Magistral gaz quvurlari
tarmoqlarining konstruktiv yechimlari
Magistral gaz quvur tarmoqlarining zamonaviy qurilishi konstruktiv yechimlarning uchta asosiy sxemasiga tayanadi: yer ostiga yotqizilgan, yer ustiga yotqizilgan, yer ustidan o‘tkazilgan magistral gaz quvur tarmoqlari Magistral quvur o‘tkazgichlarini qurishda elektr payvandli uglerod po‘lat quvurlaridan foydalaniladi. Magistral quvurlarini qurishdan oldin, ularni yotqiziladigan joylarda geofizik va geodezik izlanishlar olib boriladi. Magistral neft yoki neftmahsulotlarini qurish boshlang‘ich qismi bosh nasos stansiyasi hisoblanadi. Loyihalash me’yorlari belgilangan tartibda nazorat qilinadi. Ularni qurish va boshqariladigan texnologik jarayonlar texnik iqtisodiy hisoblar orqali hisob-kitob qilinadi. Magistral neft yoki neftmahsulotlari quvurlari o‘tish joyi har 500 metrda o‘zining shaklini va yotqizilish usulini o‘zgartirishi mumkin. Shuning uchun har 500 metrda tuproqni geofizik va geologik usullarda o‘rganiladi. Har bir maydon uchun quvur diametrini tanlayotganda iqtisodiy xarajatlar hisobga olinib eng maqbuli tanlanadi. Iqtisodiy xarajat quyidagi ifoda orqali aniqlanadi: R=EK+E R – keltirilgan xarajatlar; E – kapital qo‘yilmalarning samaradorligini hisobga oluvchi me’yoriy koefitsient; E=0,15 K – neft quvurini qurish uchun ketgan kapital qo‘yilmalar; E – ekspluatatsion xarajatlar. Neft quvurlarini qurish uchun ketgan kapital xarajat quvurning chiziqli qismidagi asosiy qurilmalarning tarkibiga bog‘liq bo‘ladi. Neft yoki neftmahsuloti quvurlarini qurish uchun ketadigan kapital xarajatlarlar 3 xil variant asosida hisoblab chiqiladi. Magistral gaz quvur tarmoqlarini yer ostiga yotqizish (2.1- rasm) quyidagi asosiy me’yorlar bilan xarakterlanadi: neft va gaz quvurlari tarmoqlarining eng yuqorida joylashgan quvurigacha bo‘lgan yotqizish chuqurligi quvur diametri 1000 mm gacha. 2.1-rasm. Gaz quvur tarmoq- larine yer ostidan o‘tkazish sxemasi:1 — quvurlar tarmog‘I;2 — transheya profile; 3 — qayta ko‘mish.
bo‘lganda 0,8 m dan kam bo‘lmasligi va quvur diametri 1000 mm va undan oshiq bo‘lganda 1 m dan kam bo‘lmasligi lozim, quritishga tortilish zarur bo‘lgan botqoqliklar va torfli qatlamlarda hyotq=1,1 m deb qabul qilinadi, qumli barxanlarda h yotq = 1 m deb qabul qilinadi (barxanlar orasidagi pastliklarning eng pastki belgisidan hisoblaganda), qoyatoshli qatlamlarda va botqoqlik joylarda hyotq=0,6 m deb qabul qilinadi; diametri 700 mm gacha bo‘lgan quvurlar tarmoqlari uchun transheyaning tubi bo‘yicha V kengligi Dsh+ 300 mm deb qabul qilinadi, 700 mm va undan ortiq diametrli quvurlar tarmoqlari uchun B=l,5 Dsh deb qabul qilinadi, 1200 va 1400 mm diametrli quvurlar tarmoqlari uchun transheyaning qiyaligi 1:0,5 dan ortiq bo‘lganda B = D sh + 500 mm deb qabul qilinadi. Magistral neft quvurlarini loyihalashda texnologik hisoblarni bajarishga to‘g‘ri keladi. Texnologik hisoblar kompleks hisoblarni o‘z ichiga oladi. Texnologik hisoblar tarkibiga quvurlarni gidravlik hisoblash, asosiy qurilmalarni tanlash, quvurlarni mexanik va issiqlik hisobi va texnik iqtisodiy hisoblashlar kiradi. Har bir hisobda quvurni maqbul sharoit uchun tanlab beriladi. Texnik hisobda nasos stansiyalarini va issiqlik stansiyalarini ishlash tartibi ham belgilanadi. Texnik hisoblar bajarilishida me’yorlarga rioya qilinadi. Bu me’yorni quvur transporti uchun texnik iqtisodiy ko‘rsatkichlar me’yorlari deb ataladi. Texnik hisobdan asosiy maqsad quvur transportiga minimal xarajat qilishga moslashtirilib loyihalash hisoblanadi. Texnik hisobni bajarishdan oldin ba’zi bir boshlang‘ich ma’lumotlar kerak bo‘ladi. Nasosda haydalayotgan mahsulotning miqdori, uning fizik-kimyoviy xossalari va asosiy qurilmalar bo‘yicha ma’lumotlar kerak bo‘ladi. Har bir hisobni bajarishda boshlang‘ich ma’lumotlar to‘g‘ri berilishi kerak.
Texnologik hisobni gidravlik bo‘limida bajarishdan asosiy maqsad quvurdagi oqayotgan mahsulotning (boshlang‘ich, oxirgi, o‘rtacha) bosim yo‘qotilishi aniqlanadi. Hisob bajarilgandan so‘ng nasos yoki haydash stansiyalarini qayerlarga joylashtirish mumkinligi kelib chiqadi.
2.2-rasm. Gaz quvur tarmoqlarini yer ostidan o‘tkazish.
Gaz quvur tarmoqlarini qoyatoshli va toshli qatlamlarga yotqizishda izolatsion qoplamni shikastlanishdan himoyalash uchun oldindan 10 sm dan kam bo‘lmagan qalinlikda yumshoq qatlam yotqiziladi va quvurlar tarmog‘ining usti ham 200 mm dan kam bo‘lmagan qalinlikda yumshoq qatlam bilan ko‘miladi. Bundan tashqari g‘iloflovchi matlar kabi maxsus uskunalardan ham foydalanish mumkin, Magistral gaz quvur tarmoqlarini suvli to‘siqlar (katta va kichik), botqoqliklar, jarliklar, tepaliklar, temiryo‘llar va avtomobil yo‘llaridan o‘tish joylari ko‘proq yer ostida bo‘ladi. Barcha holatlarda o‘tish joyining turini tanlash turli xil variantlarning texnikiqtisodiy ko‘rsatkichlarini solishtirish asosida amalga oshirilishi lozim. Gaz quvur tarmoqlarining yirik suv to‘siqlari orqali suv ostidan o‘tish joylari gidrologik, geologik-muhandislik, topografik va
hududiy-xo‘jalik tadqiqotlarining ma’lumotlari asosida loyihalanadi. Bunday o‘tish joylari, qoidaga ko‘ra, vibratsiyalar paydo bo‘lishiga, quvurlar tarmog‘ining kemalar yakorlari bilan shikastlanishi va yemirilishiga olib kelishi mumkin bo‘lgan yalang‘ochlanib qolishning oldini olish maqsadida suv havzalari va daryolarning tubidagi cho‘kindilardan pastga cho‘ktiriladi. Suv ostidagi quvurlar tarmog‘ining muvozanatlangan (cho‘ktirilgan) eng yuqoridagi tarkib toptiruvchisi daryo o‘zanining prognozlanadigan eng chekka yuvilib ketish profilidan 0,5 m pastda joylashishi lozim (prognoz 25 yilga tuziladi). Suv ostidan o‘tish joylarining chegaralari suv havzalarining yoki daryolarning qirg‘oqlarida tiqin armaturalarini (kranlar va zadvijkalarni) o‘rnatish joylari bilan belgilanadi. Gaz quvur tarmoqlarining suv ostidan o‘tish joylari, qoidaga ko‘ra, amaldagi yoki loyihalanadigan ko‘priklar, pristanlar, vodozabor (suv olish va chiqarish inshoot)lar va boshqa gidrotexnik inshootlar, temiryo‘l ko‘priklari va avtomobil yo‘llari ko‘priklari, sanoat korxonalari va gidrotexnik inshootlardan oqim bo‘yicha pastda o‘tkazilishi lozim. Quvur tarmog‘ining diametri 1000 mm gacha va 1000 mm dan ortiq bo‘lganda bu masofa mos ravishda 300 va 500 m ni, xuddi o‘sha diametrlarda pristanlar va daryo portlaridan mos ravishda – 1000 va 1500 m ni, vodozaborlardan 3000 m ni tashkil qilishi lozim. Gaz va neft quvurlari tarmoqlarining suv ostidan o‘tish joylari ikki va ko‘p tarmoqli bo‘lganligi sababli, ikkita qo‘shni tarmoq o‘qlari orasidagi masofa quvurlar tarmog‘ining diametri 1000 mm dan kam va 1000 mm dan ortiq bo‘lganda 30 va 50 m ni tashkil qilishi lozim. Suv ostidan o‘tish joylarining o‘zanli qismida qiyshiq (egri) trubalarni o‘rnatishga faqat maxsus holatlarda yo‘l qo‘yiladi. Qoidaga ko‘ra, suv osti transheyasining profili quvurlar tarmog‘ining tabiiy (erkin) egilish radiusiga mos kelishi lozim. Botqoqliklarda neft va gaz quvurlarini yer ostidan o‘tkazish torf qatlamining quvvati va suv rejimiga bog‘liq ravishda yer qatlamida yoki bevosita torf qatlamida amalga oshiriladi. Bunda neft va gaz quvurlari tarmoqlarining uchastkalari suv yuzasiga chiqib qolishining oldini olish uchun ular maxsus yuklar (temir-beton) bilan ballastlanadi (muvozanatlanadi), yaxlit torkret-beton yoki yig‘iladigan temir-beton qobiqlar bilan qoplanadi, shuningdek vintli, garpunli va mineral qatlamda ochiladigan ankerlar bilan mustahkamlanadi.
