94
4.8. Ohorlash jarayonini avtomatlashtirish
Ohorlash mashinasidagi kompyuterli nazorat-boshqaruv tizimi
tanda iplarini talab etilgan standart bo‘yicha ohorlab berishni
ta’minlaydi. Ohorlash mashinasining kompyuterli nazorat-boshqaruv
tizimi to‘quv fabrikasining umumiy tarmog‘iga ulash imkoniyatini
beradi. Trikotaj fabrikalarida yagona kompyuterli boshqaruv
tarmog‘i mavjud bo‘lib, amalda ishlatilmoqda. Avtomatlashtirilgan
(yagona tarmoqli) to‘quv fabrikalarining amalda ishlayotgani
hozircha yo‘q, faqatgina loyihalanmoqda. To‘quv fabrikalaridagi
oltita – qayta o‘rash, tandalash, ohorlash, saralash-o‘lchash, qadoq-
lash jarayonlarining 16 nuqtasi avtomatlashtirishni talab etadi.
Bulardan 12 tasida mahsulotlarni yuklash-tushirish ishlari qo‘lda
bajarilib, faqatgina 4 tasi mashinalar yordamida avtomatik tarzda
amalga oshiriladi.
Ohorlash jarayonida quyidagi amallar va omillar avtomatik
nazorat qilinib, boshqariladi:
– Pnevmosilindr yordamida rom zonasini avtomatlashtirish
– Tanda iplari tarangligining datchiklar va maxsus tebranuvchi
roliklar orqali nazorat qilinishi.
– Ohor tog‘orasida ohor sathi, haroratining nazorat qilinishi.
– Ohor qozonida ohor sathi, haroratining nazorat qilinishi.
– Quritish zonasida haroratning nazorat qilinishi.
– Namlik miqdorining avtomatik nazorat qilinishi.
– O‘rash, zichlash omillarining nazorat qilinishi.
