• tahlil, umumlashtirish, bashorat qilish uchun axborotlarni o'z sohasi bo'yicha to'plash
maxsus xizmatlari (konsalting firmalari, banklar, birjalar);
• tijorat firmalari;
• axborot brokkerlari.
Axborot mahsulotlari va xizmat turlarining iste‘molchisi turli huquqiy
va jismoniy shaxslar
bo'lishi mumkin.
Axborot mahsulotlari va xizmatlari bozorining tuzilmasi.
Axborot zaxiralarini ishlatish uchun jalb qilingan vositalar, usullar va sharoitlar majmuasi
jamiyatning axborot potensiali hisoblanadi. Bunga axborotni qayta ishlash va uzatish zamonaviy
vositalarini hamda usullarini ishlab chiqishdan tashqari zamonaviy axborot
texnologiyalari asosida
axborot xizmatini ko'rsatish bo'yicha ilmiy-tadqiqot, o'quv, ma‘muriy, tijorat va boshqa
muassasalari tarmog'i ham kiradi.
Axborot mahsulotlari va xizmatlari bozorining asosiy tarkibiy qismlari quyidagilardir:
1. Texnika va texnologiya tarkibiy qismi. Bunga zamonaviy axborot asbob-uskunalari,
yuqori
quvvatli kompyuterlar, rivojlangan kompyuter tarmoqlari va ularga mos axborotlarni
qayta ishlash texnologiyalari kiradi.
2. Me‘yoriy-huquqiy tarkibiy qism. Bunga axborot bozorida munosabatlarni tartibga
soluvchi hujjatlar: qonunlar,
qarorlar, farmonlar kiradi.
3. Axborot tarkibiy qismi. Bunga kerakli axborotni topishga yordam beruvchi ma‘lumotli-
navigatsion qurilmalar va tuzilmalar kiradi.
4. Tashkiliy tarkibiy qism. Bunga axborot mahsulotlari va xizmatlarini ishlab
chiqaruvchilar va tarqatuvchilar o'rtasidagi munosabatlarni davlat tomonidan tartibga solish
elementlari kiradi.
Axborot bozorining infratuzilmasi tushunchasi bilan tanishamiz.
Axborot bozorining infratuzilmasi — har biri bir xil turdagi axborot mahsulotlarini va
xizmatlarini taklif etayotgan bir nechta muassasa va jamoaga bog'langan sektorlar to'plamidir.
