Erituvchi yordamida xom-ashyoni uch karrali ishlov berishdagi davriy ekstraksiyalash

Erituvchi yordamida xom-ashyoni uch karrali ishlov berishdagi davriy ekstraksiyalash

Uch bosqichli tozalashda birinchi, ikkinchi va uchinchi bosqich ekstraksiyalash haroratlari to’xtovsiz tozalashdagi ekstraksion kolonnalar yuqorisidagi, o’rtasidagi va pastidagi haroratlarga muvofiq qabul qilinadi. Tozalashda qo’llaniladigan erituvchilar (furfurol, suvsiz fenol va boshqalar.) teng ma’lum miqdorda tozalanishning har bir bosqichda beriladi. Fenoldagi suv miqdori tozalanadigan xom-ashyo turniga bog’liq holda 3 dan 18 % gacha (og’ir yuqori qovushqoqli mahsulotda 3-5%, kam qovushqoqli mahsulotda-18 % gacha) bo’ladi.

Ekstraksiya birinchi bosqichi.

Ekstraktorga tozalanadigan xom-ashyo va 1/3 hajmda tozalash uchun zarur bo’lgan erituvchi solinadi. Ekstraktordagilarni aralashtirish vaqtida shu bosqichda talab etiladigan haroratgacha qizdiriladi. 30 minut aralashtiriladi va 40-45 minut tindirishdan keyin shu haroratda ekstrakt to’kib olinadi, rafinatli qismi esa erituvchi bilan ikkinchi bosqich ekstraksiyalash uchun yana ishlov berishga o’tkaziladi.

Ekstraksiya ikkinchi bosqichi.

Ekstraktorda birinchi bosqichdan qolgan rafinat eritmasi ikkinchisi ma’lum miqdordagi erituvchi bilan aralashtiriladi, ekstraksiyaning ikkinchi bosqich haroratsigacha qizdiriladi va shu haroratda 30 minut aralashtiriladi va 40-45 minut tindirilgandan so’ng ekstraktli eritma to’kib olinadi, rafinatli eritma esa keyingi ishlovga qo’yiladi.

Ekstraksiya uchinchi bosqichi.

Ekstraksiyaning uchinchi bosqichida oldingi ishlar takrorlanadi, jarayon faqat biroz yuqori haroratda o’tkaziladi. Uchinchi bosqich tozalashda olingan rafinatli eritmani va ekstraksiyaning har bir bosqichida olingan eritmalardan erituvchi haydaladi.