• II. Murojaatlarni qabul qilish va qayd etish tartibi
  • III. Murojaatlarni ko‘rib chiqish tartibi va muddatlari
  • O‘zbekiston Respublikasi Favqulodda vaziyatlar vazirligi tizimida jismoniy va yuridik shaxslarning murojaatlarini ko‘rib chiqish tartibi to‘g‘risida Yo‘riqnoma




    Download 0.8 Mb.
    bet1/9
    Sana16.03.2017
    Hajmi0.8 Mb.
      1   2   3   4   5   6   7   8   9

    O‘zbekiston Respublikasi Favqulodda vaziyatlar vazirligi tizimida jismoniy va yuridik shaxslarning murojaatlarini ko‘rib chiqish tartibi to‘g‘risida Yo‘riqnoma
    I.
    Vazir (arab. - yuk koʻtaruvchi) - oʻrta asrlarda Yaqin va Oʻrta Sharq davlatlarida, shu jumladan Oʻrta Osiyo xonliklarida hukumat idorasi yoki kengashi (devon) boshligʻi. V. lar vaziri aʼzam rahbarligida davlatni idora etish vazifalari bilan shugʻullangan. V.
    Respublika (lot. respublica, res - ish va publicus - ijtimoiy, umumxalq) - davlat boshqaruvi shakli, unda bar cha davlat hokimiyati organlari saylab qoʻyiladi yoki umummilliy vakolatli muassasalar (parlamentlar) tomonidan shakllantiriladi, fuqarolar esa shaxsiy va siyosiy huquqlarga ega boʻladilar.
     Umumiy qoidalar

    1. Mazkur Yo‘riqnoma O‘zbekiston Respublikasi Konstitutsiyasining
    35-moddasi hamda O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuniga muvofiq O‘zbekiston Respublikasi Favqulodda vaziyatlar vazirligi (keyingi o‘rinlarda vazirlik deb ataladi) markaziy apparatida, uning hududiy va tarkibiy tuzilmalarida jismoniy va yuridik shaxslarning murojaatlari (keyingi o‘rinlarda murojaat deb ataladi)ni ko‘rib chiqilishini tartibga soladi.

    2. Qonunga muvofiq O‘zbekiston Respublikasi va xorijiy davlatlarning jismoniy va yuridik shaxslari, fuqaroligi bo‘lmagan shaxslar davlat organlariga murojaat qilish huquqiga ega.

    Murojaat etish huquqining amalga oshirilishi boshqa jismoniy va yuridik shaxslarning huquqlarini, erkinliklarini hamda qonuniy manfaatlarini, shuningdek jamiyat va davlat manfaatlarini buzmasligi kerak.

    3. Ushbu Yo‘riqnomaning amal qilishi:

    ko‘rib chiqish tartibi ma’muriy javobgarlik to‘g‘risidagi, fuqarolik protsessual, jinoyat-protsessual, jinoyat-ijroiya, xo‘jalik protsessual qonun hujjatlari va boshqa qonunlar bilan belgilangan murojaatlarga;

    vazirlikning, shuningdek uning hududiy va tarkibiy tuzilmalari bilan o‘zaro yozishmalariga nisbatan tatbiq etilmaydi.

    Harbiy xizmatchilarning xizmatni o‘tash bilan bog‘liq bo‘lgan murojaatlari O‘zbekiston Respublikasining Qonunlari, shuningdek Qurolli Kuchlarning Ichki xizmat va Intizom Nizomlariga muvofiq ko‘rib chiqiladi va hal etiladi.

    4. Ushbu Yo‘riqnomada quyidagi asosiy tushunchalar qo‘llaniladi:

    ariza - huquqlarni, erkinliklarni va qonuniy manfaatlarni amalga oshirishda yordam ko‘rsatish to‘g‘risidagi iltimos bayon etilgan murojaat;

    taklif - davlat va jamiyat faoliyatini takomillashtirishga doir tavsiyalarni o‘z ichiga olgan murojaat;

    shikoyat - buzilgan huquqlarni, erkinliklarni tiklash va qonuniy manfaatlarni himoya qilish to‘g‘risidagi talab bayon etilgan murojaat;

    anonim murojaat - jismoniy shaxsning familiyasi (ismi, otasining ismi), uning yashash joyi to‘g‘risidagi ma’lumotlar yoki yuridik shaxsning to‘liq nomi, uning joylashgan joyi (pochta manzili) to‘g‘risidagi ma’lumotlar ko‘rsatilmagan yoxud ular haqida yolg‘on ma’lumotlar ko‘rsatilgan, shuningdek imzo (elektron raqamli imzo) bilan tasdiqlanmagan murojaat;

    murojaatning dublikati - aynan bir jismoniy yoki yuridik shaxsning murojaati nusxasi;

    takroriy murojaat - avvalgi murojaatlar bo‘yicha qabul qilingan qaror yuzasidan shikoyat qilingan yoki boshqacha tarzda norozilik bildirilgan, shuningdek, agar takroriy murojaat kelib tushgan paytda ko‘rib chiqishning qonun hujjatlarida belgilangan muddati tugagan bo‘lsa, avvalgi murojaat o‘z vaqtida ko‘rib chiqilmaganligi haqida xabar qilingan, aynan bir jismoniy yoki yuridik shaxsdan kelib tushgan murojaat;

    elektron murojaat - elektron raqamli imzo bilan tasdiqlangan va elektron hujjatning uni identifikatsiya qilish imkonini beradigan boshqa rekvizitlariga ega bo‘lgan elektron hujjat shaklidagi murojaat.

    5. Vazirlik tizimida og‘zaki, yozma yoxud elektron shakldagi murojaatlar ko‘rib chiqiladi.

    Vazirlikning “ishonch telefoni”ga kelib tushgan murojaatlar og‘zaki murojaat sifatida mazkur Yo‘riqnomada belgilangan tartibda qayd etiladi, ro‘yxatga olinadi va ko‘rib chiqiladi.

