|
Payvandlash sifat nazorati
|
| bet | 67/107 | | Sana | 14.12.2023 | | Hajmi | 3,83 Mb. | | #118232 |
Bog'liq Payvandlash sifat nazorati UMKNazorat savollar:
1. Payvand birikmalarning mexanik xossalarini aniqlash uchun qanday sinash usullari qo‘llaniladi?
2. Metall-grafik tekshirishlarda qanday nuqsonlarni aniqlash mumkin?
AMALIY MASHG‘ULOTLAR
1 - AMALIY MASHG‘ULOT.
BUZMASDAN NAZORAT QILISH DIAGNOSTIK USULLARI
Qisqacha nazariy malumot
Magnit kukunli usulning mohiyati shundan iboratki, bunda magnitlangan detalning sirtiga kerosinli, moyli, sovun eritmali suspenziya ko‘rinishidagi («xo‘l» usul) yoki magnit aerozoli ko‘rinishidagi («quruq» usul) ferromagnit kukuni qoplanadi. Sochilish magnit maydonlarining tortuvchi kuchi ta’sirida kukun zarralari detal sirtida harakatlanadi va nuqsonlar tepasida do‘ngliklar ko‘rinishida to‘planadi. Do‘ngliklarning shakli aniqlanadigan nuqsonlarning qiyofasiga mos keladi.
Nazorat uslubi. Magnit kukunli usul quyidagi operatsiyalarni o‘z ichiga oladi (GOST 21105-75):
1. Nazorat qilishdan oldin yuzalar ishlovga tayyorlanadi va iflosliklar, kuyindidan, payvandlashdan qolgan shlak yuqlaridan tozalanadi.
2. Magnit kukunini tashuvchi suyuqlik bilan tez tez aralashtirgan holda suspenziya tayyorlanadi.
3. Nazorat qilinayotgan yuza magnitlanadi.
4. Suspenziya yoki kukun nazorat qilinayotgan yuzaga qoplanadi.
5. Buyumning yuzasi ko‘zdan kechirilib kukun o‘tirindisi bilan qoplangan joylari aniqlanadi.
6. YUza magnitsizlantiriladi.
Bu usul ingichka va mayda darzlarga yuqori darajada sezgirligi, bajarilishning oddiyligi, tezkorligi hamda natijalarining yaqqolligi bilan ajralib turadi. Ushbu usul magnit materiallardan tayyorlangan buyumlarning bo‘ylama payvand choklarini nazorat qilish uchun, xususan, yoyli usullarda payvandlangan o‘tkazgich quvurlarning uchma uch choklaridagi darzlar va payvandlanmay qolgan tor joylarni aniqlash uchun keng qo‘llaniladi. Nazoratning sezgirligini oshirish uchun sinashdan oldin choklarning kuchaytirgichlarini olib tashlash maqsadga muvofiqdir.
|
| |
