iboratki, ular (o`z ichki qonuniyatlariga ko`ra) muarakkab, o`zgaruvchan va
nostandart bo`ladilar. O`simliklar ham, jonivorlar ham mikroorganizmlar dunyoga
kelib yashaydilar, o`sadilar rivojlanadilar. Shuningdek
kasallikka chalnadilar va
halok bo`ladilar. Bu sohada ishlaydigan hodim tirik organizmlar to`g`risida juda ko`p
narsalarni shunchaki bilibgina qolmay, shu bilan birga ko`pgincha muqarrar ravishda
sodir bo`ladigan yoki sodir bo`lishi ehtimoli tug`ilgan o`zgarishlarni ham oldindan
ko`ra bilish kerak. Aniq mehnat vazifalarini hal qilish vaqtida odamdan
tashabbuskorlik va mustaqillik talab qilinadi u tabiatga nisbatan g`amxo`r va uzoqnio
ko`ra oladigan kishi bo`lishi kerak.
Bu ish sizga yoqadimi, quyidagi ishlarni bajarishni xohlarmidingiz:
1.
Biologiyadan labaratoriya ishlari va amaliy mashg`ulotlarni bajarishni
istaysizmi?
2.
Maktab o`quv-tajriba
uchastkasida, tirik burchakda, o`quvchilar
ishlab chiqarish brigadasi dalalarida ishlash sizga yoqadimi?
3.
O`z tomorqa uchastkangizda, bog`ingizda ishlashni istaysizmi?
4.
Uy hayvonlarini boqishni istaysizmi?
5.
Jonli tabiat to`g`risidagi ilmiy-ommobop, badiiy adabiyotni o`qishni
sevasizmi?
Agar mana shu savollarning ko`pchiligiga “ha”
deb javob beradigan
bo`lsangiz, u holda “odam-tabiat” tipidagkasblarning sizga to`g`ri kelishi ehtimoldan
uzoq emas. Biroq, xozircha bu xulosani hali uzil-kesil xulosa deb hisoblab
bo`lmaydi. Keyinchalik siz yana bir qancha omillar yig`indisini bilib olasizki, kasb
tanlashda shu omillarni hisobga olmoq zarur.
