205
Nasos stansiyalarini avtomatlashtirishning iqtisodiy samaradorligi
•
Nasos agregatlarini optimal rejimda ishlashi tufayli energiya tejalishi bilan ish
parametrlarining uzluksiz monitoringi belgilash;
•
Optimal ish rejimlariga, uzluksiz monitoringga va avtomatik nazoratga erishish
orqali energiyani tejash;
•
Avtomatik himoya vositalarini joriy yetish va uskunalarning texnik holatini
uzluksiz kuzatish tufayli avariya vaziyatlarni kamaytirish;
•
Optimal sharoitda nasoslarning ishlashi tufayli servis xizmat ko‘rsatish va
texnik xizmat ko‘rsatish oraliqlari kamaytirish;
•
Texnik xodimlar sonini qisqartirish orqali operatsion xarajatlarni kamaytirish.
§ 15.5. Cho‘kma nasoslarni avtomatik boshqarish sxemasi
Nasos qurilmalarini avtomatlashtirish uchun umumiy maqsadli uskunalardan
tashqari (kontaktorlar, magnitli starterlar, kommutatorlar, oraliq relelar), maxsus
nazorat va boshqaruv qurilmalari ishlatiladi, masalan, sath nazorat relelari, markazdan
qochma nasoslar, reaktiv relelar, qolqovushli relelar, elektrod sathli relelar, turli bosim
o‘lchagichlar, sig‘imli datchiklar va boshqalar.
Boshqarish stansiyasi
- 1 kV gacha bo‘lgan to‘liq qurilmalar. Nazorat, rostlash,
himoya va signal vazifalarini avtomatlashtirilgan bajarish bilan elektr qurilmalarini
yoki ularning qismlarini masofadan boshqarish uchun mo‘ljallangan.Tizimli ravishda
boshqarish stansiyasi-blok, panel, shkaf, shitlardan tashkil topadi.
Boshqarish bloki
- barcha elementlari alohida plitada yoki qarqasda
o‘rnatilgan boshqaruv stansiyasi.
Boshqaruv paneli
- boshqarish stansiyasi, uning barcha elementlari umumiy
ramka yoki metall qatlamga yig‘ilgan platalar, relslar yoki boshqa tarkibiy
elementlarga o‘rnatiladi.
