V. Vazirlik tizimi xodimlarining noqonuniy harakatlari ustidan berilgan shikoyatlarni ko‘rib chiqish tartibi
100. Vazirlik tizimi xodimlarining xatti-harakatlari ustidan kelib tushgan shikoyatlar vazir yoki uning o‘rinbosarlarining rezolyusiya (topshiriqnoma)si bilan darhol tegishli tarkibiy tuzilmalarga ijro qilish uchun beriladi.
101. Alohida hollarda vazir nazoratni amalga oshirishni o‘rinbosarlaridan biri zimmasiga yuklatishi mumkin.
102. Vazirlik tizimidagi xodimlarning xatti-harakatlari ustidan kelib tushgan shikoyatlarda ko‘rsatilgan alohida ahamiyatga ega bo‘lgan faktlar va voqealar bo‘yicha rahbariyat ko‘rsatmasi asosida tegishli tarkibiy tuzilma tomonidan vazir (ayrim hollarda vazir o‘rinbosarlari) topshirig‘iga asosan xizmat tekshiruvi o‘tkaziladi.
103. Vazirlik tizimi xodimlarining xatti-harakatlaridan norozi bo‘lib yozilgan anonim murojaatlardan Kadrlar va shaxsiy tarkib bilan ishlash boshqarmasi xodimlarni xushyorlikka chaqirish, ularning intizomini yaxshilash va boshqa chora-tadbirlarni belgilab olish maqsadida ma’lumot sifatida foydalanishi mumkin.
| 