    Vazirlikning rasmiy veb-sayti orqali yoki elektron pochta manziliga kelib tushgan murojaatlar elektron murojaatlar tarzida qayd etiladi va ushbu Yo‘riqnomada belgilangan tartibda ko‘rib chiqiladi.

    O‘zbekiston Respublikasi YAgona interaktiv davlat xizmatlari portali (Hukumat portali) orqali kelib tushgan murojaatlar elektron murojaatlar tarzida qayd etiladi va Vazirlar Mahkamasining 2012 yil 30 dekabrdagi 378-son qarori bilan tasdiqlangan O‘zbekiston Respublikasi YAgona interaktiv davlat xizmatlari portali to‘g‘risidagi Nizom talablari hisobga olingan holda ushbu Yo‘riqnomada belgilangan tartibda ko‘rib chiqiladi.

    6. Murojaatlar arizalar, takliflar va shikoyatlar tarzida bo‘lishi mumkin.

    Jismoniy va yuridik shaxslar yakka tartibda yoki jamoa bo‘lib murojaat etish huquqiga ega.

    Murojaatlar turi va shaklidan qat’iy nazar, bir xil ahamiyatga ega.

    7. Murojaatlar davlat tilida va boshqa tillarda berilishi mumkin.

    Til deb murakkab muloqot tizimiga yoki shu tizimni oʻrganish va ishlatish qobiliyatiga aytiladi. Tilni oʻrganuvchi sohaga tilshunoslik deyiladi. Jahon tillari miqdorini aniqlash uchun til va sheva orasida farq oʻrnatish zarur.

    8. Jismoniy shaxsning murojaatida, uning familiyasi (ismi, otasining ismi), yashash joyi to‘g‘risidagi ma’lumotlar ko‘rsatilgan va murojaatning mohiyati bayon etilgan bo‘lishi kerak.

    YUridik shaxsning murojaatida yuridik shaxsning to‘liq nomi, uning joylashgan eri (pochta manzili) to‘g‘risidagi ma’lumotlar ko‘rsatilgan va murojaatning mohiyati bayon etilgan bo‘lishi kerak.

    YOzma murojaat murojaat etuvchi jismoniy shaxsning imzosi yoki murojaat etuvchi yuridik shaxs rahbarining yoxud vakolatli shaxsining imzosi bilan tasdiqlangan bo‘lishi lozim. Jismoniy shaxsning yozma murojaatini murojaat qiluvchining imzosi bilan tasdiqlash imkoni bo‘lmagan taqdirda, bu murojaat uni yozib bergan shaxsning imzosi bilan tasdiqlanib, uning familiyasi (ismi, otasining ismi) ham qo‘shimcha ravishda yozib qo‘yilishi kerak.

    Elektron murojaat elektron raqamli imzo bilan tasdiqlangan va elektron hujjatning uni identifikatsiya qilish imkoniyatini beradigan boshqa rekvizitlariga ega bo‘lgan elektron hujjat shaklida bo‘lishi lozim. Elektron murojaat qonunda belgilangan talablarga muvofiq bo‘lishi kerak.

    Jismoniy va yuridik shaxslarning vakillari orqali berilgan murojaatlarga ularning vakolatlarini tasdiqlovchi hujjatlar ilova qilinadi.

    9. Murojaatlarni berish muddatlari, qoidaga ko‘ra, belgilanmaydi. Ayrim hollarda, agar vazirlikning murojaatni ko‘rib chiqish bo‘yicha imkoniyatlariga, jismoniy va yuridik shaxslarning huquqlari, erkinliklari hamda qonuniy manfaatlarini o‘z vaqtida amalga oshirish va himoya qilishni ta’minlash zaruratiga bog‘liq bo‘lsa, shuningdek qonun hujjatlarida nazarda tutilgan boshqa asoslarga ko‘ra, tegishli davlat organlariga murojaatni berish muddati belgilanishi mumkin.

    Bo‘ysunuv tartibida yuqori organga ariza yoki shikoyat jismoniy yoki yuridik shaxsga uning huquqlari, erkinliklari hamda qonuniy manfaatlarini buzuvchi harakat (harakatsizlik) sodir etilganligi yoxud qaror qabul qilinganligi ma’lum bo‘lgan paytdan e’tiboran uzog‘i bilan bir yildan kechiktirmay beriladi.

    Harakat - borliqnint ajralmas xususiyati boʻlgan oʻzgaruvchanlikni (q. Barqarorlik va oʻzgaruvchanlik) ifodalovchi falsafiy kategoriya. H. tushunchasi imkoniyatlarning voqelikka aylanishini, roʻy berayotgan hodisalarni, olamning betoʻxtov yangilanib borishini aks ettiradi.

    Ariza yoki shikoyat berishning uzrli sabablarga ko‘ra o‘tkazib yuborilgan muddati vazirlik tomonidan tiklanadi.

    10. Vazirlik tizimida jismoniy va yuridik shaxslarning murojaatlari bilan ishlash ushbu Yo‘riqnomaning 1-ilovasiga muvofiq sxemaga binoan amalga oshiriladi.

    11. Vazirlik tizimida ushbu Yo‘riqnoma talablariga muvofiq murojaatlar bilan ishlashda elektron hujjat aylanishi tizimi joriy etilishi mumkin.
    II. Murojaatlarni qabul qilish va qayd etish tartibi
    12. Murojaatlarni qabul qilish, qayd etish va hisobga olish Kanselyariya (kotibiyat) (keyingi o‘rinlarda Kanselyariya deb ataladi) tomonidan, ijro etilishini nazorat qilish esa Ishlar boshqarmasi (hududiy va tarkibiy tuzilmalarda SHtab boshlig‘i) tomonidan amalga oshiriladi.

