146
toblanmaydigan sementlanadigan detal yuzasiga nisbatan, sementlash paytida ularni
uglerodga toʻyinishdan saqlash va mexanik ishlov berishni osonlashtirish maqsadida
qoʻllaniladi.
Metallashtirish – erigan metallni detal yuzasiga changlatib, purkash usulida
bajariladi. Ushbu usul bilan yeyilgan detallar oʻlchamlarini qayta tiklash va
taʼmirlash uchun, brakni toʻgʻrilash, detallarning otashga
chidamliligini oshirish,
korroziyaga qarshi xossalarini shakllantirish maqsadida qoʻllaniladi. Bunda
apparatning soplosiga poʻlat
sim uzatiladi, ushbu simga atsetilen alangasi va
kislorod oqimi uzatiladi, erigan sim havo bosimi ishlov beriladigan detal yuzasiga
puflanadi va unga yopishib qoladi.
Detallarning yeyilishga chidamliligini oshirish
uchun uning yuzasi qattiq
qotishmalar bilan qoplanadi (payvandlash yoki kavsharlash orqali)
Metallarni payvandlash.
Payvandlash - metall detallarni biriktirish usullaridan biri boʻlib, kimyoviy
(gazli, termitli) va elektrli (elektr yoyli, kontaktli) turlarga boʻlinadi. Payvandlash
yopishtirishni, kavsharlashni, parchinlashni, bolgʻalashni va quyishni oʻrnini bosa
oladi. Koʻp hollarda payvandlash yordmida metallar tejaladi (mahsulotni tayorlash
mehnat sarfi kamayadi, ishlab chiqarilishi arzonlashadi).