|
Gaz quvur tarmoqlarini temiryo‘llar va avtomobil yo‘llari orqali yer ostidan o‘tkazishda quvur tarmoqlari bu yo‘llarning qoplamalari ostiga himoyalovchi maxsus g‘ilof quvurlarda (kojuxlarda) yotqiziladi, bu g‘ilof quvurlarning diametri quvur diametridan 200 mm katta bo‘lishi lozim. Gaz quvur tarmoqlari V kategoriyali avtomobil yo‘llari, sanoat korxonalarining barcha kategoriyadagi avtomobil yo‘llari, dala yo‘llari bilan kesishganda himoyalash kojuxlari o‘rnatilmaydi. Kojux chetlari temiryo‘llarning eng chekka liniyasidan 25 m va avtomobil yo‘llaridan 10 m masofaga chiqariladi. Magistral gaz quvur tarmoqlarining kojuxlari tortuvchi svechalar bilan jihozlanadi, neft mahsulot quvurlari tarmoqlaridan esa nazorat quduqlari bilan avariyali kanavalar chiqariladi. Magistral gaz quvurlari tarmoqlarini (asosan, gaz quvurlari tarmoqlarini) yer ustidan o‘tkazish (2.3-rasm) ko‘p yillik muzliklar va barqarorligi past bo‘lgan yer qatlamlari rayonlarida, tog‘-kon qazib chiqarishlarida, cho‘llarda, botqoqliklarda tabiiy to‘siqlar orqali katta va kichik o‘tish joylarida qo‘llaniladi. Yer ustidan o‘tkazilgan quvur tarmoqlari va ularning uchastkalari konstruksiya tarkibiga kiruvchi
|
2.3-rasm. Neft va gaz quvurlari tarmoqlarini yer ustidan o‘tkazish sxemasi: 1 – quvurlar tarmog‘i; 2 – tayanchlar; 3 – faoliyatli qatlam; 4 – ko‘p yillik muzli qatlam.
|
|
2.4-rasm. Gaz quvurlari tarmog‘ini yer ustiga yotqizish sxemasi: 1 – quvurlar tarmog‘i; 2 – torf bilan ko‘mish.
|
kompensatsiyalovchi qurilmalarga ega bo‘ladi: yer ustidan «ilon izi» bo‘ylab o‘tkazish, gaz quvurlari tarmoqlarini biroz egilish bilan o‘tkazish va boshqalar. Tayanchlarning konstruksiyasiga bog‘liq ravishda quvurlar tarmoqlarining yer ustidan o‘tish joylari bir oraliqli; kompensatorlarsiz konsollarsiz ko‘p oraliqli (yerga yoki plitaga tayanuvchi); kompensatorli konsolli ko‘p oraliqli (tayanchlar, ustunlar, qoziqlar va boshqa konstruksiyalardan iborat bo‘ladi), kompensatorlarsiz, G simon kompensatorlar bilan, P simon kompensatorlar bilan, «ilon izi» tipidagi kompensatorlar bilan; bir oraliqli osilib turuvchi, pilonlar bilan ko‘p oraliqli, qoyalarga o‘rnatilgan tayanchlar bilan: vintli, arkali, shpengelli, «osilib turuvchi ip» tipida bo‘ladi.