    13. Elektron murojaatlar tushgan kunida qog‘ozga bosib chiqarilishi, ish vaqti tamom bo‘lgandan keyin tushgan taqdirda esa - navbatdagi ish kunida qog‘ozga bosib chiqarilishi kerak.

    14. Yozma va elektron (qog‘ozga bosib chiqarilgan) murojaatlarni ro‘yxatga olish jurnali (2-ilova) va elektron dasturga tegishli yozuvlarni kiritish, ushbu Yo‘riqnomaning 3-ilovasiga muvofiq shakl bo‘yicha hisobga olish kartochkasini to‘ldirish va murojaatning birinchi sahifasi quyi o‘ng qismida ro‘yxatga olish shtampini qo‘yish yo‘li bilan murojaat kelib tushgan kunning o‘zidayoq Kanselyariyadan ro‘yxatga olinadi.

    Murojaatlarni ro‘yxatga olish jurnalida murojaatning tartib raqami, murojaat qilgan jismoniy shaxsning familiyasi, ismi va otasining ismi, uning yashash joyi, yuridik shaxsning nomi, uning manzili, murojaatning qisqacha mazmuni, murojaat qabul qilingan sana, dublikat yoki murojaatlarning takroriyligi, nazoratga olinganligi to‘g‘risidagi belgi, ijrochi etib belgilangan tarkibiy tuzilma nomi, sana ko‘rsatilgan holda ijro etish to‘g‘risidagi belgi ko‘rsatiladi.

    Qayd etish shtampida vazirlikning rasmiy nomi, shuningdek, umumqabul qilingan qisqartirilgan nomi yoki qisqartma hamda murojaatning kelib tushgan sanasi va qayd raqami ko‘rsatiladi. (4-ilova)

    Murojaatlarning tartib raqamlari har yil boshidan yangidan hisoblanadi.

    Kelib tushib qayd qilingan murojaatlarni qidirish, tahlil etish va saqlashni ta’minlash uchun alohida raqamlash tartibini joriy etish mumkin. Masalan, murojaat muallifi S.Berdiev bo‘lsa (23-B), Vazirlar Mahkamasidan kelgan (03-36/23-B) va h.k. murojaat

    15. Murojaat pochta orqali konvertda kelib tushganda konvertda murojaat va uning ilovalari borligi tekshiriladi.

    Konvertda murojaatning mavjud emasligi yoki uning yaroqsizlanganligi, shuningdek murojaatda ko‘rsatilgan ilovalarning yo‘qligi aniqlanganda ikki nusxada dalolatnoma tuziladi, ulardan biri murojaatlar bilan ishlash bo‘yicha bo‘linmada qoladi, ikkinchisi murojaat qiluvchiga konvertda ko‘rsatilgan manzil bo‘yicha jo‘natiladi.

    Kelib tushgan murojaatlar konvertlari murojaat etuvchining manzilini, murojaatning jo‘natilgan sanasi va qabul qilingan vaqtini aniqlash uchun saqlab qolinishi mumkin.

    16. Ro‘yxatga olingan hal etish vazirlik vakolati doirasiga kiradigan, dolzarb va muhim ahamiyatga ega bo‘lgan, shuningdek yuqori turuvchi idoralardan kelib tushgan murojaatlar bir ish kunidan kechikmay rahbariyatga kiritiladi, u mas’ul tegishliligi bo‘yicha vazirlik markaziy apparati boshqarmalari, mustaqil bo‘lim va xizmatlariga, shuningdek hududiy va tarkibiy tuzilma (keyingi o‘rinlarda tarkibiy tuzilma deb ataladi)ni (xodimni) belgilagan holda murojaatni ko‘rib chiqish bo‘yicha rezolyusiyani (topshiriqnoma) qo‘yadi.

    Mustaqillik - davlatning ichki va tashqi ishlarda boshqa davlatlarga qaram boʻlmay faoliyat koʻrsatishi. M. tamoyillariga rioya etish davlatlararo oʻzaro munosabatlarda yetakchi, hukmron qoidadir. Har bir davlatning mustaqilligini tan olish oʻzaro tinchtotuv yashashning prinsiplaridan biridir.

    Tegishli rezolyusiya (topshiriqnoma)lar olingandan so‘ng tarkibiy tuzilmalarning ish yurituvchi xodimi (ular bo‘lmagan taqdirda ularning vazifasi yuklatilgan mas’ul xodim) ertasi kuni soat 1000ga qadar va zudlik bilan ijroga qaratilishi lozim bo‘lgan hujjatlarni Kanselyariya boshlig‘i (Kotibiyat mas’ul xodimi) chaqiruviga asosan olib ketishlari shart.

    Tarkibiy tuzilmalar tomonidan murojaatlar taalluqliligi bo‘yicha ish yurituviga qabul qilinadi va mazmunan ko‘rib chiqiladi.

    17. Takroriy va dublikat murojaatlar kelib tushganda Kanselyariya tomonidan navbatdagi qayd etish raqami bilan ro‘yxatga olinadi, jurnalda “Takroriy” (“Dublikat”) belgisi qo‘yiladi va ustxatga ushbu murojaatning oldingi indeks raqami bilan birga namunaga muvofiq takroriy (dublikat)lik belgisi qo‘yiladi (masalan, 14-Aga) hamda ilgari qaerga yuborilganligi yozib qo‘yiladi.

    18. Takroriy murojaatlar jumlasiga aynan bir shaxsning birinchi marotaba yozgan murojaati bo‘yicha berilgan javob xatidan, agar murojaat kelib tushgan vaqtdan so‘ng qonunda belgilab qo‘yilgan ko‘rib chiqish muddati o‘tib ketgan bo‘lib, avvalgi murojaat o‘z vaqtida hal etilmaganligi haqida xabar qilinsa, avvalgi murojaatni ko‘rib chiqish va hal etishda yo‘l qo‘yilgan boshqa kamchiliklar ko‘rsatilgan bo‘lsa, o‘rganish natijasi bo‘yicha qabul qilingan qarordan yoki ushbu murojaatni o‘rganib chiqqan xodimning harakatlaridan norozi bo‘lib murojaat qilishi kiradi. Kanselyariyaning elektron dasturiga murojaatni takroriyligi to‘g‘risida ma’lumot kiritib qo‘yiladi.

