203
§ 15.3. Nasos stansiyalari
avtomatlashtirish ob’ekti sifatida
Nasos stansiyalarida (NS) nazorat asbob-uskunalarini qo‘llash orqali va ular
tufayli texnologik jarayonlarni avtomatlashtirish oson kechadi.
Nasos stansiyalarida qo‘llaniladigan nasoslarning barchasi tegishli rezervuarlar
yoki oqim suvlari bosimini oshirish tamoyili asosida ishlaydilar.
Zamonaviy nasoslar stansiyalarida
butun texnik jarayonini optimallashtirish
kerak bo‘ladigan bo‘lsa, u holda avtomatlashtirilgan boshqaruv tizimi orqali bu
vazifani amalga oshirish mumkin. Bu esa nasos stansiyasini avtomatlashtirish tufayli,
suv ta’minoti jarayonining bir tekis ishlashi va ishonchliligini oshirish imkonini beradi.
Avtomatlashtirish tizimi joriy etganda eskpluatatsion va mehnat xarajatlarini,
shuningdek rezervuarlarda saqlanaetgan suyuqlik hajmini kamaytirish imkonini
beradi. Avtomatlashtirilgan boshqaruv tizimini ulash natijasida nasos inventarlari
soatlab ishlashigi to‘g‘ri keladi. Har qanday yaxshi muvofiqlashtirilgan jarayon esa,
har qanday algoritmning muvaffaqiyatli ishga tushirilishiga misoldir.
Nasos stansiyalarining avtomatlashtirish tizimi turli darajadagi ahamiyatga ega
bo‘lgan eskpluatatsion uskunalar ustidan to‘liq boshqarish o‘rnatishga yordam
beradigan maxsus chora-tadbirlar majmuasidir. Ularning yordami bilan mavjud
bo‘lgan agregatlarning silliq ishga tushishi va sekin to‘xtatilishi taminlanadi.
Avtomatik ob’ektlarni boshqarishning qanday afzalliklari bor?
Avtomatlashtirilgan boshqaruv tizimi asosida nasos dvigatelini boshqarish, sekin
ishga tushirish va bir tekisda ishlatish imkonini beradi. Boshqaruv nazorati
dvigatelning bo‘sh ishlashiga yo‘l qo‘ymaydi.
Nasos uskunalarini avtomatik boshqarish nasos qurilmalarining optimal samarali
ishlashi uchun, zarur bo‘lgan elektr toki, suv bosimi va boshqa ko‘rsatkichlarni tartibga
solish imkonini beradi.
Nasos stansiyalarini avtomatlashtirish texnika xavfsizligini ta’minlaydi, avariya
va jarohatlanish xavflini kamaytiradi.
