46
bo’ladi. Bunda bir yo’la ikki maqsadga erishiladi: birinchidan tadqiqot
muammosiga zamonaviy nuqtai nazar hamda tadqiqot uslubiyoti va unga erishish
yo`llari bilan tanishish, va ikkinchidan asosiy adabiyotlar bilan tanishish, chunki
monografiyalar yetarli darajadagi to`la bibliografik ko`rsatkichga ega bo`ladi.
Adabiy manbalarini tanlashdagi keyingi ketma-ketlik quyidagicha bo’lishi
mumkin:
- bibliografiyada ko`rsatilgan adabiyotlar bilan tanishish, bular kitob,
broshyura, jurnallardagi maqolalar, dissertatsiyalar va boshqalar;
- fan va texnikaning yo`nalishiga mos keladigan referativ jurnallar va axborotli
nashrlarni (ekspress axborot, signal axborot va boshqalar) ko`rib chiqish;
- yo`nalish bo`yicha maxsuslashtirilgan jurnallarni o`rganish;
-ilmiy-tadqiqot
institutlarining
to`plamlari,
konferentsiyalardagi
ma`ruzalarning tezislari, dissertatsiya avtoreferatlarini o`rganish.
Barcha tanlangan axborotlar kartochkalarga kiritilgan va kartoteka sifatida
yig’ilgan bo`lishi kerak. Bunday kartoteka kerakli materiallarni zarur paytda
qidirishni yengillashtiradi.