    19. Vazirlik tuzilma rahbari jismoniy va yuridik shaxslarning takroriy murojaat etish sabablarini izchil o‘rganib chiqishi shart. Agar takroriy murojaat dastlabki ko‘rib chiqishda to‘liqsiz, chala tekshirilgan murojaatni ko‘rib chiqish yoki hal etishning belgilangan tartibi buzilishi tufayli yozilgan bo‘lsa, rahbar aybdor shaxslarga nisbatan tegishli chora qo‘llashi zarur.

    20. Aynan bir shaxsning murojaati bir masala bo‘yicha bir nechta joyga yuborilgan bo‘lsa va ular o‘sha joylardan hal etish uchun shu vazirlik, uning hududiy yoki tarkibiy tuzilmalariga jo‘natilgan bo‘lsa, alohida-alohida hisobga olinishi, ammo ularning barchasi bitta murojaat sifatida ko‘rib chiqilishi va dublikat deb hisobga olinishi lozim.

    21. Qayd qilingan murojaatlar ko‘rib chiqish uchun asosan vazirlik tuzilma rahbarlariga beriladi, ular o‘z navbatida murojaatlarni hal etish tartibini, muddatini belgilashlari, har bir murojaat bo‘yicha ijrochilarga yozma ravishda ko‘rsatma berishlari shart.

    22. Murojaat matni ustidan (fishkadagi ko‘rsatmalarga) hech qanday yozuv kiritish va shu kabilarga yo‘l qo‘yib bo‘lmaydi.

    23. Vazirlik tizimidagi mansabdor shaxslarining hatti-harakati ustidan shikoyat qilib yozilgan arizalarni hal etish uchun aynan shu tuzilma yoki mansabdor shaxslarga yuborish taqiqlanadi.

    24. Besh kundan kech bo‘lmagan muddat ichida har bir murojaat bo‘yicha quyidagi qarorlardan biri qabul qilinishi kerak:

    tekshirish o‘tkazish uchun o‘zida qoldirish;

    hal etish uchun bevosita o‘ziga bo‘ysunadigan yoki vazirlikning hududiy va tarkibiy tuzilmasiga yuborish;

    agar murojaatda ko‘tarilgan masalalar vazirlik vakolatiga kirmaydigan bo‘lsa, uni tegishli boshqa idoraga jo‘natish;

    avval kelgan murojaatiga qo‘shib birga ko‘rib chiqish;

    murojaat vazirlikning hududiy va tarkibiy tuzilmasiga yoki boshqa idoraga yuborilganligi haqida murojaat muallifiga ma’lum qilinishi shart.

    25. Agar murojaatda vazirlik vakolatiga doir masalalar qatorida boshqa davlat idoralarida hal etilishi zarur bo‘lgan masalalar ko‘tarilgan bo‘lsa, 5 kunlik muddatdan kechiktirmay tegishli idoraga murojaatning nusxasi yoki undan ko‘chirma yuboriladi va bu haqida murojaat muallifiga ma’lum qilinadi.

    26. Agar murojaatlarda ularni tegishli organlarga jo‘natish uchun zarur ma’lumotlar bo‘lmasa, bu murojaatlar xuddi shu muddat, ya’ni 5 kun mobaynida asoslantirilgan tushuntirish bilan murojaat muallifiga qaytariladi.

    27. Murojaatni o‘rganish tugallangandan so‘ng va qabul qilingan qaror amalda bajarilgandan so‘ng, murojaat va u yuzasidan olib borilgan yozishma “Ish yig‘ma jildiga” degan yozuv bilan ushbu qarorni qabul qilgan rahbarning imzosi asosi asosida kanselyariyaga topshiriladi.

    28. Ish yig‘ma jildda hujjatlar sanasi bo‘yicha joylashtiriladi. Har bir murojaat, uning ko‘rib chiqishga va hal etishga oid barcha hujjatlar ish yig‘ma jildida alohida guruhni tashkil etadi. Takroriy murojaat olingan taqdirda yoki qo‘shimcha hujjatlar paydo bo‘lsa, ular ushbu hujjatlar guruhiga tikib qo‘yiladi. Yig‘ma jildni jamlashda undagi hujjatlar manzilga jo‘natilishining to‘g‘riligi, to‘liqligi va butunligi tekshiriladi. Hal etilmagan murojaatlarni, shuningdek noto‘g‘ri rasmiylashtirilgan hujjatlarni yig‘ma jildga tikib qo‘yish man etiladi.

    29. Murojaatlar bo‘yicha hujjatlar va yozishmalar boshqa hujjatlardan alohida ro‘yxatga olinadi va Kanselyariyada saqlanadi.
    III. Murojaatlarni ko‘rib chiqish tartibi va muddatlari
    30. Murojaatlarda ko‘tarilgan masalalarni hal etish vazirlik vakolati doirasiga kiradigan, dolzarb va muhim ahamiyatga egaligidan kelib chiqib, vazir yoki uning o‘rinbosarlari topshirig‘iga asosan nazoratga olinadi.

    Murojaatlar vazirlik, uning hududiy va tarkibiy tuzilmalari tomonidan to‘liq, har tomonlama mufassal va xolisona o‘rganib chiqilmaganligi, ularni ko‘rib chiqish natijasi bo‘yicha yuzaki javob berilganligidan norozi bo‘lib takroran kelib tushgan murojaatlar rahbariyat rezolyusiyasiga asosan nazoratga olinishi mumkin.

    Nazoratga olingan murojaatga 2 nusxada namunadagi nazorat kartochkasi to‘ldirilib, ulardan biri nazoratni amalga oshiruvchi Kanselyariyada ikkinchisi esa murojaatga qo‘shib ijrochiga beriladi.

