|
TCP/IP protokollari asosida tarmoqda o‘zaro ishlashni
|
| bet | 41/46 | | Sana | 13.05.2024 | | Hajmi | 12,24 Mb. | | #229855 |
Bog'liq Kommunikatsiyalarni rivojlantirish TCP/IP protokollari asosida tarmoqda o‘zaro ishlashni tashkil qilish
TCP/IP steki protokollarining ma’lumotlar birliklari
ISO standartlarida, har bir kommunikatsion protokol, uzatilayotgan ma‟lumotlarni shu protokol uchun belgilangan qaysidir birligidan – foydalangan holda ishlaydi. Ushbu birliklarni ifodalash uchun protokolning ma’lumotlar birligi - PDU (Protocol Data Unit) iborasidan ularning umumiy nomi sifatida foydalaniladi (6.3-rasm).
6.3-rasm.TCP/IP stekidagi protokollarning ma‟lumotlar birliklari.
Ko„p yillar davomida TCP/IP protokollari stekining ishlatilishi natijasida quyidagi nomdagi birliklar hosil bo„ldi:
Kanal sathi protokoli LLC uchun – kadr (freym); Tarmoq sathi protokoli IP uchun – paket (deytagramma); Transport sathi protokoli UDP uchun – deytagramma; Transport sathi protokoli TCP uchun – segment.
Oqim yoki ma’lumotlar oqimi deganda - transport sathining TCP va UDP protokollarining kirishiga, tarmoq ilovalaridan kelib tushadigan ma‟lumotlar oqimi tushuniladi (6.3-rasm). TCP protokoli ma‟lumotlar oqimidan - segmentlarni kesib oladi. UDP protokolining ma‟lumotlar birligi esa ko„picha deytagramma yoki datagramma deb ataladi (6.3- rasm).
Deytagramma avvaldan bog„lanishni hosil qilmay turib ishlaydigan protokollar ma‟lumotlar birligining umumiy nomi hisoblanadi. IP- protokol ham shunday protokollar sirasiga kiradi, shuning uchun uning ham ma‟lumotlar birligi deytagramma deb ataladi. Ammo IP-prototol haqida gap ketganda paket iborasidan ko„prok foydalaniladi.
TCP/IP protokollari stekida freym yoki kadr deganda, har qanday tarmoq texnologiyasiga tegishli bo„lgan, unga IP-paket joylashtirilib, tarmoqlardan iborat tarmoq tarkibiga kirgan tarmoqlar orqali paketlarni olib o„tish yoki harakatlantirish uchun ishlatiladigan ma‟lumotlar birligi tushuniladi. TCP/IP protokollari steki uchun – Ethernet kadri ham, ATM yacheykasi ham va X.25 paketi ham - freym hisoblanadi, negaki ularning barchasidan IP- paketni tashish uchun konteyner sifatida foydalaniladi.
|
| |
