“PEDAGOGIK MAHORAT” ilmiy-nazariy va metodik jurnal. 2022, № 3-4
56
адаптацияланувчанлик, муайян қобилиятлар, никоҳга тайёрлик, билимлар, кўникмалар, сифатлар
тўплами, индивидуал-психологик хусусиятлар, уларнинг ўзига хос синтези ва бошқалар каби талқин
қилинадиган, оилавий ҳаётга адаптация потенциали сифатида қараш мақсадга мувофиқ. Шундай
ҳолат ўрганилаётган тушунча устунлик билан фаолиятнинг муайян тури ўрнидан туриб очиб
берилиши ва натижада, ижтимоий психологияда изланишларнинг сезиларли даражада кўпчилиги
фаолиятнинг педагогик, экстремал ва бошқа турларига адаптация потенциалининг шаклланишига ва
ривожланишига бағишланганлиги билан тушунтирилади. Изланувчиларнинг умумий фикрига
таянган ҳолда, мазкур диссертация доирасида, оилавий ҳаётга адаптация потенциали деганда
инсоннинг оила аъзолари ўртасидаги (оилавий ҳаётдаги) алоҳида муносабатлар ва алоқалар
шароитига мослашишининг (адаптациянинг) муваффақиятини сезиларли даражада таъминлайдиган
шахсий таълим комплексини тушуниш мақсадга мувофиқ кўринади. Шахсий таълим комплекси
сифатида ушбу ҳодиса оилавий хаётга мотивацияни, оилага эга бўлишнинг англанган истагини,
унинг ҳаётий зарурлигига чуқур ишончни, шахслараро ўзаро ҳамкорликни амалга ошириш
қобилиятини, оила-никоҳ субъекти учун характерли бўлган усуллар ва амалларни эгаллашни, хулқни
ва ҳиссий ҳолатларни мустақил тузатиш қобилиятини, тушуниш, ҳамфикрлик, ҳамдардлик, ўзаро
тушуниш, ўзаро ёрдам каби сифатларнинг шаклланганлиги, худди шунингдек, оилавий хаёт учун
зарур бўлган билимлар комплексининг мавжудлигини ўз ичига қамраб олади.