    31. Vazirlik tuzilmasining mansabdor shaxslari murojaatlarni ko‘rib chiqish chog‘ida ularning mazmunini diqqat bilan o‘rganib chiqishlari lozim. Murojaatlarni har tomonlama mufassal va xolisona ko‘rib chiqish uchun qo‘shimcha axborotlar, ma’lumotlar va materiallarga zarurat paydo bo‘lsa, ularni to‘plashi, murojaatda bayon etilgan holatni tekshirish uchun xodimlarni joylarga yuborishi, qonunbuzilishi holatlari, ularning kelib chiqish sabablari va shart-sharoitlarini aniqlashi hamda qonunbuzilishi holatlarini bartaraf etish uchun barcha choralarni ko‘rishi shart.

    32. Murojaatlarni o‘rganish natijalari bo‘yicha to‘plangan hujjatlarni ob’ektiv tahlil etishni o‘z ichiga olgan asosli xulosa tuzilishi kerak. Agar o‘rganish vaqtida jismoniy va yuridik shaxslarning huquqlari, erkinliklari hamda qonuniy manfaatlari buzilganligi, vazirlik tizimi faoliyatidagi kamchiliklar va nuqsonlar, mansabdor shaxsning mansab vakolatini suistemol qilish hollari aniqlansa, xulosada jismoniy va yuridik shaxslarning buzilgan xuquqlari, erkinliklari hamda qonuniy manfaatlarini tiklash, kamchilik va nuqsonlarni bartaraf etish hamda aybdor shaxslarga nisbatan qanday choralar ko‘rilgani qo‘rsatilishi kerak. Xulosa tekshiruvni o‘tkazgan shaxs tomonidan imzolanib, rahbar tomonidan tasdiqlanadi, javob xati rahbar tomonidan imzolanadi.

    33. Murojaatlar bo‘yicha qabul qilingan qarorlar asoslangan bo‘lishi lozim. Qabul qilingan qaror yuzasidan iltimosnoma kiritilishi, shikoyat bildirilishi mumkin, ular qondirishga loyiq deb topilgan holda murojaatni ko‘rib chiqqan mansabdor shaxs qabul qilingan qarorni o‘z vaqtida va to‘g‘ri bajarilishini ta’minlashi shart.

    34. Hal etish natijalari haqida davlat va hukumat idoralari, radio, televidenie, gazeta va jurnallar tahririyatlariga javob berilishi lozim bo‘lgan murojaatlar alohida nazoratga olinadi va birinchi navbatda xal etiladi.

    Hukumat - davlatning oliy kollegial ijroiya organi. H. turli mamlakatlarda turlicha nom bilan ataladi: Vazirlar Kengashi (Fransiya, Italiya, Polsha), Vazirlar Mahkamasi (Buyuk Britaniya, Oʻzbekiston), davlat kengashi (XXR) va h.k. H.
    Bunday hollarda murojaatlarga va kartochkalarga “alohida nazoratda” shtampi qo‘yiladi. Bunday murojaatlar bo‘yicha o‘rganish o‘tkazish odatda quyi idoralarga yuklanmaydi. Bunday murojaatlarni tekshirish natijalari yuzasidan javob xati rahbar tomonidan imzolanib, tegishli idoralarga va murojaat mualliflariga yuboriladi.

    35. Jismoniy va yuridik shaxslarning murojaatlari vazirlik tuzilmalariga kelgan kundan e’tiboran o‘n besh kun mobaynida, qo‘shimcha o‘rganish va (yoki) tekshirish, qo‘shimcha hujjatlarni so‘rab olish talab etilganda esa bir oygacha bo‘lgan muddatda ko‘rib chiqiladi.

    Ariza va shikoyatlarni ko‘rib chiqish uchun tekshirish o‘tkazish, qo‘shimcha materiallarni so‘rab olish yoxud boshqa chora-tadbirlar ko‘rish zarur bo‘lgan hollarda, ularni ko‘rib chiqish muddatlari tegishli vazirlik, tuzilma rahbari yoki uning o‘rinbosari tomonidan, istisno tariqasida, ko‘pi bilan bir oyga uzaytirilishi mumkin, bu haqda murojaat etuvchiga xabar qilinadi.

    36. Taklif davlat organiga kelib tushgan kundan e’tiboran bir oygacha bo‘lgan muddatda ko‘rib chiqiladi, qo‘shimcha o‘rganishni talab etadigan takliflar bundan mustasno, bu haqda taklifni kiritgan jismoniy yoki yuridik shaxsga o‘n kunlik muddatda yozma yoki elektron shaklda xabar qilinadi.

    37. Ayrim hollarda vazirlik rahbariyati murojaatlarni ko‘rib chiqish muddatlarini qisqartirishi mumkin.

    38. Harbiy xizmatchilarning shuningdek, ularning oila a’zolarining ariza, shikoyat va takliflari (harbiy xizmatni o‘tash masalalaridan tashqari) kelib tushgan kundan boshlab 15 kundan kechiktirilmay hal etiladi. Zarur bo‘lgan hollarda bu murojaatlarni ko‘rib chiqish muddati o‘rnatilgan tartibda bir oygacha uzaytirilishi mumkin. Bu haqida murojaat muallifiga xabar qilinadi.

    39. O‘zbekiston Respublikasi Oliy Majlisi, Qoraqalpog‘iston Respublikasi Jo‘qorg‘i Kengesi deputatlari, shuningdek mahalliy kengashlar deputatlari tomonidan yuborilgan murojaatlarni ko‘rib chiqish alohida nazoratga olinadi.

