468
Hozirgi kunda IP-tarmoqlarda qo’llaniluvchi marshrutlash protokollari adaptiv
taqsimlangan protokollarga kiradi. Bu protokollar ikki guruhga bo’linadi:
- masofaviy-vektorli algoritmlar (Distance Vector Algorithms, DVA);
- aloqa holati algoritmlari (Link State Algorithms, LSA).
Masofaviy-vektorli algoritmlarda (DVA) har bir marshrutizator tarmoq bo’ylab
davriy ravishda va keng eshittirishli vektorni tarqatadi. Ushbu marshrutizatordan tortib,
tarmoqdagi unga ma’lum barchasi uning komponentlari hisoblanadi. Marshrutlash
protokolining paketlari, odatda, yangiliklar deb ataladi, chunki ular yordamida o’ziga
ma’lum tarmoq konfigurasiyasi haqidagi xabarni
qolgan marshrutizatorlarga
yetkazadi.
Ushbu tarmoqqa ma’lum vektor masofagacha bo’lgan bir qancha qo’shnisida
olingan axborot asosida marshrutizator vektor komponentlarini o’zidan ushbu
qo’shnisigacha kengaytiradi, u bilgan (agar ular uning portlariga ulangan bo’lsa) yoki
marshrutizatorlarni o’xshash xabarlaridan tarmoq haqidagi vektor axborotlarni qo’shib
qo’yadi. Bundan so’ng esa u tarmoq bo’yicha yangi vektor qiymatni tarqatadi. Va,
nihoyat, har bir marshrutizator o’zining qo’shni marshrutizatori orqali tarmoqning
barcha tarkibiy tashkil etuvchilarini va ulargacha bo’lgan masofalarni bilib oladi.
Bunday ma’lumotga asoslanib u bir nechta alternativ marshrutlardan masofa
jihatdan eng qisqasini tanlaydi. Ushbu marshrut
haqida xabar uzatgan yaqin
marshrutizator marshrutlash jadvalida keyingisi sifatida belgilanadi. Masofaviy-
vektorli algoritmlar uncha katta bo’lmagan tarmoqlarda yaxshi ishlaydi. Katta
tamoqlarda trafik yuklamasining oshishiga olib keladi. Masofaviy-vektorli algoritmga
asoslangan, bir muncha keng tarqalgan protokol bu
RIP protokol hisoblanadi.
LSA aloqa holati algoritmlari har bir marshrutizatorni
axborot bilan
ta’minlaydi. Bu axborot tarmoqning aloqa grafini aniq qurish uchun yetarli
hisoblanadi. Barcha marshrutizatorlar aynan shu graf asosida ishlaydi, bu esa
konfigurasiyadagi o’zgarishga marshrutlash jarayonini bir muncha chidamli qiladi. Har
bir marshrutizator bir necha marshrut shartlari asosida optimalini topish uchun tarmoq
grafidan foydalanadi. Portlariga ulangan aloqa kanalini
qanday holatdaligini bilish
uchun marshrutizator davriy ravishda o’zining yaqin qo’shnisi bilan HELLO qisqa
paketini almashib turadi.
Aloqa holati algoritmlariga asoslangan protokollarga OSI stekining IS-IS
protokoli (bu protokol TCP/IP stekida ham foydalaniladi), TCP/IP stekining OSPF
protokoli kiradi.
