|
Nazorat uchun savol va topshiriqlar
|
| bet | 46/81 | | Sana | 08.01.2024 | | Hajmi | 1,76 Mb. | | #131995 |
Bog'liq MTT ma\'lumotNazorat uchun savol va topshiriqlar:
1. “Bolajon” tayanch dasturi qanday hujjat hisoblanadi?
2. MTMda bolalarga tarbiya- bilim berishning vazifalari nimalardan iborat?
3. MTMda bolalarga tarbiya- bilim berishning mazmunini belgilab beruvchi davlat hujjati haqida ma’lumot bering.
Foydalangan adabiyotlar
1.Sh.A.Sodiqova “Maktabgacha pedagogika”.-“ Tafakkur sarchashmasi”.T:, 2013 y.
2.N.M. Kayumova “ Maktabgacha pedagogika”TDPU nashriyoti T.: “Ilm ziyo”2016 yil
3.Bolajon davlat dasturi.-T.: 2016 yil
26- Mavzu. MTM tizimining vujudga kelishi va rivojlanishning asosiy bosqichlari.
Reja
MTM tizimining vujudga kelishi
Rivojlanishning asosiy bosqichlari.
Tayanch tushuncha: ta’limtarbiya to’garagi, yasli , Turkistonda vositalarkengashi, maktabgacha tarbiya yuzasidan deklaratsiya.
O’rta Osiyoda XIX asrning 80-90yillariga kelib, bolalar maktabgacha ijtimoiy tarbiyasi g’oyalari etila boshlandi. O’sha davrda taraqqiyparvarlik kayfiyatidagi mahalliy ziyolilar mehnatkash ayollarning og’ir ahvolini va bolalar nazoratsizligini ko’rib, ularning qismatini engillashtirishga intila boshladilar. Bu ziyolilar vakillari 1872 yilda Turkistonda tuzilgan “Jamiyati xayriya” tarkibiga kirgan edilar. “Jamiyati xayriya” tashkiloti tomonidan miskinlar uylari, tunash joylari, tug’ruq joylari bilan bir qatorda ota-onasi bo’lmagan bolalar uchun etimxonlarni tashkil etdi.
Bu etimxonalar oz sonli bolalarni butun Turkistonda taxminan 150-200 kishini o’z ichiga oldi. Ushbu etimxonalarda yasla yoshli bolalardan tortib, maktab yoshidagi bolalarni ham qamrab olgan.
1896 yilda Turkistonda vositalar kengashi kambag’allarning bolalari uchun “yasla”lar deb ataladigan muassasalarni tuza boshladi. Yaslalarga atak-chechak qila boshlagan bolalar qabul qilingan va maktabga ketgunga qadar tarbiyalangan bolalar kun bo’yi bolalar yaslada bo’lishar va uch marta ovqatlantirilar edi. Yasla ishlarini nazoratchi ayol boshqargan, xizmat qiluvchi xodimlar ham bo’lgan. Bu muassasada bolalarni duolar o’qishga (duogo’ylikka) qat’iyat bilan o’rgatilgan. Shuningdek bolalarni oddiy o’qishga, yozishga, sanashga, to’qishga, to’r taqishga, tikishga va boshqa hunarlarga o’rgatilgan. Butun o’lka bo’ylab shunday yaslalardagi bolalar soni 50-60 boladan oshmas edi.
Turkistonda kambag’allarning bolalari uchun Toshkentda, Samarqand, Sirdaryo, Namanganda etixonalar tashkil etilgan.
Imtiyozli sinflarning bolalari uchun 1891yilda “Bog’dorchilik” jamiyati tomonidan Toshkent istirohat bog’ida maktabgacha va maktab yoshidagi bolalar uchun “Bolalar maydonchasi xilida” birinchi bolalar bog’chalari ochildi. Bolalar bog’chasi istirohat bog’i maydonidan sersoya joy ajratib berildi. Maydonchada arg’imchoq, qayiqlar, katta arg’imchoq(ustunga osilgan) o’rnatildi va xilma-xil o’yinchoqlar tayyorlandi. Maydonchada gulzor katta o’rinni egallab, bolalar o’zlari o’simliklarni parvarish qilishardi.