    Deputat - (lot. deputatus - vakil) - . davlat vakillik organining saylab qoʻyilgan aʼzosi; Oʻzbekiston Respublikasida - xalqning Oʻzbekiston Respublikasi Oliy Majlisi, Qoraqalpogʻiston Respublikasi Joʻqorgʻi Kengesi, xalq deputatlari viloyat, tuman va shahar kengashlaridagi vakolatli vakili.
    Tegishli tuzilma rahbari murojaatlarni ko‘rib chiqilishi ustidan shaxsan nazorat o‘rnatadi, qabul qilingan qaror haqida bevosita murojaat muallifiga va deputatga xabar qiladi.

    40. Televidenie, radio, gazeta va jurnallar tahririyatidan kelib tushgan jismoniy va yuridik shaxslarning murojaatlari, ommaviy axborot vositalarida e’lon qilingan arizalari, takliflari va shikoyatlari bilan bog‘liq bo‘lgan materiallar vazirlik tuzilmalari tomonidan ushbu Yo‘riqnomada ko‘zda tutilgan tartibda va muddatlarda ko‘rib chiqiladi.

    41. Agar murojaatni ko‘rib chiqishda xo‘jalik yurituvchi sub’ektlarning faoliyatini tekshirish, shu jumladan moliyaviy-xo‘jalik faoliyatini tekshirish (taftish qilish) zarurati yuzaga kelsa, tekshirish qonun hujjatlariga muvofiq amalga oshiriladi.

    42. Murojaatlarni hal etish muddati vazirlikka (hududiy va tarkibiy tuzilmaga) kelgan kundan e’tiboran arizachilarga hal etish natijalari haqidagi xabar jo‘natilgan kungacha hisoblanadi.

    Murojaatlar bilan ishlash muddatlari ular kelib tushgan kundan boshlab hisoblanadi. Agar tegishli muddatning oxirgi kuni dam olish va bayram kunlariga to‘g‘ri kelsa, navbatdagi ish kuni muddat tugaydigan kun hisoblanadi.

    43. Murojaatda ko‘rsatilgan barcha masalalar ko‘rib chiqilgach, ular bo‘yicha zarur choralar ko‘rilib, murojaat mualiflariga amaldagi qonunchilikka ko‘ra quyidagi javoblardan biri berilgan hollardagina hal etilgan hisoblanadi:

    vazirlik tizimi vakolatiga kirgan masalalar bo‘yicha iltimosni hal etish choralari ko‘rilganligi haqida javob berilgan bo‘lsa;

    qo‘yilgan masalalarni hal etish tartibini tushuntirgan holda murojaat muallifiga javob berilgan bo‘lsa.

    44. Murojaat yuzasidan qaror qabul qilgan vazirlik tuzilmasining mansabdor shaxsi, agar murojaat muallifi qarordan norozi bo‘lsa, unga qaror ustidan shikoyat berish tartibini tushuntirishi lozim.

    45. Murojaatni ko‘rib chiqqan vazirlik tuzilmasi mansabdor shaxsi uni ko‘rib chiqilishi natijalari yuzasidan qabul qilingan qaror ijrosini nazorat qilishi, agar murojaat muallifiga huquqlari, erkinliklari va qonuniy manfatlari buzilishi natijasida zarar yoki ma’naviy ziyon etkazilgan bo‘lsa, qonunda belgilangan tartibda zararning o‘rnini qoplash yoki ma’naviy ziyonni kompensatsiya qilishga doir chora-tadbirlarni ham ko‘rishi shart.

    46. Og‘zaki javob berilgan hollarda tegishli ma’lumotnomalar tuzib, murojaatning tekshirish hujjatlariga tikib qo‘yiladi. Jurnalda tekshirish natijalari, arz qiluvchiga u bilan qilingan suhbatda xabar qilinganligi to‘g‘risida belgi qo‘yiladi.

    47. Murojaat muallifining jamoatchilik ahamiyatiga ega bo‘lgan takliflari, shuningdek ariza va shikoyatlarini ko‘rib chiqish natijalari zarur hollarda mehnat jamoalari yig‘ilishlarida va ularning yashash joylarida muhokama qilinadi.

    48. Murojaatlarda qo‘yilgan masalalarni hal etish vazirlik vakolat doirasiga kirmaydigan bo‘lsa, uzog‘i bilan besh kunlik muddat ichida tegishli organlarga jo‘natiladi va bu haqda muallifga xabar qilinadi. Bunda murojaatlarni ko‘rib chiqish uchun boshqa davlat organlariga asossiz ravishda berish, shuningdek qarori yohud harakati ustidan shikoyat qilinayotgan davlat organlari yoki mansabdor shaxslarning o‘ziga jo‘natish man etiladi. Agar murojaatlarda ularni tegishli organlarga jo‘natish uchun zarur ma’lumotlar bo‘lmasa, bu murojaatlar xuddi shu muddat mobaynida asoslantirilgan tushuntirish bilan muallifning o‘ziga qaytariladi.

    49. Jismoniy va yuridik shaxslarning vakillarini shaxsiy qabul qilish vaqtida, murojaatda ko‘tarilgan masalalarni hal qilish vazirlik vakolatiga kirmagan taqdirda, ularga bu masalada qaysi davlat organi yoki muassasasiga murojaat qilish huquqi tushuntiriladi.

    50. Masalalarni hal etish vazirlik vakolat doirasiga kirmaganligi uchun murojaat tegishliligi bo‘yicha boshqa organga yuborilganidan so‘ng, xuddi shu mazmunda takroran murojaat kelib tushgan taqdirda, murojaat mualliflariga tegishli tushuntirish berish orqali javob yo‘llanishi mumkin. SHuningdek, bir masala bo‘yicha ilgari asoslangan javob berilgan bo‘lishiga qaramasdan aynan shu mazmunda qayta murojaat qilingan hollarda, tegishli mansabdor shaxs bu haqda muallifga xabar beradi va natijasi bo‘yicha rahbariyatga ma’lum qiladi.

