’lganimizdan so’ng, o’z-o’zini tekshirish savollariga javob yozamiz. So’ngra amaliyot yuzasidan o’zimiz tushungan narsalarimizni yozib ishga yakun yasaymiz, hulosa qilamiz va shu mavzu yuzasidan o’qituvchimiz uchta savoliga javob aytib bajargan ishimizni himoya qilamiz.
Amaliy mashg’ulot № 1.
I. XAVFSIZLIK TEXNIKASI QOIDALARI VA TALABALARGA TAJRIBALAR O’TKAZISHDAGI QUYILADIGAN TALABLAR.
1. Xavfsizlik texnikasi asoslari.
Ma’lumki elektr toki odam uchun xavflidir. SHuning uchun elektr qurilmalari bilan bo’ladigan muomalada albatta texnika xavfsizligi qoidalariga rioya etish kerak. Ko’pincha baxtsiz xodisalarga quyidagilar sabab bo’ladi.
Ma’lumki odam tanasi tok o’tkazuvchan xisoblanadi. Lekin inson tanasini tok o’tishiga qarshiligi o’zgarib turadi. O’zgarish chegarasi 30…40 Mг Om va bu qarshilik bir necha sabablarga bog’liq bo’ladi. Masalan: teri yuzasi xolatiga, uning namligiga, qolaversa odamning o’zini xolatiga ya’ni asablariga va salomatligiga xam bog’liq bo’lishi mumkin. Shu sababdan ba’zi xollarda odam qarshiligi 50 Om ga tushib qolishi mumkin. Lekin xavf darajasi odamning kuchlanish manbaasiga qanday xolatda tushganligiga xam bog’liq bo’ladi. Mabodo, odam ikki qo’li bilan 2 ta faza simiga tegib turgan bo’lsa, undan o’tayotgan tok bo’ladi (UL=380 B). Odam yalang oyoq bo’lib yerda turgan bo’lsa, u xolda buladi (Uф=220 B). Aniqlanishicha xavfsiz tok miqdori 0,03…0,04 A xisoblanadi. Biroq odam yuragidan 0,1 A tok o’tsa, u o’limga olib kelishi mumkin. Kuchlanish miqdoriga qarab barcha elektr qurilmalari ikkiga bo’linadi.
1. Past kuchlanishli elektr qurilmalari, ularda istalgan sim va yer orasidagi kuchlanish 250 B dan ortmaydi.
2. Yuqori kuchlanishli qurilmalar. Xavfsizlik nuqtai nazardan fikr yuritilganda yuqori va past kuchlanishlar inson xayoti uchun to’la xavfli xisoblanadi, chunki 60 B ta’sirida xam inson uchun xalokat yuz bergan xolatlar bo’lgan. Qabul qilinishicha, inson xayoti uchun energetika tizimida qo’llaniladigan 36…40 B kuchlanish xavfsiz xisoblanadi. Nam joylarda esa 12 B xavfsiz xisoblanadi.
Elektr tokidan jaroxatlanganda (tok urganda) birinchi yordam juda tez ko’rsatilishi lozim. Avvalo tok ta’siriga tushgan odamni undan ajratib olish kerak. Shuni esdan chiqarmaslik kerakki, tok ta’siridagi odam o’tkazuvchi vazifasida bo’ladi. Shuning uchun tezda rubilnikni ajratish zarur yoki saqlagichni burab chiqarish lozim. Ularni iloji bo’lmagan xolda, simni tok o’tkazmaydigan dastali asbob bilan uzib tashlash kerak.
Tok ta’siri natijasida odamda nafas olish to’xtab qolishi mumkin, bu xolat «yashirin o’lim» xolati deb ataladi. Bunday paytda zudlik bilan nafas oldirish yo’llarini bajarish lozim. Lekin bu tadbir juda tez (4-6-minut ichida) bajarilishi kerak. Tok ta’sirida bo’lgan odamni yerga qo’mib kuyish mutlaqo mumkin emas. Chunki bundan xech qanday foyda yo’q, aksincha ziyon, inson tanasini xavo bilan ta’minlanishini kamayadi, qolaversa zax o’tib kasallanishi mumkin.
|
| |
