|
Май 2021 10-қисм Тошкент май 2021 йил. Тошкент: «Tadqiqot», 2021. 202 бBog'liq 10.Pedagogika yonalishi 1 qismМай 2021 10-қисм
Тошкент
QARAQALPAQ AYTÍSLARÍNDA KIYIM-KENSHEK ATAMALARÍŃÍŃ
QOLLANÍLÍWÍ
Álimbetova N.
Qanlıkól rayonlıq 23-ulıwma bilim
mektebinıń qaraqalpaq tili hám
ádebiyatı páni muǵallimi
Patullaeva G.
Ájiniyaz atındaǵı NMPI
Qaraqalpaq tili kafedrası oqıtıwshısı
Qaraqalpaqstan Respublikası
Qaraqalpaq aytısları awızeki dóretpelerdiń ishinde óziniń kórkemliligi, tillik ózgeshelikleri
menen ajıralıp turadı. Onıń leksikasına itibar bersek, onda xalqımızdıń ótmish dáwirine tiyisli
derekler, kún-kóris jaǵdayı, úrp-ádet hám dástúrleri, basqa xalıqlar menen mádeniy hám ádebiy
baylanısları óz sáwlesin tapqan til birlikleri bar ekenligin ańlaymız. Solardıń qatarında gónergen
sózler dáwir koloritin, kartinasın ashıp beriwshi til birlikleri esaplanadı. Olardı aytıs tilinde kóplep
ushıratıwǵa boladı.
Hár bir xalıqtıń milliy kiyimi – sol xalıqtıń qaysı milletten ekenin, onıń milliy mádeniyatın
kórsetetuǵın tiykarǵı belgi. Xalıqtıń milliy kiyimlerinde onıń mádeniyatı, talantı, sheberligi
kórinedi hám ol milliy kiyimler menen basqa xalıqlardan ayrılıp turadı. Sonıń menen birge kiyim-
kenshekler arqalı adamlardıń kún-kóris jaǵdayı da málim dárejede belgili boladı. Máselen, jarlı,
kún-kórisi tómen adamlar ayaq kiyimlerden tıshtaban, sharıq kiyse, bay hám hámeldarlardıń
balaları aq pushta etik, zer gewish kiygen. Bunday buyımlardıń barlıǵı ótmish dáwir kartinasın
ashıp beriwshi dereklerden sanaladı.
Kiyim-kenshekler hár bir dáwirde óz zamanına say ózgeriske ushırap, ayırımları qollanıwdan
shıǵıp qalıp otırǵan. Mine, usınday qollanıwdan shıǵıp qalǵan buyımlardıń atamaları tilimiz
leksikasında gónergen sózler qatarınan orın iyeledi.
Bas kiyim atamaları:
bórik, sáwkele, shaqmaqı qurash, hám t.b. Bórik sózi DLT miynetinde de
bas kiyim maǵanasın bildirgen: Boshsiz bork bolmas [1].
Qaraqalpaq tiliniń túsindirme sózliginde bul sózge tómendegishe túsinik beriledi: «Hár túrli
teriden tigilgen bas kiyim, malaqay, tumaq, qurash, telpek, degeley» [2]. Malaqay, tumaq, qurash,
telpek, degeley – bulardıń hámmesi ulıwmalastırıp aytqanda er adamlardıń bas kiyimleri.
Aytıslar tilinde bul bas kiyimler atamalarınıń tómendegi mısalda jumsalǵanlıǵın kórsek boladı:
|
| |
