Муҳим вакиллари
Акрил кислотаси-ўткир ҳидли рангсиз суюқлик, 141 oC да қайнайди, сувда яхши эрийди. Ацетилен ва Ni(CO)4 дан ёки пропенни каталитик оксидлаб олинади. Акрил кислотаси осон полиерланади, шунинг учун полимер материаллар олишда кенг қўлланилади. Айниқса унинг эфирлари, амиди ва нитрили муҳим саноат аҳамиятига эга.
Метакрил кислотаси (α-метилакрил кислотаси)-рангсиз суюқлик, 160,5 oC да қайнайди. Ушбу кислота ва унинг эфирлари ацетон ва водород цианиддан олинади:
Полимерлар саноатида метакрил кислотасининг метил эфири (метилметакрилат) қўлланилади.
КАРБОН КИСЛОТАЛАРНИНГ МУРАККАБ ЭФИРЛАРИ
Карбон кислоталарнинг мураккаб эфирлари спиртларнинг карбон кислоталар, ацилгалогенидлар ва ангидридларнинг ўзи билан ўзаро таъсири натижасида ёки карбон кислоталар тузларини алкиллаб олинади. Шунингдек айрим специфик методлари ҳам мавжуд. Масалан, Тишенко реакцияси, Байер-Виллигер методлари.
Карбон кислоталарининг циклик эфирлари лактонлар дейилади. Лактонлар γ- ва δ-гидроксикарбон кислоталарининг ички молекуляр циклланишидан осон ҳосил бўлади.
Карбон кислота ва спирт аралашмасида аста секин мураккаб эфир ҳосил бўлади. Реакция натижасида сув ҳам ҳосил бўлади. Этерификация ракцияси қайтар реакция ҳисобланади. Чунки мураккаб эфирлар сув билан таъсирлашиб яна карбон кислота ва спиртга айланади.
Лактонларнинг ҳосил бўлиши янада тезроқ боради:
Кислоталар иштирокида этерификация реакцияларининг тезлиги бир неча марта ортиши аниқланган. Кислота протони карбокисл гуруҳни фаоллайди ва кучсиз нуклеофил бўлган спиртнинг карбон кислотага таъсирини осонлаштиради.
Карбон кислоталарнинг спиртлар билан реакциясига карбодиимидлар ҳам ижобий таъсир кўрсатади.
Спиртлар, феноллар ва бошқа гидроксил гуруҳ тутувчи бирикмалар ангидридлар ва галогенангидридлар билан осон таъсирлашиб тегишли мураккаб эфирларни ҳосил қилади. Шунингдек, спиртларнинг карбон кислоталарнинг мураккаб эфирлари билан, айниқса кислоталар ёки асослар иштирокидаги реакциялари натижасида янги мураккаб эфирлар ҳосил бўлади (қайта этерификация)
Карбон кислоталарнинг тузлари галогеналканлар ёки ноорганик кислоталарнинг эфирлари билан алкилланиши натижасида мураккаб эфирлар ҳосил бўлади:
Карбон кислоталарнинг мураккаб эфирлари ҳушбўй ҳидли рангсиз суюқликлар, айримлари кристалл моддалардир. Уларнинг қайнаш температуралари тегишли кислоталарнинг (баъзан спиртларнинг) қайнаш температураларидан анча паст (нима учун?).
Мураккаб эфирлардаги боғларнинг қутблилиги карбон кислоталардаги кабидир. Асосий фарқи шундаки, мураккаб эфирларда ҳаракатчан водород атоми мавжуд эмас.
Карбонил гуруҳдаги углерод атоми электрофил марказ ҳисобланади. Мураккаб эфирнинг алкил гуруҳидаги углерод ҳам мусбат қутбланган. Мураккаб эфирнинг электрофиллиги кислород атомига боғланган углеводород қолдиғининг тузилишига боғлиқ. Агар ушбу углеводород қолдиғи винил ёки арил эфирлардаги каби боғланган система ҳосил қилса мураккаб эфирнинг реакцион қобилияти ортади.
Мураккаб эфирлар нуклеофиллар билан таьсирлашади, бунда алкокси гурух алмашади-нуклеофил ацилланади. Базан нуклеофилнинг алкилланиши кузатилади. -водород атоми тутувчи мураккаб эфирлар ушбу атом бўйича ҳам реакцияга киришади (мураккаб эфир конденсацияси). Хусусий реакциялар хам маьлум, масалан ацилоин конденсацияси.
1. Нуклеофил ўрин олиш реакциялари. Мураккаб эфирлар нуклеофил реагентлар билан тасирлашиб тегишли карбон кислота ёки ушбу кислотанинг ҳар хил функционал ҳосилаларига айланади.
Сув (гидролиз), спиртлар (алкоголиз ёки қайта этерификация), аммиак ва аминлар (аммонолиз), гидразинлар (гидразинолиз) билан борадиган реакциялар кўпроқ ўрганилган.
Мураккаб эфирларни ишқорлар билан ўзоро таьсири натижасида карбон кислотанинг туз ҳосил бўлади, яьни мураккаб эфирнинг гидролизи (совунланиш) содир бўлади.
Тегишли спиртдаги эритмаларда алкоксидлар билан рекцияси натижасида алкил гуруҳларнинг алмашиниши-қайта этерификация реакцияси кетади. Реакция қайтардир:
Кучсиз нуклеофиллар-сув ва спиртлар билан борадиган реакциялар кислоталар иштирокида боради. Кислота мураккаб эфир молекуласини активлайди.
Сув иштирокида гидролиз кетади ва карбон кислота чиқади. Спиртли аралашмада қайта этерификация содир бўлади.
2. Мураккаб эфирлар алкилловчи реагент сифатида. Айрим ҳолларда мураккаб эфирлар нуклеофил реагентни алкиллайди. Бу учламчи аминлар билан борадиган реакциялар учун характерлидир.
Ацил қолдиқнинг электроноакцептор хоссаси (тегишли карбон кислотанинг кислота константаси) ортиши билан мураккаб эфирнинг алкилловчи қобилияти ортади.
3. α-Водород атоми иштирокидаги реакциялар. Карбон кислоталарнинг α-водород атоми тутувчи мураккаб эфирлари кучли асослар билан карбонил бирикмалар каби таьсирлашиб карбанион ҳосил қилади.
Карбанионнинг хосил бўлиши мураккаб эфирнинг иккинчи молекуласи билан конденсацияга сабаб бўлади. Масалан, мураккаб эфирлар натрий метали ёки натрий алкоксид иштирокида -кетокарбон кислота эфирининг тузи хосил бўлади. Бу реакция мураккаб эфир конденсацияси ёки Кляйзен конденсацияси дейилади.
Реакцион аралашмага кислота қўшилса -кетокарбон кислоталарнинг эфирлари ҳосил бўлади.
4. Ацилоин конденсацияси. Мураккаб эфирлар майда дисперсли натрий иштирокида инерт муҳитда ўзига хос реакцияга киришади ва -гидроксикетонлар (ацилоинлар) ҳосил қилади. Реакция анион-радикал ҳосил бўлиши ва уларнинг димерланиши билан боради:
Оралиқ маҳсулот сифатида α-дикетонлар ҳосил бўлади, кейин улар натрий металли таъсирида ацилоинларга айланади.
Реакция катта циклли бирикмалар олишда муҳим аҳамиятга эга:
|
