|
Ona tili va adabiyot fanlaridan metodik tavsiya va materiallarBog'liq [@ustoz] ONA TILI VA ADABIYOT 9-SINF 2023 Mohichehra.inklyuzivONA TILI
9-SINF
Ona tili fanidan o‘quvchilarning DTSda belgilangan bilim, ko‘nikma, malaka
va kompetensiyalarning elementlari qay darajada shakllanganligini hamda fikrini mantiqiy
izchillikda, ona tilining keng imkoniyatlaridan o‘rinli foydalangan holda ravon va to‘g‘ri
bayon eta olish malakasi, fikr bayon etilayotgan soha bo‘yicha o‘quvchining bilimlari
kengligi va chuqurligi, tuzgan matnining imloviy, uslubiy, savodlilik darajasini aniqlash
maqsadida 9-sinf bitiruvchilari ona tili fanidan yakuniy attestatsiyada ijodiy bayon
yozadilar.
Bayon matnlari 3 ta variantda tayyorlanadi. Har bir variantda bittadan matn
beriladi. Bir o‘quvchi 3 ta variantdan (konvertdan) bittasini tanlab oladi. Tanlab olingan
konvertdagi matn mavzusi doskaga yozib qo‘yiladi. Ijodiy bayon uchun berilgan topshiriq
ham doskaga yozib qo‘yiladi. O‘qituvchi tomonidan ijodiy bayon matni bir marta (lozim
bo‘lsa, ikki marta) o‘qib eshittiriladi. O‘quvchilar eshitgan matn mavzusidan berilgan
topshiriq asosida ijodiy bayon yozadilar .
Ijodiy bayon hajmi 9-sinf uchun 3,5 – 4 bet bo‘lishi mumkin. Belgilangan vaqt
2 soat (120 daqiqa) bo‘lib, 5 ballik tizimda baholanadi. Tasviriy vositalardan foydalanib
bayon yozishda o‘quvchi matn mazmuniga bog‘lab, mustaqil ravishda ayrim narsa, voqea-
hodisalarni tasvirlaydi. Boshlab berish yo‘li bilan bayon yozishda boshlanishi berilgan
matnni o‘quvchilar ijodiy davom ettirib, uni to‘liq matn shakliga keltiradilar.
O‘quvchining yozgan bayoni mazmun izchilligi va lisoniy qurilishi jihatidan talab
darajasida bo‘lishi bilan birga, savodli bo‘lishi kerak. Shuningdek, bayonning reja asosida
yozilishiga erishilishi zarur. Aniq tuzilgan reja o‘quvchi bayonining izchil mantiqiy
bo‘lishini ta’minlaydi.
Ijodiy bayon uchun ikkita baho (mazmuniga va savodxonligiga 5/5 tarzida)
qo‘yiladi.
|
| |
