|
Guruh murabbiysiga qo‘yiladigan talablar
|
bet | 2/15 | Sana | 29.01.2023 | Hajmi | 4.29 Mb. | | #40007 |
Bog'liq 107-15 ТТЕ ва ТЛ гурух журнали 2016-2017 30-вариант., bolt, mahliyo1, Tilovova Parvina, Doc1, zamonaviy tarmoq operatsion tizimlari va ularni taxlil qilish, Yapmak, 1-Topshiriq, 1-slayd, 2-17-2-11-28-sonli xatga 2-ilova, Якуний назорат баллари қўйлиш жадвали2, 3.1. Avtoreferat.Azizov O.E.(тах кейинги) 24.02.23, 3-bob, 2-lab. konstruksiyaGuruh murabbiysiga qo‘yiladigan talablar
Talaba yoshlarni etuk ma’naviyatli va ma’rifatli, o‘z kasbining mohir mutaxasislari etib tarbiyalashda guruh murabbiylarining o‘rni beqiyosdir.
Guruh murabbiysi talabalarning eng yaqin maslahatgo‘yi bo‘lib, ular o‘zlarining quvonch va tashvishlarini o‘rtoqlashadilar. Talabalar har qaysi o‘qituvchiga ham o‘z sir-asrorlarini ochiq aytaolmaydilar. SHu bois murabbiy etib, institutda ko‘p yil ishlagan yuqori malakali, tashkilotchi, bilimdon, ayniqsa tarbiyaviy ishlarga tajribasi bor, ma’naviyati yuksak, talabalar hurmati va muxubbatiga sazovor bo‘lgan professor-o‘qituvchilar tayinlanadi. Demak, murabbiy faqat ma’muriyat vakili bo‘libgina qolmay, balki yoshlarning yo‘lboshchisi, oldingi avlod tajribalarini etkazuvchi shaxsdir.
Bundan tashqari murabbiy quyidagi talablarga to‘liq javob berishi lozim:
-boy hayotiy tajriba;
-davlatimizning ichki va tashqi siyosatini to‘la qo‘llab quvvatlaydigan sog‘lom fikrli, ahloqiy poklikka sodiqlik;
-yuqori darajadagi madaniyatlilik;
-talabalar psihologiyasini bilishi va soha bo‘yicha chuqur bilimlilik;
-ensiklopedik bilimga ega bo‘lishi va talabalarda ham shu bilimga talab uyg‘otish;
-maqsad sari intilish va tashkilotchilik qobiliyati;
-o‘ziga nisbatan talabchanlik;
O‘ZBEKISTON RESPUBLIKASI VAZIRLAR MAHKAMASINING
QARORI
18.06.2010 y. № 118
OLIY TA’LIM MUASSASALARIGA QABUL QILISH, TALABALAR O‘QISHINI KO‘CHIRISH, QAYTA TIKLASH VA O‘QISHDAN CHETLASHTIRISH TARTIBI TO‘G‘RISIDAGI
NIZOMLARNI TASDIQLASH HAQIDA
1-ilova. Oliy ta’lim muassasalarining bakalavriatiga talabalarni qabul qilish tartibi to‘g‘risidagi NIZOM
2-ilova. Oliy ta’lim muassasalarining magistraturasiga qabul qilish tartibi to‘g‘risidagi NIZOM
3-ilova. Oliy ta’lim muassasalari talabalari o‘qishini ko‘chirish,
qayta tiklash va o‘qishdan chetlashtirish tartibi to‘g‘risidagi NIZOM
"Ta’lim to‘g‘risida"gi O‘zbekiston Respublikasi Qonuniga, Kadrlar tayyorlash milliy dasturida belgilangan vazifalar hamda ta’lim tizimida amalga oshirilayotgan islohotlarga muvofiq oliy ta’lim muassasalariga qabul qilish, shuningdek talabalar o‘qishini ko‘chirish, qayta tiklash va o‘qishdan chetlashtirish tartibi va qoidalarini takomillashtirish maqsadida Vazirlar Mahkamasi QAROR QILADI:
1. Quyidagilar:
Oliy ta’lim muassasalarining bakalavriatiga talabalarni qabul qilish tartibi to‘g‘risidagi nizom 1-ilovaga muvofiq;
Oliy ta’lim muassasalarining magistraturasiga qabul qilish tartibi to‘g‘risidagi nizom 2-ilovaga muvofiq;
Oliy ta’lim muassasalari talabalari o‘qishini ko‘chirish, qayta tiklash va o‘qishdan chetlashtirish tartibi to‘g‘risidagi nizom 3-ilovaga muvofiq tasdiqlansin.
2. Vazirliklar va idoralar bir oy muddatda o‘z normativ-huquqiy hujjatlari ushbu qarorga muvofiqlashtirilishini ta’minlasinlar.
3. O‘zbekiston Respublikasi Vazirlar Mahkamasining "O‘zbekiston Respublikasi ta’lim muassasalariga qabul to‘g‘risidagi nizomlarni tasdiqlash haqida" 1999 yil 12 iyuldagi 342-son qarori 1-bandining ikkinchi va uchinchi xatboshi hamda mazkur qarorga 1 va 2-ilovalar o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N. Aripov zimmasiga yuklansin.
|
| |