70
innovatsion faoliyat sub'ektlarini davlat tomonidan qo'llab-quvvatlash va rag'batlantirish;
innovatsion faoliyat sohasidagi respublika, tarmoq va hududiy davlat dasturlarini ishlab
chiqish hamda amalga oshirish;
innovatsion faoliyatga investitsiyalarni jalb etishga ko'maklashish;
innovatsion faoliyat sohasida davlat-xususiy sheriklikni rivojlantirish;
innovatsion faoliyat sohasida kadrlarni tayyorlashni, qayta tayyorlashni va ularning
malakasini oshirishni tashkil etish.
Mamlakatimizdagi ilmiy jihatdan salmoqli innovatsion texnologiyalarning sanoatga olib
kirilishini Iqtisodiyot vazirligi qoshidagi Texnolgiyalar transferi qo’mitasi ta’minlaydi, mahalliy
innovatsiyalarning patent himoyasini O’zbekiston intellektual mulk agentligi amalga
oshiradi. Eksport innovatsion savdo va investitsiyalarni jalb etish Tashqi iqtisodiy aloqalar,
Investitsiyalar va Savdo vazirliklari hamkorligida amalga oshiriladi. Respublikadagi innofatsion
faoliyat ko’p jihatdan davlat tomonidan tartibga solinadi (qonunchilik va egiluvchan soliq solish,
davlat va idoralar fondlari, davlat tomonidan moliyalashtiriladigan yirik loyihalar va h.). Ustuvor
davlat dasturlari bo’yicha innovatsion loyihalar uchun mas’uliyat O’zbekiston Respublikasi Vazirlar
Mahkamasi qoshidagi Fan va texnologiyalarni muvofiqlashtirish qo’mitasi zimmasiga yuklatilgan.
Mamalakatimizda innovatsion jarayonlarning rivojlanishi bozor iqtisodiyoti sharoitida yalpi ichki
mahsulot o’sishi barqarorlashishiga katta ta’sir etganligi bois innovatsion faoliaytni boshqarish
ahamiyati tobora ortmoqda. Shunung uchun davlatimiz tomonidan innovatsion faoliyat va
jarayonlarini jadallashtirish uchun bir qator amaliy choralar ko’riliyapti. Davlat dasturlarida
innovatsion siyosatining asosiy jihatlari – mamlakatda hududlarning ijtimoiy-iqtisodiy salohiyatini
oshirish hamda aholi hayot darajasi va farovonligining barqaror o’sishiga imkon beruvchi faol
tadbirkorlikni har tomonlama qo’llab-quvvatlash va rag’batlantirishga, innovatsion g’oya va
texnologiyalarni joriy etishga, fan va innovatsion faoliyat jadal rivojlanishi uchun zarur shart-
sharoitlarni yaratishga e’tibor qaratilishidir.
Shu bilan birga, hukumat organlari o’tkazgan tahlili mamlakatda faol tadbirkorlik va
innovatsion faoliyatni rivojlantirish uchun shart-sharoitlarni yanada yaxshilashga to’sqinliq qiluvchi,
jumladan, quyidagi qator tizimli muammolar mavjudligini aniqlashga yordam bergan: