kommunikatsiya texnologiyalari biznesini shakllantirish va taraqqiy ettirishga ham katta ta‘sir
ko‗rsatmoqda. Avvolambor, bu turdagi tadbirkorlikka axborot-kommunikatsiyalar texnologiyalari
biznesi
tovarlarini ishlab chiqish, takomillashtirish va tarqatish bilan keng shug‗ullanayotgan
boshqarish subyektlarini kiritish o‗rinlidir. Bu borada «O‗zbekiston Respublikasining «Elektron
tijorat to‗g‗risida» Qonuni axborot-kommunikatsiya texnologiyalari asosida tadbirkorlik faoliyatini
yo‗lga qo‗yish uchun katta turtki bo‗ldi.
Axborot faoliyati - bu milliy iqtisodiyot sohasi bo‗lib, axborot mahsulotlari va xizmatlarini
ishlab chiqish va qayta ishlab iste‘molchilarning bu boradagi talabini qondirish bilan
shug‗ullanayogan tadbirkorlikning bir shaklidir. Axborot-kommunikatsiya texnologiyalari
bozorining mamlakat milliy iqtisodiyotida nufuzli o‗rinni egallab borayotganligini inobatga olib,
O‗zbekiston Respublikasi Prezidentining «Kompyuterlashtirishni yanada rivojlantirish va axborot-
kommunikatsiya texnologiyalarini joriy etish to‗g‗risida»gi Farmoni qabul qilindi.
Unda axborotlashtirishning milliy tizimini shakllantirish, iqtisodiyot va jamiyat hayotining
barcha sohalarida zamonaviy axborot-kommunikatsiya texnologiyalarini, kompyuter texnikasi va
telekommunikatsiya vositalarini ommaviy ravishda joriy etish hamda ulardan foydalanish,
fuqarolarning axborotga ortib borayotgan talab ehtiyojlarini yanada to‗liqroq qondirish,
jahon
axborot hamjamiyatiga kirish hamda jahon axborot resurslaridan bahramand bo‗lishni kengaytirish
uchun qulay shart-sharoitlarni yaratish maqsadida quyidagi asosiy vazifalar belgilab qo‗yildi:
• zamonaviy ishonchli va xavfsiz milliy ma‘lumotlar axborot bazalarini yaratish, axborot
resurslari va xizmatlarining bozorini rivojlantirish, axborot almashuvning elektron shakllariga
izchillik bilan bosqichmabosqich o‗tish;
• real iqtisodiyot tarmoqlarida, boshqaruv, biznes, fan va ta ‘lim sohalarida kompyuter va
axborot-kommunikatsiya texnologiyalarini keng joriy etish, aholi turli qatlamlarining zamonaviy
kompyuter va axborot tizimlaridan keng bahramand bo‗lishlari uchun shartsharoitlar yaratish;
• maktablar,
kasb-hunar kollejlari, akademik litseylar va oliy o‗quv yurtlarining ta‘lim
jarayoniga zamonaviy kompyuter va axborot-kommunikatsiya texnologiyalarini egallashga hamda
ularni faol qo‗lanishga asoslangan ilg‗or ta‘lim tizimlarini kiritish;
• axborot-kommunikatsiya texnologiyalari sohasida, birinchi navbatda dasturiy vositalarni,
ma‘lumotlarning axborot bazalarini ishlab chiqish, respublika, tarmoq va mahalliy axborot-
kommunikatsiya tarmoqlarini shakllantirish, kompyuter va telekommunikatsiya texnikasini ishlab
chiqish; IR sohalarida ishlash uchun yuqori malakali mutaxassis kadrlar tayyorlashni tashkil qilish:
• axborot-kommunikatsiya tarmoqlari va xizmatlari konvergensiyasini nazarda tutgan
holda mamlakatning barcha hududida axborot-kommunikatsiya texnologiyalarining texnikaviy
infratuzilmasini,
shu jumladan, ko‗chma aloqa, IR texnologiyalari, boshqa zamonaviy
telekommunikatsiya va ma‘lumot uzatish vositalarini jadal rivojlantirish;
• milliy va xalqaro axborot tarmoqlariga g‗oyat tezkorlik bilan kirib borishni joriy etish,
aholi punktlari, shu jumladan, qishloq aholi punktlarining ularga kirib borishini ta‘minlash;
• sifatli mahalliy dasturiy mahsulotlar ishlab chiqarish va ularni eksport qilishni
rag‗batlantirishning samarali mexanizmini yaratish;
• mahalliy kompyuter texnikasi va unga butlovchi buyumlar ishlab chiqish hamda ishlab
chiqarishni tashkil etishga ko‗maklashish.
Axborot va kompyuter texnologiyalari bo‗yicha mutaxassislar tayyorlash tizimini
takomillashtirish, axborot-kommunikatsiya hamda innovatsiya texnologiyalarini ta‘lim jarayoniga
tatbiq etishni yanada kengaytirish maqsadida O‗zbekiston Respublikasi Prezidentining «Axborot
texnologiyalari sohasida kadrlar tayyorlash tizimini takomillashtirish to‗g‗risida»gi Qarori qabul
qilindi. Unda Toshkent axborot texnologiyalari universiteti axborot-kommunikatsiya
texnologiyalari
sohasida mutaxassislar tayyorlash bo‗yicha bosh oliy muassasa etib belgilandi. Bundan tashqari,
«Informatika va axborot texnologiyalari» ta‘lim yo‗nalishi bo‗yicha kadrlar tayyorlash
O‗zbekiston Milliy universiteti, Toshkent davlat iqtisodiyot universiteti va Toshkent islom
universitetlarida ham saqlanib qolindi. Hozirgi kunda bu oliy o‗quv yurtlarimizda yuqori
malakali va raqobatbardosh mutaxassislar tayyorlanib kelinmoqda. Toshkent axborot texnologiyalari
universiteti axborot-kommunikatsiya texnologiyalari sohasida yigirmadan ortiq davlatlar oliy
o‗quv yurtlari bilan yaqindan aloqalarni o‗rnatgan. Dasturlash bo‗yicha jahon olimpiadasining
hududiy bosqichi ham ushbu oliygoh boshchiligida tashkil qilinib kelinmoqda.
O‗zbekiston Respublikasi aloqa va axborotlashtirish agentligi aloqa, axborotlashtirish
sohasidagi masalalarni hal etish va davlat siyosatini olib borish hamda radiochastota spektridan
foydalanish uchun vakolatlangan muvofiqlashtiruvchi boshqaruv organi hisoblanadi.
O‗zbekiston Respublikasi Prezidentining 2002-yil 30-maydagi «Kompyuterlashtirishni
yanada rivojlantirish va axborot-kommunikatsiya texnologiyalarini joriy etish to‗g‗risida»gi
Farmoniga binoan O‗zbekiston Respublikasining sobiq Aloqa vazirligi negizida tashkil etilgan
O‗zbekiston pochta va telekommunikatsiya agentligi O‗zbekiston
Respublikasi aloqa va
axborotlashtirish agentligiga aylantirildi.
O‗zbekiston Respublikasi aloqa va axborotlashtirish agentligi tarkibiga Davlat aloqa
inspeksiyasi, Fan-texnika va marketing tadqiqotlari markazi, Elektromagnit moslashuv markazi,
Axborot-kommunikatsiya texnologiyalarini rivojlantirish fondi, Ommaviy kommunikatsiyalar
texnologiyalarini rivojlantirish fondi, Ommaviy kommunikatsiyalar sohasidagi monitoring
markazi, Radioaloqa, radioeshittirishlar va televideniye markazi, Toshkent axborot texnologiyalari
universiteti,
Respublika maxsus aloqa bog‗lamasi, Davlat feldegerlik xizmati, « O‗zbektelekom» aksiyadorlik
kompaniyasi, « O‗zbekiston pochtasi»
ochiq aksiyadorlik jamiyati, «Matbuot tarqatuvchi»
aksiyadorlik kompaniyasi, O‗zbekiston teleradiokompaniya tarmoqlarini boshqarish respublika
markazi, «UZINFOCOM» kompyuter va axborot texnologiyalarini rivojlantirish va joriy etish
markazi, Respublika axborot-kutubxona markazi kabi tashkilotlar kiradi. Ular hozirgi kunda
respublikamizda axborot-kommunikatsiya texnologiyalari bozori shakllanishi va milliy iqtisodiyot
tarmoq hamda sohalariga keng joriy etish bo‗yicha yetakchilik qilishmoqda.
O‗zbekiston Respublikasi birinchi Prezidenti I.A.Karimovning 2008-yil 15-iyulda qabul
qilgan «Innovatsion loyihalar va texnologiyalarni ishlab chiqarishga tatbiq etishni rag'batlantirish
borasidagi
qo'shimcha
chora-tadbirlar
to‗g‗risida»gi qarori respublikamizda korxonalarni
modernizatsiya qilish, texnika va texnologiya qayta jihozlashni yanada jadallashtirish, zamonaviy,
moslanuvchan texnologiyalarni keng joriy etish masalalarini hal qilish uchun zamin yaratib berdi.
U ilmiy-amaliy tadqiqotlar va innovatsion ishlanmalar rivojiga, ilmiy tadqiqot institutlari hamda
real iqtisodiyot tarmoqlari korxonalari o‗rtasida uzviy hamkorlik aloqalarini o‗rnatishga kuchli turtki
berdi.
Hozirda fan va ta ‘lim sohalarini axborotlashtirish uchun qilinayotgan
investitsiyalar
maktab, kollej, litsey va oliy o‗quv yurtlarda bilimlarni keng tarqatishni tezlashtiradi. Umuman
olganda, jamiyatni axborotlashtirish ta‘lim jarayonini yangicha tashkil qilishni talab qilib, yangi
ta‘lim texnologiyalari o‗tishni, ta‘lim xizmatlariga kirishni kengaytirish va ularning sifatini
yuksaltirishni talab qilmoqda.
