|
Materialshunoslik va konstruksion materiallar texnologiyasi
|
| bet | 1/123 | | Sana | 15.05.2024 | | Hajmi | 14,49 Mb. | | #234931 |
Bog'liq Mat va KMT darslik
O‘ZBEKISTON RESPUBLIKASI
OLIY TA’LIM, FAN VA INNOVATSIYALAR VAZIRLIGI
MATERIALSHUNOSLIK VA KONSTRUKSION MATERIALLAR TEXNOLOGIYASI
Darslik
TOSHKENT - 2024
MUALLIFLAR. M.N. To‘xtasheva, L.O. Daminov, Ya.I. Sharipov Materialshunoslik va konstruksion materiallar texnologiyasi. Darslik. –Toshkent. 2024 -233 b.
Ushbu darslik Materialshunoslik va konstruksion materiallar texnologiyasi fani uchun tayyorlangan. Darslikda qora va rangli metallar va ularning qotishmalarini olinishi, turli buyum va zagotovkalarni quyib ishlab chiqarish va usullari, konstruksion materiallarni payvandlash, bosim ostida va qirqib ishlov berishning texnologik usullari, ularning texnik-iqtisodiy tasnifi hamda qо‘llash sohalari shu usullarda kо‘p ishlatiladigan asbob, moslama va jihozlarning prinsipial sxemalari, tayyorlanish usullarini e’tiborga olish, ishlov berish uchun qulay bо‘lgan zagatovka tuzilishlarini rejalashtirishning asosiy yо‘llari bilan bog‘liq bо‘lgan bilimlarni qamrab olgan.
Mashinasozlikda ishlab chiqarish rivojlanishiga materiallarga to‘g‘ri ishlov berish juda katta ta’sir ko‘rsatadi. Shuningdek, ishlab chiqarishni modernizatsiya qilish, texnik va texnologik qayta jihozlash ustuvor vazifalarini bajarishda “Konstruksion materiallar texnologiyasi” o‘quv fani muhandislik sohasidagi ta’lim yo‘nalishlari mexanik o‘quv fanlarining poydevoridir. Shuning uchun bu fan texnika oliy yurtlarining ishlab chiqarish texnik soha, xizmatlar sohasi, qishloq va suv xo‘jaligi bilim sohalarining o‘quv rejasida mavjud.
Darslik O‘zbekiston Respublikasi Oliy va o‘rta maxsus ta’lim vazirligining Oliy ta’lim muassasalari 60720700-Texnologik mashinalar va jihozlar (maishiy texnika kimyo sanoati, mebel va yog‘ochsozlik sanoati) bakalavr ta’lim yo‘nalishida tahsil olayotgan talabalar uchun mo‘ljallangan bo‘lib undan shu yo‘nalishda ilmiy izlanishlar olib borayotgan katta ilmiy xodim, mustaqil tadqiqotchi, magistrant, mutaxassislar foydalanishi mumkin.
|
| |
