61
7 - Mavzu: Pul aylanmasi va uning tuzilishi.
Reja:
1.Pul muomalasi
2.Pul massasi va pul agregatlari
3.Pul muomalasi barqarorligini ta’minlash usullari
Tayanch so’z va iboralar
:pul massasi, pul muomilasi, pulni aylanish tezligi,
kvazi.
Pul muomalasi
- bu pullarning mamlakatning ichki iqtisodiy aylanishi,
tashqi iqtisodiy aloqalar tizimidagi, tovarlar va xizmatlarning sotilishiga,
shuningdek, uy xo’jaligidagi tovarsiz to’lovlarga xizmat ko’rsatadigan naqd
pullik va naqd pulsiz shakllardagi harakatidir. Tovar ishlab chiqarish pul
muomalasining obyektiv negizi bo’lib, undagi tovar olami tovarlarning ikki
turiga: tovarlarning o’ziga va tovar- pullarga bo’linadi. Naqd pullik va naqd
pulsiz shakllardagi pullar yordamida tovarlar, shuningdek, ssuda va fiktiv
kapitallarning muomalasi jarayoni amalga oshiriladi.
Ma’lumki, bozor iqtisodiyoti tovar-pul munosabatlariga asoslangan. Tovar
muomilasini taminlash pul miqdoriga ko’p jihatdan bog’liq.
