|
Axborot sohasida shaxs va jamiyat manfaatlariga tazyiq o’tkazish usullariBog'liq F.Mo’minov, Sh.Barotov va boshq. Ochiq axborot tizimlarida axborot-psixologik xavfsizlik. Darslik.Axborot sohasida shaxs va jamiyat manfaatlariga tazyiq o’tkazish usullari
deganda, inson va fuqaroning ochiq axborotga ega bo’lishiga, qonun bilan
taqiqlanmagan faoliyatni amalga oshirishga bo’lgan huquqdan foydalanishni cheklash
tushuniladi. Bular esa shaxsiy xavfsizlikni, ma’naviy va aqliy rivojlanishni ta’minlovchi
axborotlar hisoblanadi. Bundan tashqari, individual, “virtual axborot” maydonini, uning
ruhiy faoliyatga ta’sir etish texnologiyalaridan foydalanish imkonini shakllantirish
hisobiga jamoatchillik ongini chalkashtirish imkoniyatlarini kengaytirish shaxs
manfaatlariga bo’lgan eng xavfli tajovuz hisoblanadi.
Tsivilizatsiyalar (madaniyatlar, tamaddunlar) to’qnashuvi – Harvard (AQSh)
universitetining professori Samyuel Xantington g’oyasi. Muallif dastlab 1993 yilda
shunday nomdagi maqolasini e’lon qildi. Maqolaga turli mintaqa va mamlakatlarning
mutaxassislari munosabat bildirib, ayrimlari S. Xantingtonni qo’llagan bo’lsa, aksariyat
olimlar unga qarshi chiqdi. Javoblarni yig’ib, S. Xantington 1996 yilda shunday nomda
kitob chop etdi va o’z nuqtai nazarida qolib, uni rivojlantirishga harakat qildi.
“Madaniyatlar to’qnashuvi” g’oyasiga O’zbekiston Respublikasi Prezidenti
I.A.Karimov salbiy munosabat bildirgan.
Axborot qarama-qarshiligi - bu atrof dunyodagi biror hodisaga nisbatan
munosabatda bo’lishda auditoriyaga o’z qarashlari, fikrini tiqishtirishga hamda qarshi
tomon g’oyasi va nuqtai nazarini inkor etuvchilik roli bilan ta’sir ko’rsatishga
intilishdir.
Axborot-psixologik kurash - bu boshqa mamlakat yoki mamlakatlar guruhida
mavjud ijtimoiy tizimni bo’shashtirish, jamiyat axloqini izdan chiqarish, rivojlanish
milliy dasturiga putur etkazish, shuningdek o’z qadriyatlari va turmush tarzini
to’g’ridan-to’g’ri eksport qilish maqsadida axborot xizmati hamda qo’poruvchilik bilan
shug’ullanuvchi xizmatlarning o’zaro xamkorligidir.
|
| |
