Dissertatsiya mavzusining asoslanishi va uning dolzarbligi

Ma’lumki hisoblash amaliyotida, masalan bir jinsli bo`lmagan muhitlarda filtratsiya masalasida, yupqa konik obolochkalar masalasida, nazariy va matematik fizikaning ayrim masalalarini yechganda maxsuslikga ega bo`lgan chegaraviy masalalarni yechishga to`g`ri keladi.

Bunday masalalar aksariyat holda aniq analitik yechimlarga ega emas. Ularni taqribiy yechishning universal metodi chekli ayirmali metoddir. Ammo odatdagi regulyar masalalarni yechish uchun mo`ljallangan ayirmali sxemalar bunday masalalarni yechish uchun yaroqli emas.

Shu sababdan maxsuslikga ega bo`lgan chegaraviy masalalarni talab qilingan aniqlikda yechishga mo`ljallangan yuqori aniqlikdagi ayirmali sxemalarni qurish va ularni tahlil qilish dolzarb muammo hisoblanadi.

Ushbu magistrlik dissertatsiyasi aynan shu muammoga, ya’ni maxsuslikka ega bo`lgan chegaraviy masalani yuqori aniqlikda yechishga mo`ljallangan, maxsus to`rda qurilgan ayirmali sxemani qurish va uning yaqinlashish tezligini tahlil qilishga mo`ljallangan.