|
-БЎЛИМ. ШАРТНОМАНИ БЕКОР ҚИЛИНИШИ ВА ТУГАТИЛИШИ
|
| bet | 9/11 | | Sana | 11.10.2023 | | Hajmi | 0.7 Mb. | | #87534 |
Bog'liq t29 3 2 (3) Homidova Shaxnoza Toxirovna, Kurs ishi mavzu Reklama turlari va shakllari. Mediadizayn (25. 10-БЎЛИМ. ШАРТНОМАНИ БЕКОР ҚИЛИНИШИ ВА ТУГАТИЛИШИ
10.1. Суғурта шартномаси, агар у кучга кирганидан кейин суғурта ҳодисаси юз бериши эҳтимоли йўқолган ва суғурта хавфининг мавжуд бўлиши суғурта ҳодисасидан бошқа ҳолатлар бўйича тугаган бўлса, тузилган муддати келишидан олдин бекор бўлади. Қуйидагилар шундай ҳолатлар жумласига киради, чунончи:
суғурталанган мол-мулкнинг юз берган суғурта ҳодисасидан бошқа сабабларга кўра нобуд бўлиши;
тадбиркорлик хавфини ёки ана шу фаолият билан боғлиқ фуқаровий жавобгарлик хавфини суғурталаган шахснинг тадбиркорлик фаолиятини белгиланган тартибда тўхтатиши.
10.2. Суғурта шартномаси ушбу шартноманинг 10.1 бандида кўрсатилган ҳолатлар бўйича муддатидан олдин бекор бўлганда, суғурталовчи суғурта мукофотининг бир қисмини суғурта амал қилган вақтга мутаносиб равишда олиш ҳуқуқига эга.
10.3. Суғурта қилдирувчи (наф олувчи), агар воз кечиш пайтига келиб суғурта ҳодисанинг юз бериш эҳтимоли ушбу шартноманинг 10.1 бандида кўрсатилган ҳолатлар бўйича йўқолмаган бўлса, суғурта шартномасини бажаришдан истаган пайтида воз кечишга ҳақли.
Бундай вазиятда (Суғурта қилдирувчи ёки наф олувчи суғурта шартномасидан муддатидан илгари воз кечган тақдирда), суғурталовчига тўланган суғурта мукофоти қайтариб берилмайди.
10.4. Агарда суғурта шартномаси наф олувчи фойдасига тузилган бўлса, суғурта шартномасини муддатидан илгари бекор қилиш учун унинг ёзма розилиги олиниши мажбурийдир.
11-БЎЛИМ. ТОМОНЛАРНИНГ ЖАВОБГАРЛИГИ
11.1. Томонлар ўз зиммаларига қабул қилган мажбуриятларни бажармаганлик ёки лозим даражада бажармаганлик учун Ўзбекистон Республикасининг амалдаги қонун ҳужжатларига мувофиқ жавобгар бўладилар.
11.2. Суғурта қилдирувчига тегишли суғурта товонини кечиктирганлиги учун Суғурталовчи Суғурта қилдирувчига ҳар бир кечиктирилган кун учун кечиктирилган маблағнинг 0,2% миқдорида, лекин ушбу Шартнома бўйича тўланиши лозим бўлган маблағнинг 50% идан ошмаган миқдорда пеня тўлайди. Пеня тўланиши Суғурталовчини суғурта товони тўловидан озод қилмайди.
11.3. Агар Томонлар ушбу Шартнома бўйича ўз мажбуриятларини бажара олмасликлари енгиб бўлмас куч (форс-мажор) шарт-шароити сабабли юзага келса, улар жавобгарликдан озод бўладилар. Енгиб бўлмас куч таъсирида бўлган томон бошқа томонни бундай шарт-шароит юзага келганлиги ва таҳминан қанча давом этиши мумкинлиги тўғрисида бир-бирларини дарҳол хабардор қилишлари шарт. Бунда Томонлар ушбу Шартноманинг бажарилган ва бажарилмаган қисмлари юзасидан ўрнатилган тартибда якуний ҳисоб-китобни амалга оширадилар.
|
| |
