64
Ruxsat etilgan chegaraviy quvvat
– R
p.e.
Bu ko‘rsatkich kontaktlar ajralish
jarayonida turg‘un - yoyni (dugani) hosil qilmaydigan zanjirning quvvati bilan
aniqlanadi.
Kontaktlarning ish rejimini engillashtirish maqsadida kontaktlarga yoki
Chulg‘amga shunt sifatida qo‘shimcha elementlar ulash maqsadga muvofiqdir.
Chulg‘amning induktivligi hisobiga yig‘ilgan magnit energiyasi kontaktlararo
masofada sarflanmasdan, rezistor va kondensator yoki сhulg‘amning o‘zida sarflanadi.
Rezistor qarshiligi cho‘lg‘amning aktiv qarshiligidan 5-10 barobar katta bo‘lishi kerak.
Kondensatorning sig‘imi esa S = 0,5 - 2,0 mkf.
§ 5.2. Avtomatika relelari va ularning klassifikatsiyasi
Ish prinsipi bo‘yicha elektr relelari o‘z navbatida quyidagi turlarga bo‘linadi:
Elektromagnit
relelarida chulg‘amdan o‘tayotgan tok ta’sirida magnit maydon
hosil bo‘lib yakorning va kontaktlarning holati o‘zgartiriladi.
Magnitoelektrik
relelarda chulg‘am ramka ko‘rinishida bajarilib, o‘zgarmas
magnit maydonida joylashtirilgan. Chulg‘amdan tok o‘tayotganda ramka prujinaning
kuchini engib harakatga keladi va kontaktlarning holatini o‘zgartiradi.
Elektrodinamik
rele ish prinsipi bo‘yicha magnitoelektrik relega o‘xshash lekin
undagi magnit maydoni maxsus uyg‘otish chulg‘ami bilan hosil etiladi.
Induksion
relening ish prinsipi relening chulg‘ami hosil qiladigan o‘zgaruvchan
magnit oqimi va harakatlanuvchan diskda hosil bo‘ladigan tok o‘zaro ta’siriga
asoslangan.
Ferromagnit
relelar magnit kattaliklari (magnit oqimi, magnit maydoni
kuchlanganligi) yoki ferrodinamik materiallarining magnit tavsifnomalari o‘zgarishi
ta’sirida ishlaydi.
