|
-БЎЛИМ. СУҒУРТА ПУЛИ, СУҒУРТА МУКОФОТИ, ФРАНШИЗА
|
| bet | 4/11 | | Sana | 11.10.2023 | | Hajmi | 0.7 Mb. | | #87534 |
Bog'liq t29 3 2 (3) Homidova Shaxnoza Toxirovna, Kurs ishi mavzu Reklama turlari va shakllari. Mediadizayn (25. 5-БЎЛИМ. СУҒУРТА ПУЛИ, СУҒУРТА МУКОФОТИ, ФРАНШИЗА
5.1. Ушбу Шартнома бўйича суғурта пули мазкур Шартноманинг 1-иловасида кўрсатилган.
5.2. Мазкур Шартнома бўйича суғурта мукофоти ушбу Шартноманинг 1-иловасида кўрсатилган.
5.3. Суғурта мукофоти (ёки унинг биринчи қисми) ушбу суғурта шартномаси имзоланган кундан бошлаб 3 (уч) иш кунидан ошмаган муддатда тўланиши шарт.
5.4. Шартномада ушбу Шартноманинг 1-иловасида миқдори кўрсатилган, ҳар бир суғурта ҳодисаси бўйича шартсиз франшиза ўрнатилиши мумкин.
5.5. Ушбу Шартнома бўйича барча ўзаро ҳисоб-китоблар ушбу Шартноманинг 1 иловасида кўрсатилган валютада амалга оширилади.
6-БЎЛИМ. ШАРТНОМА КУЧГА КИРИШИ ВА АМАЛ ҚИЛИШ МУДДАТИ
6.1. Ушбу Суғурта шартномаси келишилган суғурта мукофоти ёки унинг биринчи қисми ўз вақтида тўланиши шарти билан томонлар уни имзолаган пайтдан бошлаб кучга киради ва ушбу Шартноманинг 1-иловасида кўрсатилган муддат мобайнида амалда бўлади.
6.2. Суғурта мукофоти ёки унинг биринчи қисми ўз вақтидан кейин тўланган тақдирда ушбу Суғурта шартномаси суғурта мукофоти ёки унинг қисми тўланган пайтдан бошлаб кучга киради ва ушбу Шартноманинг 1-иловасида кўрсатилган муддат мобайнида амалда бўлади. Суғурта мукофоти ёки унинг қисми тўланган пайт бўлиб Суғурталовчи ёки унинг Суғурта агентининг банк ҳисоб рақамига пул маблағлари келиб тушган кун ҳисобланади.
6.3. Ушбу шартнома билан шартлашилган суғурта суғурта шартномаси кучга киргандан кейин содир бўлган суғурта ҳодисаларига нисбатан қўлланилади ва суғурта полисида кўрсатилган суғурта муддати мобайнида амалда бўлади.
6.4. Кредит шартномаси/келишувининг муддати узайтирилган тақдирда ушбу Шартноманинг муддати қўшимча келишув тузиш ва тегишли қўшимча суғурта мукофотини тўлаш йўли билан узайтирилиши мумкин.
6.5. Суғурта полиси суғурта мукофоти/унинг биринчи/навбатдаги бадали Суғурталовчининг банк ҳисоб рақамига келиб тушгандан кейин 3 (уч) иш куни ичида берилади. Суғурта мукофоти тўлиқ тўланмаган тақдирда Суғурта полиси суғурта мукофотининг тўланган қисмига мутаносиб давр учун берилади.
6.6. Суғурта полиси йўқолган тақдирда Суғурта полисининг дубликати Суғурта қилдирувчининг ва/ёки Наф олувчининг ёзма аризаси асосида 5 (беш) иш куни ичида берилиб, ундан сўнг йўқолган Суғурта полиси ҳақиқий эмас бўлиб ҳисобланади ва у бўйича суғурта ҳодисалари кўриб чиқилмайди.
6.7. Суғурта қилдирувчи Наф олувчи олдидаги кредитни сўнгдириш бўйича мажбуриятларини тўлиқ ҳажмда бажарган тақдирда Суғурта қилдирувчининг ўзи Наф олувчи бўлиб ҳисобланади.
|
| |
