169
FTTCning havo kabel tizimini qurishda kabellarni
vertikal xolatda joylashtirish usulini qo‘llash
Tarqatish
uzillarini
klaster
kabellarga
ulashda,tayanchning
qoniqarli tashqi ko‘rinishini saqlash maqsadida tayanchga osib
qo‘yiladigan buxta ko‘rinishidagi zaxira kabellarni saqlash zaruriyati
bo‘lmagan montaj usullaridan foydalaniladi. Abonent ulanish tuguni
bo‘lgan muftalar, panellar va shkaflar abonentlar bog‘lanishi
uchun
optik razyomlarga(ajralib ulanuvchiga) ega bo‘lgan kroslarga ega
bo‘lishi lozim,aks xolda drop kabellar zaxirasining buxtasi paydo
bo‘ladi. Bu esa yuqorida aytilganidek tayanchning tashqi ko‘rinishini
buzilishiga olib keladi. Abonentlar ulanish tuguni qanchalik ko‘p ulanish
portlariga ega bo‘lsa, ikki tayanch o‘rtasida bir vaqtda shuncha kabellar
joylashadi. Quyidagi 9.10-rasmda FTTC havo aloqa liniyasini qurishda
optik kabellarni tayachlarga vertikal usulda osish texnologiyasi
qo‘llanilishi keltirilgan.
9.10-rasm FTTC havo aloqa liniyasini
qurishda optik kabellarni
tayanchlarga vertikal usulda osish texnologiyasi qo‘llanilishi
Ushbu rasmda optik kabelli havo aloqa liniyalarini qurishda asosan
oldindan mavjud bo‘lgan elektr uzatish tizimlarining tayanchlaridan
foydalaniladi. Chunki xar qanday axoli yashashi punktiga albatta elektr
ta’minot liniyasi tortilgan bo‘ladi. Bu odatda tayanlarga osish orqali
xosil qilinadi. Shuning uchun optik kabelli havo aloqa liniyalarini
qurishda ushbu mavjud tayanchlardan foydalanish,
ham qurilish
170
muddatini qisqartirsa, ham iqtisodiy tejamkorlikka olib keladi. Lekin
bunda texnik sharoitga bog‘liq ravishda bir qator qoidalarga rioya qilish
lozim.
Tayanchga osilgan optik kabellarning eng yuqorida joylashgani
bilan elektr uzatish tarmog‘i kabeli bilan orasidagi masofa 40 smdan
kam bo‘lmasligi lozim. Bu elektr uzatish liniyasini bo‘lishi
mumkin
bo‘lgan ta’sirini xisobga olgan xolda belgilangan. Eng quyida
joylashgan kabeldan Yergacha bo‘lgan masofa esa 5 metrdan kam
bo‘lmasligi lozim. Tayanchga osilgan optik kabellar orasidagi masofa
esa qat’iy tartibga solinmagan va 15-20 smni tashkil etishi mumkin.
Tartibga soluvchi xujjatlarga muvofiq tayanchlarga osiluvchi optik
kabellar kamida 3kN yuklanishga chidamli bo‘lishi lozim.
Yuqorida bayon qilingan optik kabellarni tayanchlarga osish
uchun, ya’ni kabellarni vertikal osish usuli o‘ziga
xos afzallik va
kamchiliklarga ega. Xususan, bunday usulda optik havo aloqa liniyasi
qurilganda ushbu tayanchlarga osilgan elektr uzatish tizimi kabellariga
xizmat ko‘rsatishda deyarli muammolar yuzaga kelmaydi.
Ammo tayanchlarga osiluvchi optik kabellar sonining ortib ketishi
bir qator muammolarni yuzaga keltiradi. Xususan tayanchlardagi kabel
tizimining gabaritini ortib ketishi, optik
kabellar va elektr uzatish
kabellari orasidagi yoki optik kabellar va yer ostidagi masofaga
qo‘yilgan talablarni bajarilmasligiga olib keladi. Bir so‘z bilan aytganda
bunday usulda kabel liniyalari qurishda kabellar sonining chegaralanishi
mavjud.
