5
Assalomu alaykum hurmatli anjuman qatnashchilari, aziz mehmonlar!
Islom Karimov nomidagi Toshkent davlat texnika
universitetida tashkil etilgan “Sanoat iqtisodiyoti va menejmenti:
muammolar va yechimlar” mavzusidagi xalqaro ilmiy-amaliy
konferensiya ishtirokchilarini, xorijlik hamkorlarimizni, barcha
professor-o‘qituvchilar hamda yosh tadqiqotchilarni ko‘rib
turganimdan xursandman. Bugungi kunda respublikamizda
sog‘lom, rivojlangan, yuqori intellektual yoshlar jamiyatini
shakllantirish borasida keng islohotlar amalga oshirilmoqda.
Hech kimga sir emaski, kelajakda fan va ta’limning yuqori
darajasiga asoslangan innovatsion iqtisodiyotsiz davlatimiz
rivojlanishi mumkin emas. Shu sababli so‘nggi yillarda respublikamizda amalga oshirilayotgan
ta’lim sohasida amalga oshirilayotgan islohotlarning barchasi inson va uning manfaati uchun xizmat
qilmoqda. Davlatimiz rahbari ta’kidlangandek, barcha iqtisodiy isloxotlarning bosh maqsadi
kambag‘allikni qisqartirish va aholi farovonligini oshirishdan iborat. Bugungi kunda respublikamiz
aholisining yarmidan ko‘pini 30 yoshgacha bo‘lgan yoshlar tashkil qilishi oldimizga buyuk maqsad
– yangi Renessans fundamentini shakllantirish orqali yangi Beruniylar, Xorazmiylar, Ulug‘beklar,
Navoiylar, Boburlar avlodini tarbiyalash vazifasi qo‘yilgan. Ushbu maqsadga erishishning muhim
omillaridan biri yoshlarda ta’lim va tarbiya, fan va innovatsiyalarni rivojlantirish va sog‘lom turmush
tarzini shakllantirishdir. Muhim bir vazifani anglash kerakki, yuqori malakali kadrlarni tayyorlash –
bu alohida ta’lim muassasasini emas, balki butun bir yaxlit milliy ta’lim tizimini vazifasidir. Shundan
kelib chiqib, bugungi halqaro ilmiy-amaliy anjuman olimlar, tadqiqotchilar, fan va ta’lim
namoyondalari va yoshlarni umumiy masala atrofiga birlashtiradi, deb o‘ylayman, natijada bilimlar.
fikrlar almashinuvi asosida o‘zaro hamkorlik rivojlanadi. Bu esa ta’lim darajasini oshishiga, yangi
ilmiy ixtirolar soni va tezligini ortishiga va iqtisodiyotni rivojlanishiga olib keladi.
Islom Karimov nomidagi Toshkent davlat texnika universiteti bir asrga yaqin tarixga ega
bo‘lib, ta’lim va tarbiyaning sifati, o‘quv jarayoniga doimiy pedagogik, innovatsion va raqamli
texnologiyalar integratsiyasi, amalga oshirib borayotgan ilmiy-tadqiqot ishlari va halqaro aloqalari
bilan o‘z nufuziga ega bo‘lgan universitet. Universitetning asosiy yutug‘i respublikamiz
rivojlanishiga munosib hissa qo‘shib borayotgan yuqori malakali va raqobatbardosh kadrlarni
tayyorlashdir.Bugungi kunda Toshkent davlat texnika universiteti Yevropa va Markaziy Osiyo
rivojlanayotgan mamlakatlarining eng kuchli universitetlari ichida QS Emerging Europe and Central
Asia University Rankings 2021 top 400 talikka kirgan. Bugungi tashkil etilgan halqaro anjumanga
150 dan ortiq maqolalar kelib tushgan, jumladan, 30 dan ortiq korxona va tashkilotlarning soha
mutaxassislari, 15 dan ortiq chet el mamlakatlari, jumladan, Yaponiya, Germaniya, Rossiya, Xitoy,
Indoneziya, Belorusiya, Qozog‘iston, Turkmaniston, Qirg‘iziston va boshqa qator mamlakatlarning
xorijiy mutaxassislari, olimlari va professor-o‘qituvchilari, hamda yosh tadqiqotchilar
qatnashmoqdalar. Anjumanning barcha ishtirokchilariga o‘z minnatdorligimni bildirgan holda,
ishonamanki, bugungi halqaro anjuman ham sanoat iqtisodiyoti va menejmenti masalalarini dolzarb
yechimlari bo‘yicha kelgusida amalga oshiriladigan o‘zaro halqaro ilmiy loyihalar, ilmiy
konsepsiyalarga asos bo‘ladi.
