Inson resurslarini boshqarish va rivojlantirish boʻlimi
boshligʻining
LAVOZIM YOʻRIQNOMASI
1-bob. Umumiy qoidalar
1. Mazkur lavozim yoʻriqnomasi Inson resurslarini boshqarish va rivojlantirish boʻlimi
boshligʻi
(bundan buyon matnda – boʻlim boshligʻi)ning
lavozim majburiyatlari, huquqlari va
javobgarliklarini belgilab beradi.
2. Boʻlim boshligʻi Qoraqalpogʻiston Respublikasi Maktabgacha va maktab taʼlimi vaziri,
Toshkent shahar va viloyatlar maktabgacha va maktab taʼlimi boshqarmalari (keyingi oʻrinlarda
Hududiy boshqarma) boshligʻi buyrugʻiga koʻra lavozimga tayinlanadi va lavozimdan ozod
etiladi.
Boʻlim boshligʻi bevosita Boshqarma boshligʻiga boʻysunadi va oʻz faoliyatini boshqarma
rahbariyati tomonidan tasdiqlangan ish rejasi asosida amalga oshiradi.
3. Boʻlim boshligʻi Oʻzbekiston Respublikasi Konstitutsiyasi va qonunlariga, Oʻzbekiston
Respublikasi Oliy Majlisi qarorlariga, Oʻzbekiston Respublikasi Prezidenti Farmonlari, qarorlari
va
farmoyishlariga, Oʻzbekiston Respublikasi Vazirlar Mahkamasining qarorlari va
farmoyishlariga, vazirlikning Hayʼati qarorlari, vazirning
buyruq va farmoyishlariga,
vazirlikning hujjatlari hamda koʻrsatmalariga, boshqarmaning Hayʼati qarorlari, boshliq
buyruqlari va topshiriqlari bilan yuklangan vazifalarning oʻz vaqtida ijro etilishini taʼminlagan
holda faoliyatini olib boradi.