    51. Agar bir tarkibiy tuzilmaga kelib tushgan murojaat boshqa bir tarkibiy tuzilmaga taalluqli bo‘lsa, ushbu murojaat bildirgiga asosan vazir yoki uning o‘rinbosarlari roziligi bilan tegishli tuzilmaga o‘tkaziladi.

    52. Murojaatlarda bir nechta tarkibiy tuzilmalarning vakolat doirasiga taalluqli masalalar bo‘lsa, ijrochilar orasida birinchi bo‘lib qayd etilgan tarkibiy tuzilma boshlig‘i ijro uchun mas’ul bo‘lishi bilan bir qatorda boshqa ijrochilar ham belgilangan muddatda ijrosini ta’minlashi va sifatli ijro etilishi uchun javobgar hisoblanadi hamda ular tomonidan murojaat bo‘yicha to‘la hajmda o‘rganish o‘tkazilib, yagona topshiriq (rezolyusiya) tayyorlanishi, shuningdek murojaatga taalluqli javoblarni birinchi ijrochi boshqa (boshqa ijrochilar o‘rganish natijalari bo‘yicha o‘z javoblarini murojaatning so‘ngi ijro muddatidan kamida bir kun oldin taqdim etishlari shart) ijrochilardan olingan ma’lumot yoki xulosalar asosida, dastlabki yoki yakuniy javoblar yuborilishini ta’minlaydi.

    53. Murojaatni to‘liq, xolis va o‘z vaqtida ko‘rib chiqish uchun qo‘shimcha ma’lumotlar, ma’lumotnomalar va materiallarga zaruriyat yuzaga kelgan taqdirda murojaatni ko‘rib chiquvchi tarkibiy tuzilma murojaat qilgan jismoniy yoki yuridik shaxsdan, shuningdek vazirlikning vakolatlari doirasida - belgilangan tartibda boshqa davlat organlaridan qo‘shimcha axborotni so‘rab olishi, shuningdek, tegishli mutaxassislar hamda murojaat muallifi jalb etilishi mumkin.

    54. Agar murojaatda joyning o‘zida o‘rganishni talab etuvchi holat bayon qilingan bo‘lsa, shuningdek joylarda uzoq vaqt davomida o‘z echimini topmasdan kelayotgan, jismoniy va yuridik shaxslarning huquq va erkinliklarining jiddiy kamsitilishi yoki qonun hujjatlarining qo‘pol tarzda buzilishi haqidagi murojaatlar joylarga chiqib o‘rganilishi mumkin.

    Bunday hollarda rahbar nomiga o‘rnatilgan tartibda bildirgi yozib, xizmat safariga oid hujjatlar rasmiylashtirilishi lozim.

    55. Murojaatni murojaat qilgan yoki boshqa shaxsning ishtirokisiz ko‘rib chiqishning imkoniyati bo‘lmaganda, ular tarkibiy tuzilma mansabdor shaxsi tomonidan chaqirilishi mumkin. CHaqirilgan murojaat qiluvchi kelmagan taqdirda murojaatni uning ishtirokisiz ko‘rib chiqish mumkin emasligi to‘g‘risida javob yuboriladi.

    56. Agar murojaatda o‘rtaga qo‘yilgan masalalar xo‘jalik yurituvchi sub’ektlar faoliyatiga daxldor bo‘lsa, ularning vakillari murojaatni ko‘rib chiqishda ishtirok etish uchun davlat organlari tomonidan o‘z vakolatlari doirasida jalb etiladi.

    57. Murojaatlarni ko‘rib chiqish natijalari bo‘yicha tegishli qaror qabul qilinadi, bu haqda darhol yozma yoxud elektron shaklda murojaat qiluvchiga xabar beriladi.

    Murojaatni qoniqtirmasdan qoldirish to‘g‘risidagi qarorni vazirlikda – vazir, uning o‘rinbosarlari; hududiy boshqarmalar va tarkibiy tuzilmada – boshliq (komandir), uning o‘rinbosarlari qabul qiladi.

    58. Murojaatni o‘rganish natijalariga ko‘ra murojaat etuvchining huquqlari hamda qonuniy manfaatlari to‘la yoki qisman qanoatlantirilganligi, vajlar o‘z tasdig‘ini topgan yoki topmaganligi, huquqiy tushuntirish berilganligi yoki taalluqliligi bo‘yicha boshqa idoralarga yuborilganligi to‘g‘risida yakuniy to‘xtamga kelinadi.

    59. Tarkibiy tuzilmalar tomonidan murojaatlarni o‘rganish jarayonida murojaatning dublikati kelib tushsa avvalgi murojaat bilan birgalikda ko‘rib chiqiladi hamda natijasi bo‘yicha yagona javob beriladi.

    Agar, o‘rganilishi tamomlangan murojaatning nusxasi muallifning o‘zidan yoki boshqa organlardan kelib tushsa, bunday murojaat dublikat sifatida rasmiylashtiriladi va avval ham huddi shu mazmundagi murojaat ko‘rib chiqilganligi muallifga ma’lum qilinadi.

    60. Murojaatlar hal etilganidan so‘ng ularga oid hujjatlar Kanselyariya (kotibiyat)da, nusxasi tarkibiy tuzilmalarning tegishli yig‘ma jildlarida saqlanadi.

    61. Nazoratdagi murojaatlarning ijro muddati aynan nazoratga olgan vazir yoki uning o‘rinbosarlari tomonidan uzaytirilishi mumkin.

    Murojaatlarning ijro muddati Kanselyariyada qayd qilingan sanadan boshlab hisoblanadi.

    62. Murojaatga rahbariyat imzosi bilan yozma yoki elektron shaklda javob beriladi. Murojaatlarga javob xati, mumkin qadar, murojaat etilgan tilda bayon qilinadi.

    Murojaatga javob xatida murojaatda ko‘rsatilgan har bir masala bo‘yicha vajlarni rad etuvchi yoki tasdiqlovchi aniq asoslar (zaruriyatga qarab qonun hujjatlari normalariga havolalar qilingan holda) bo‘lishi kerak.