1891-1903 yillar davomida mablag’ yo’qligi sababli bog’cha bir necha marta yopilgan. Ta’lim-tarbiyaga oid ilg’or g’oyalarning ta’siri ostida Toshkentda 1903 yil fevral oyida “Oilaviy ta’lim-tarbiyaviy to’garagi” tashkil qilindi. To’garak harbiy Ministr va Xalq maorifi tomonidan tasdiqlangan Ustav asosida ish boshladi. U o’z oldiga quyidagi vazifalarni:
1. Bolalarga ta’lim-tarbiya berish usullarini rivojlantirish va takomillashtirishda yordam berish;
Pedagoglar bilan ota-onalarni va bolalar tarbiyasi ishini boshqaradigan kishilarni(oila, maktab va bolalar bog’chasining yagona tarbiyaviy ta’sir etishini belgilash maqsadida) bir-birlariga yaqinlashtirishni qo’yadi.
Bu to’garakda maktabgacha sektsiyasi ham faoliyat ko’rsatgan. Ta’lim-tarbiya to’garagi yuzaga kelgunga qadar bolalar bog’chasining tarbiyaviy ishida muayyan pedagogik tizim yo’q edi, shu sababli to’garak a’zolari bolalar tarbiyasi bilan bog’liq bo’lgan masalalarni muhokama qilishar edi.
Bolalar birinchi marta 4-yoshdan 6-yoshgacha va 6-10 yoshgacha bo’lgan ikki xil yosh guruhlariga bo’lindi. Mashg’ulotlar, o’yin va ko’ngil ochishlar programmasi belgilab qo’yildi. Harakatli o’yilar, xor bo’lib aytiladigan ashula, o’qish, rasm chizish, loy va plastilindan narsalar yasash, gimnastika mashqlarini reglamentga soladigan jadval tuzildi. Ota-onalarning talabi bilan frantsuz va nemis tillari o’rgatilgan, bu ishlarni mutaxassislar tomonidan tekin amalga oshirilgan.
Ta’lim-tarbiya to’garagi bolalar bog’chasida tarbiyaviy ish saviyasini oshirishga yordam berdi. Tarbiyaviy ish mazmuniga iuayyan tizi, xilma-xil ish shakllari kiritildi. Lekin maxsus tayyorgarlikka ega bo’lgan tarbiyachilar bo’lmaganligi sababli ko’pincha bog’cha tarbiyaviy ishining mazmuni betartib amalga oshirilar edi. 1903-1914 yillar davri maktabgacha tarbiya sohasidagi ta’lim-tarbiya g’oyalarining jadal suratda o’sishi bilan xarakterlanadi.
Sirdaryo, Samarqand, Toshkent shag’rida bolalar bog’chalari kabi ayrim bog’chalar yuzaga keldi. 1909-10910 yillarda va keyinchalik xususiy bog’chalar paydo bo’ldi: bu bog’chalarda 6-yoshdan boshlab bolalarni asosan gimnaziyaga o’qishga tayyorlanar edi. Bunday bolalar bog’chalari xususiy uylarda ochilar va tamomila ota-onalar ta’minotida bo’lgan. Ma’lumotga ega bo’lgan va chet tillarini biladigan o’qimishli xonimlar tarbiyachi edilar. Ammo mazkur bolalar bog’chalari faqat badavlat ota-onalarning ehtiyojini qondirgan edi. Davlat tomonidan ijtimoiy bolalar bog’chalari faqat 1917 yildan keyingina yalpi tarzda tashkil etildi.
1917 yil 20 noyabrda Xalq Komissarlari tomonidan “Maktabgacha tarbiya yuzasidan Dekloratsiya” e’lon qilindi. Bunda: “Bolalarni ijtimoiy tekin tarbiyalash bolaning birinchi tug’ilgan kunidan boshlanadi” – deyilgan edi.
