5
tinglovchilariga davlat namunasidagi sertifikat beriladi. Oʻquv modulining har
2 soatini oʻzlashtirganlik uchun tinglovchiga 1 kredit ball beriladi.
Imkoniyati cheklangan bolalar uchun ixtisoslashtirilgan maxsus maktab
va maktab-internatlari texnologiya fani oʻqituvchilarini uzluksiz kasbiy
rivojlantirish kursi oʻquv rejasidagi modullarining mazmuni
1. Pedagogning kommunikativ koʻnikmalarini rivojlantirish
Oʻzgalar fikrini hurmat qilish. Oʻzgalar fikriga taʼsir etuvchi (ishontira olish,
toʻgʻrilash, fikrni qarama-qarish qoʻyish) muloqot maneralari. Oʻzgalarning
huquqlari va hissiyotlarini hurmat qilishga hamda oʻzaro munosabatlarni
oʻrnatishga qaratilgan (qoʻllab-quvvatlash, konstruktiv, ruhlantiruvchi) muloqot
shakllari. Taʼlim jarayoni sifatini oshirish va taʼlim oluvchilarning oʻquv
ehtiyojlarini qondirish maqsadida oʻz hamkasblari bilan axborot-kommunikatsiya
texnologiyalarining turli vositalari yordamida aloqa oʻrnatish va hamkorlik qilish.
Taʼlim sifatini oshirish maqsadida global tarmoqdagi turli pedagogik
hamjamiyatlarda ishtirok etish. Oʻzgalar bilan oʻzaro hurmat asosiga qurilgan
munosabatlar. Oʻzini tutishda, boshqalar bilan munosabatga kirishishda, qaror
qabul qilishda va resurslarni boshqarishda axloq normalari. Milliy qadriyatlarni,
shaxs erkinligi va uning masʼuliyatini, ijtimoiy adolatni himoya qilish.
