FOYDALANILGAN ADABIYOTLAR

467 
“Ta’lim muassasalarida boshqaruv va o‘quv sifatini 
 
 takomillashtirish muammolari” – respublika ilmiy-amaliy konferensiyasi
 
 
 
 
JIZZAX DAVLAT PEDAGOGIKA UNIVERSITETI 
06.12.2022 
 
TA’LIM SIFATINI OSHIRISHGA TA’SIR KO‘RSATUVCHI OMILLAR TAVSIFI VA 
TASNIFI 
Xatamov Azizbek Yaxraqulovich 
Jizzax Politexnika instituti, “Muhandislik va kompyuter grafikasi” 
kafedrasi dotsenti v.b. 
Hozirgi paytda jahonning barcha ta’lim tizimida quyidagi uch tayanch tushuncha asosida 
oliy ta’lim sifatiga yondashiladi: 
1) sifatli o‘quv va ilmiy faoliyatni olib borish uchun oliy ta’lim muassasalarida yaratilgan 
shart-sharoitlar; 
2) o‘quv jarayoni: 
3) sifatni ta’minlash tizimining amaldagi asosiy hamda boshlang‘ich nuqtasi hisoblangan 
ta’lim natijasi (qoldiq bilim). 
Oliy ta’lim muassasalari o‘quv faoliyatining sifati o‘quv jarayonini rejalashtirish, uni amalga 
oshirish, o‘quv reja, dasturlarining mazmun-mohiyati bilan emas, balki talabalarning olgan 
bilimlari, malaka va ko‘nikmalari, mustaqil ravishda olgan bilimlari bilan bog‘liq ta’lim natijasi 
sifati bilan belgilanmoqda.
Ta’lim sifati ijtimoiy kategoriya hisoblanib, jamiyatda ta’lim jarayonining holati va 
natijasini hamda shaxsning kasbiy, maishiy va fuqarolik kompetentligining shakllanishi hamda 
rivojlanishini jamiyat talabi va ehtiyojiga mos kelishini aniqlaydi. 
Ta’lim sifati ta’lim muassasasining o‘quv-tarbiyaviy faoliyatining turli qirralarini 
tavsiflovchi ko‘rsatkichlar majmui orqali baholanadi. Ushbu ko‘rsatkichlarga ta’lim oluvchilar 
kompetentligining rivojlanishini ta’minlovchi ta’lim mazmuni, o‘qitish shakli va uslublari, 
moddiy-texnik baza, xodimlar tarkibi kabilar kiradi [1]. 
Oliy ta’limda ta’lim sifati ta’lim modelining ko‘rsatkichlari, institutsional maqsad va 
vazifalari hamda ta’lim tizimining aniq standartlari, ta’lim muassasalari, o‘quv dasturlari va fanlari 
bilan bog‘liq bo‘lgan ko‘p qirrali dinamik tushunchadir. 
Shunday qilib, mamlakatimiz iqtisodiyotining raqobatbardoshligini oshirishda oliy ta’lim 
sifatining roli muhim ahamiyat kasb etadi. 
Ta’lim sifatini ta’minlash va nazorat qilishda unga ta’sir etuvchi omillarni aniqlash va ularni 
tizimlashtirish muhim ahamiyat kasb etadi. 
Rus olimi Ye.L.Popova ta’lim sifati ko‘rsatkichlarini quyidagi bloklarga ajratadi: 
1) o‘qituvchilar tarkibining sifati; 2) o‘quv yurtining moddiy-texnika bazasi; 
3) o‘qituvchilarning motivatsiyasi; 4) o‘quv dasturlarining sifati;
5) talaba sifati; 6) infrastruktura sifati; 7) bilim sifati; 8) rahbariyatning innovatsion faoliyati; 
9) jarayonli innovatsiyalarning joriy etilishi; 10) bitiruvchilarning talabchanligi; 11) mehnat 
bozorida bitiruvchilarning raqobatbardoshligi; 12) bitiruvchilarning erishgan yutuqlari. 
TEMPUS loyihasi doirasida olib borilayotgan ilmiy-tadqiqot ishlari natijalariga ko‘ra (JizPI 
misolida) ta’lim sifatiga quyidagi omillar ta’sir etishi aniqlandi: 
1. O‘quv dasturlarining mazmuni; 2.Professor-o‘qituvchilar tarkibining kvalifikatsiyasi; 3. 
Ta’lim texnologiyasi; 4. Ta’lim berish infratuzilmasi (elektron kutubxona kompyuter texnikasi va 
boshqalar). 
Tadqiqot o‘tkazish davomida shu narsa ayon bo‘ldiki, ta’lim sifatidagi ta’sir qiluvchi 
omillarni uchta kategoriyaga bo‘lib o‘rganish maqsadga muvofiq, deb hisoblaymiz. Ta’lim sifati 
faqat ta’lim jarayoniga qatnashuvchilarning faqat bittasiga, masalan, OTMga bog‘liq emas. Ta’lim 
sifati boshqariladigan va boshqarilmaydigan majmuaviy omillarga bog‘liq bo‘lgan jarayon 
hisoblanadi. Boshqariladigan omillarni tizimli tahlil qilishda, fikrimizcha, ta’lim jarayonida 
qatnashadigan resurslar va ulardan samarali foydalanishni o‘rganish maqsadga muvofiqdir. Ta’lim 
jarayonida qatnashuvchilarni quyidagi to‘rtta kategoriyaga ajratish mumkin: Bular: 1) OTM va 
uning rahbariyati; 2) professor-o‘qituvchilar (akademikliderlar);3)g‘alabalar; 4) iste’molchilar [2].

Download 7 Mb.