13
Hozirgi kun talabidan kelib chiqib malakali kadr mutaxassislarni
tayyorlash
O‘zbekiston Respublikasining “Ta’lim to‘g‘risida”gi qonuni va “Kadrlar
tayyorlash Milliy dasturi”ga muvofiq oliy ta’lim tizimida dolzarb vazifalardan
biridir. Jumladan, o‘qitiladigan fanlarning sifat jihatdan dunyo standartlari
talablariga
moslashtirish, sifatini oshirish va o‘qitish usullarini modernizatsiya
qilish muhim ahamiyatga ega.
Axborot – kommunikatsiya texnologiyalarini rivojlanishiga yo‘naltirilgan
siyosatni olib borish natijasida O‘zbekistonda yildan-yilga aholining keng
qatlamlariga kompyuter va Internet tarmog‘idan foydalanish imkoniyatlari shaxsga
o‘zining rivojlanishi va biznesini rivojlanishi uchun beqiyos imkoniyatlar
yaratmoqda. Bu esa shaxsdan kompyuter
va Internet texnologiyalari
imkoniyatlaridan unumli foydalanish zaruratini yaratadi. Ushbu darslik aynan shu
vazifani amalga oshirishga qaratilgandir.
Zamonaviy axborot kommunikatsion texnologiyasining va ularni amalga
oshirish vositalarini juda tez rivojlanishi axborot jamiyatining shakllanishini
oldindan belgilab beradi. Bunday jamiyatda
inson faoliyatining xamma
sohalarida mehnat qilayotganlarning mutlaq ko‘pchiligi axborotlarni ishlab
chiqish, saqlash, qayta ishlash va uning eng yuqori shakli bilimlarni
tarqatish bilan shug‘ullanadi. Bu sohada Internet tarmoqlari va texnologiyalari
muhim rol o‘ynaydi.
Bugun interenet texnologiyalari
dunyosidagi jadallik bilan
rivojlanayotgan sohalardan biriga aylanib bormoqda. Kompyuterlar asta-sekin
insonlar hayotiga kirib bormoqda. Ularsiz internet global tarmog‘ini,
intellektual ishchining ish joyini kompyuterning ajralmas bir qismiga aylanib
borayotganligini tasavvur qilish qiyin. Kompyuter texnologiyalari inson hayoti
tarzida,
kichik va katta korxonalarda, kompaniyalarda, o‘quv dargohlarida,
davlat muassasalarida behisob ahamiyat kasb etmoqda. Hozirgi vaqtda har
qanday dunyo xamjamiyatidagi obro‘-e’tiborli
geopolitik mavqei zamonaviy
kompyuter
texnologiyalarining
rivojlanish
darajasi,
jumladan,
14
telekommunikatsiya tizim va tarmoqlari, dunyo axborot makoniga kirish
usullari va imkoniyatlari bilan belgilanadi. Bugungi kunda axborotlarni global
almashuvining noyob imkoniyatlarini Internet -
har qanday kompyuterga yer
sharining istalgan nuqtasidan turib telekommunikatsiya tarmog‘i, aloqa va
ma’lumotlarni uzatish vositalari orqali axborotlarni almashish imkoniyatini
yaratuvchi butun dunyo tarmog‘ini beradi.
Ushbu darslik Internet tarmog‘ining tuzilish tamoyillari va xizmat turlarini
o‘z ichiga olgan bo‘lib, barcha ta’lim yo‘nalishlari talabalari uchun mo‘ljallangan.