2.5-rasm. Magistral gaz quvurlari tarmoqlarini yer ustida yotqizish.
Gaz quvurlari tarmoqlarini yer ustidan o‘tkazishda quvurlar tarmog‘ining o‘zining «o‘tirish» xususiyatidan foydalaniladi. Magistral gaz quvurlari tarmoqlarini yer ustida yotqizishga (2.5- rasm) nisbatan kam qo‘llaniladi. Bunda quyidagi shartlarga amal qilish zarur: – botqoqliklarda, botqoqlangan va suvli joylarda gaz quvurlari tarmog‘ini oldindan tayyorlangan asosga o‘rnatish va torf bilan ko‘mish, so‘ngra esa zaxira chuqurdan olinadigan mineral tuproq bilan (ba’zi hollarda tashib keltiriladigan tuproq bilan) ko‘mish lozim, bu gaz quvurlari tarmog‘ini yer ostidan o‘tkazishdagi loyiha belgisiga qadar cho‘ktirish va mustahkamlash uchun zarur bo‘ladigan qimmatbaho vositalardan (temir-beton cho‘ktiruvchilar, mustahkamlovchi ankerlar) foydalanmaslik imkonini beradi, biroq shu bilan birgalikda gaz quvurlari tarmog‘ini o‘tkazish polosasi zonasida suv rejimining buzilishiga olib keladi, maxsus suv o‘tkazuvchi qurilmalar bo‘lishini, gaz quvurlari tarmog‘ini ekspluatatsiya qilish paytida ko‘mish qatlamini saqlab turish uchun qo‘shimcha xarajatlar qilinishini talab qiladi; – unchalik katta quvvatga ega bo‘lmagan mineral tuproq qatlami bilan qoplangan qoyatoshli qatlamda gaz quvurlari tarmog‘ini rejalashtirilgan yuzaga joylashtirish va mineral tuproq bilan ko‘mish lozim, bu qoyatoshli qatlamda transheya qazish, gaz quvurlari tarmog‘i ostiga yumshoq tuproqdan «to‘shak» tayyorlash va uni yumshoq tuproq bilan ko‘mish kabi qimmat baholanadigan ishlardan voz kechish imkonini beradi.
2.6-rasm. Botqoqlikda (a) va mineral tuproq qatlamida (b) quvurlar tarmog‘ini qisman chuqurlashish bilan yotqizish sxemasi: 1 – quvurlar tarmog‘i; 2 – mineral tuproq bilan ko‘mish; 3 – mineral tuproq qatlami; 4 – qoyatoshli qatlam.
Gaz quvur tarmog‘ini qisman chuqurlashish bilan yotqizish (2.6- rasm) kam quvvatli,ochiladigan mineral tuproq qatlamiga ega bo‘lgan botqoqliklar, qoyatoshli qatlamlar sharoitlarida, botqoqlashgan va suvli joylarda magistral gaz quvuri tarmoqlarini qurishda qo‘llaniladi.Qisman chuqurlashish bilan yotqiziladigan gaz quvurlari tarmoqlarini qurishning narxi yer ishlari hajmining keskin qisqarishi va transheya chuqurini botqoqlikda yurishga mo‘ljallangan traktorga osilgan chuqur kavlash qurilmasi yordamida unchalik ham chuqur qilib kavlamaslik hisobiga (0,6–0,8 m gacha) gaz quvurlari tarmog‘ini yer ostidan o‘tkazish narxidan anchagina past bo‘ladi. Yer ostiga yotqiziladigan, yer ustiga yotqiziladigan va yer ustidan o‘tkaziladigan neft va gaz quvur tarmoqlari ularga teng o‘tkazish kesimiga ega bo‘lgan, quvurlar tarmog‘ining sinov bosimiga hisoblangan po‘lat tiqin armaturalarini (gaz quvuri tarmoqlarida kranlar, neft mahsulotlari quvurlari tarmoqlarida zadvijkalar) o‘rnatish bilan bir-biriga tutash holda payvandlanadigan qilib loyihalanadi (2.7-rasm). Tiqin armaturasini quvurlar tarmog‘i uzunligi bo‘yicha joylashtirish hisob-kitoblar yo‘li bilan aniqlanadi, biroq ikkita qo‘shni zulfinlar (yoki zadvijkalar) orasidagi masofa 30 km dan ortiq bo‘lmasligi lozim.
|