Maktabgacha tarbiya butun xalq maorifi tizimining birinchi bo’g’ini va tarkibiy qismi bo’lib qoldi. 1919 yilda qabul qilingan Davlat dasturlarida xalq maorifi sohasida: Ijtimoiy tarbiyani yaxshilash va xotin-qizlarni ozod qilish maqsadida maktabgacha tarbiya muassasalari tarmoqlarini vujudga keltirish haqida fikr yuritildi. Davlatning bu umumuiy siyosiy yo’li asosida Turkiston ASSR Maorifi Xalq Komissarligi oldida davlat maktabgacha tarbiya muassasalari tarmoqlarini vujudga keltirish, metodik ko’rsatmalar ishlab chiqish, kadrlar tayyorlash va boshqa ma’suliyatli vazifalar paydo bo’ldi.
Turkistonda dastlabki davlat bolalar bog’chalari 1918 yilning ikkinchi yarmida tashkil etila boshlandi. 1918 yil 20 oktyabrda Turkiston Maorifi Xalq Komissarligi qoshida Respublikadagi maktabgacha tarbiya sohasida barcha tadbirlarni amalga oshirish uchun ma’muriy organ sifatida maktabgacha tarbiya bo’limi tashkil qilindi. Xuddi shu yilda viloyat xalq maorifi bo’limlarining qoshida maktabgacha tarbiya kichik bo’limlari tashkil qilingan. Bu tadbir Respublikada maktabgacha tarbiyaning jonlaniga yordam berdi. Maktabgcha tarbiya bo’limlarining faoliyati uch asosiy yo’nalishda:
Bolalar bog’chalarini ochish, ularni binolar, mebel va jihozlar bilan ta’minlash;
Maktabgacha tarbiya xodimlari, shu jumladan maxalliy, milliy vakillaridan kadrlar tayyorlash;
Ota-onalar o’rtasida tashviqot tushuntirish ishlarini olib borishdan iborat edi.
“Maktabgacha tarbiya bo’limi to’g’risi”da Nizom qabul qilindi va unda bo’lim 3-yoshdan 8-yoshgacha bo’lgan maktabgacha tarbiya yoshidagi bolalar tarbiya muassasalariga boshchilik qiladi, mavjud muassasalar ishining borishini kuzatadi, yangi bolalar bog’chalari, yaslilar, bolalar uylari, maktabgacha yoshdagi bolalar uchun umumiy yotoqxonalar, bolalar yozgi koloniyalari ochildi, bolalar bog’chalari rahbarlari, enagalar va kadrlar tayyorlash maqsadli kurslari tashkil qilindi-deyiladi.
O’zbekistonning tub joy aholisi bolalarini maktabgacha tarbiya muassasalariga jalb etish uchun kurash juda murakkab va qiyin sharoitda olib borildi. 1918 yildi Toshkentning sobiq eski shahar qismida o’zbek bolalari uchun 4-ta bog’cha ochishga muaffaq bo’lindi.
Birinchi bog’cha – Shayxontoxur dahasida Hasanova - mudiri : Mahsuma Qorieva va Robiya Abdurashidova tarbiyachi bo’lib faoliyat ko’rsatgan.
Ikkinchi bog’cha - Xo’ja ko’chasida Anvar Yausheva mudiri bo’lgan.
Uchinchi bog’cha - Ko’kcha dahasidagi Langar ko’chada ochilgan.
To’rtinchi bog’cha - Beshyog’och dahasida ochilgan bo’lib, bunda o’qituvchi Qodirxonov mudirlik qilar edi.
1920 yilda Turkiston Respublikasida 71 ta bolalar bog’chasi, shu jumladan, mahalliy aholi bolalari uchun 16 ta bog’cha va 12 ta bolalar maydonlari tashkil etilib, bulardan 4 tasida o’zbek va boshqa mahalliy millatlarning bolalari tarbiyalana boshlandi. O’sha davrda maktabgacha tarbiya muassasalarida hammasi bo’lib 6394 bola tarbiyalanar edi. 1921 yilga kelib bolalar bog’chalarining soni 105 taga , shu jumladan, mahalliy millatlarning bolalari uchun bog’chalar 32 taga etdi. Bolalar bog’chalarida tarbiyalanuvchilarning soni qariyb 8000 kishiga etdi, ulardan 2000 dan ko’prog’i millatlarning farzandlari edi.
O’zbekistonda davlvt budjetidagi bolalar muassasalarining o’sishi.
|
| |