    63. Murojaat, unda ko‘tarilgan barcha masalalar qonun talablariga muvofiq ko‘rib chiqilgan va murojaat qiluvchiga tegishli javob yuborilgan taqdirda ko‘rib chiqilgan hisoblanadi.

    Murojaat qiluvchiga javob yuborilgan kun murojaatni ko‘rib chiqish tugallangan kun hisoblanadi, bu haqda Kanselyariya murojaatlarni ro‘yxatga olish jurnaliga va hisobga olish kartochkasiga belgi qo‘yadi.

    64. Jismoniy yoki yuridik shaxslar jamoa bo‘lib murojaat qilgan taqdirda, ularning murojaatlari Qonun talablariga muvofiq ko‘rib chiqiladi. Bunda murojaatga javob murojaat qilganlarning ro‘yxatida birinchi bo‘lib ko‘rsatilgan shaxsga yoki, ularning talabiga ko‘ra, boshqa shaxsga yuboriladi.

    65. Jismoniy va yuridik shaxslar o‘z murojaatlarini ular ko‘rib chiqilgunga qadar va ko‘rib chiqilayotgan vaqtda murojaat yuzasidan qaror qabul qilingunga qadar yozma yoxud elektron shaklda ariza berish yo‘li bilan qaytarib olish huquqiga ega. Bunday ariza tushgan taqdirda murojaatni ko‘rib chiqish to‘xtatiladi va uch kun mobaynida murojaat vazirlikning xati bilan murojaat qiluvchiga qaytariladi.

    Murojaatni qaytarib olish to‘g‘risidagi ariza davlat organlari tomonidan qonun buzilishlarini aniqlash va bartaraf etish bo‘yicha chora-tadbirlar ko‘rilishini istisno etmaydi.

    66. Oraliq javoblar berilgan va mazmunan to‘liq ko‘rib chiqilmagan murojaatlar nazoratdan olinmaydi.

    67. Markaziy apparatga birinchi marotaba kelib tushgan va hal etilishi vazirlik vakolatiga kiradigan masalalar bo‘yicha murojaatlar vazirlik rahbariyati imzosi bilan hududiy va tarkibiy tuzilmalarga ko‘rib chiqish uchun yuboriladi va bu haqda muallifga xabar qilinadi.

    Agarda ushbu turdagi murojaatlar yuqori turuvchi idoralardan kelib tushgan va ko‘rib chiqilishi uchun hududiy va tarkibiy tuzilmalarga yuborish zarurati bo‘lsa, unda murojaatlar tegishli tuzilmaga vazirlik rahbariyatining imzosi bilan yuboriladi va nazoratga olinadi.

    Vazirlik vakolatiga taalluqli bo‘lmagan murojaatlar vazir yoki o‘rinbosari imzosi bilan ko‘rib chiqish uchun tegishli organlarga jo‘natiladi va bu haqda muallifga xabar qilinadi.

    Vazirlikka jismoniy va yuridik shaxslardan takroran kelib tushgan va ko‘rib chiqish uchun tegishli hududiy va tarkibiy tuzilmalarga nazoratga olinib yuborilgan murojaatlar, ularni ko‘rib chiqilishi natijasi haqida murojaat muallifiga javob yo‘llanganidan so‘ng, murojaat bo‘yicha barcha materiallar nazorat muddatida batafsil axborot bilan vazirlikka yuboriladi.

    Murojaat muallifiga javob yo‘llangan kun murojaat ijro etilgan vaqt deb hisoblanadi.

    Vazirlikdan hududiy va tarkibiy tuzilmalarga yuborilgan va ko‘rib chiqilgan murojaatlar hududiy va tarkibiy tuzilmalarning statistik hisobotida vazirlikdan kelib tushgan va ko‘rib chiqilgan murojaatlar sifatida aks ettiriladi.

    68.  Nazoratga olingan murojaatlar, murojaat muallifiga tegishli javob berilganidan so‘ng rahbariyatga nazoratdan echish haqida berilgan bildirgida qo‘yilgan ustxatdagi nazoratdan olish haqidagi rezolyusiyaga asosan ijro va nazoratdan olinadi. Murojaat qaysi rahbar tomonidan nazoratga olingan bo‘lsa, aynan shu rahbarning rezolyusiyasi bilan nazoratdan echiladi.

    Vazirlik tomonidan ish yurituvga qabul qilinib, alohida nazoratga olingan holda ijrosini ta’minlash uchun yuborilgan murojaatlar hududiy va tarkibiy tuzilmalar tomonidan topshiriq sifatida ro‘yxatga olinadi, unda ko‘rsatib o‘tilgan holatlar to‘liq o‘rganilib, to‘plangan barcha materiallar vazirlikka taqdim etiladi. Vazirlikda murojaatni ko‘rib chiqilishi yuzasidan tegishli xulosaga kelinganidan so‘ng murojaat muallifiga javob xati yuboriladi va nazoratdan echiladi.

    Ishlar boshqarmasi tomonidan elektron dasturga murojaatlarning ijro va nazoratdan echilganligi to‘g‘risidagi ma’lumot kiritib qo‘yiladi.

    69. Murojaatlarga oid hujjatlarni saqlash belgilangan tartibda amalga oshiriladi. Murojaatlar uni ijro qilgan tarkibiy tuzilmada qoida tariqasida ikki yil muddatgacha saqlanadi va bu muddat o‘tgach arxivga topshiriladi.

      1   2   3   4   5   6   7   8   9


    Download 0.8 Mb.

    Bosh sahifa
    Aloqalar

        Bosh sahifa


    O‘zbekiston Respublikasi Favqulodda vaziyatlar vazirligi tizimida jismoniy va yuridik shaxslarning murojaatlarini ko‘rib chiqish tartibi to‘g‘risida Yo‘riqnoma

    Download 0.8 Mb.