|
MOBIL TA’LIM RESURSLARINI LOYIHALASHDA VIZUAL DASTURLASH
Pdf ko'rish
|
| bet | 210/551 | | Sana | 15.05.2024 | | Hajmi | 15,84 Mb. | | #234763 |
Bog'liq Asosiy oxirgi 17.05.2023 18.20MOBIL TA’LIM RESURSLARINI LOYIHALASHDA VIZUAL DASTURLASH
TEXNOLOGIYALARI
Jo‘rayev Tuychi Norbo‘tayevich
Qarshi DU, PhD
Axborot kommunikatsion texnologiyalarning (AKT) rivojlanishi natijasida ta’limning
yangicha shakllari(masofaviy, mobil) vujudga keldi va bu kabi ta’lim shakllari jamiyatda
qisqa fursatda ommalashdi. Ta’lim tizimi rivojlangan davlatlarda masofaviy ta’lim shakli
garchi yagona konseptsiyaga ega bo‘lmasada allaqachon amaliyotda qo‘llanilmoqda.
Respublikamizning ta’lim to‘g‘risidagi qonunda ham o‘quv rejalari va o‘quv dasturlarini
joriy etish jarayonida zamonaviy pedagogik texnologiyalar, o‘qitishning innovatsion
shakllari va usullari, AKT qo‘llanilanilishi (35-modda), masofaviy ta’lim o‘quv rejalari va
o‘quv dasturlariga muvofiq ta’lim oluvchilar tomonidan zarur bilim, malaka va
ko‘nikmalarni AKTdan hamda internet jahon axborot tarmog‘idan foydalangan holda
masofadan turib ta’lim olishga (Masofaviy ta’limni tashkil etish tartibi O‘zbekiston
Respublikasi Vazirlar Mahkamasi tomonidan belgilanadi (16-modda)), pedagog
xodimlarning majburiyatlariga esa AKTdan, o‘qitish va tarbiyaning ilg‘or hamda
innovatsion shakllari va usullaridan foydalanishi (46-modda) belgilab o‘tilgan [1].
Masofaviy va mobil ta’lim resurslarini yaratish va qo‘llash usullari bo‘yicha amlakatimiz
olimlari, A.Abduqodirov, F. Zakirova kabi olimlar, xorijiy davlatlarda esa O.Viberg, M.Taufiq,
M.Lac, T.L.Irby, S. Iftahar kabi olimlar ilmiy izlanishlar olib borishgan. Mobil ta’lim haqidagi
tadqiqotlar smarfon, planshet kabi qurilmalarning ommalashuvi bilan bevosita bog‘liq.
255
Mazkur tadqiqot ishida mobil qurilmalarni dastur yozishda vizual dasturlash
texnologiyalaridan biri kodular virtual tizimida mobil ilovalarni yaratish amaliyotini tadqiq
etamiz. Buning uchun virtual muhit veb-manzilida o‘z akkauntimizni yaratishimiz kerak va
biz ro‘yxatdan o‘tish bosqichini ko‘rib chiqamiz.
1. Internetga ulangan kompyuterdan Google Chrome brauzerini ishga tushiramiz va
adres bandiga https://www.kodular.io/ manzilini kiritamiz.
2. Hosil bo‘lgan sahifadan ro‘yxatdan o‘tish tugmachasini faollashtiramiz
1
(1-rasmga
qarang).
1-rasm. Kodular tizimida ro‘yxatdan o‘tish oynasi
3. Ro‘yxatdan o‘tishda faqat elektron manzil va kalit so‘z kiritish etarli bo‘lib, bunda
Google akkauntdan foydalanish maqsadga muvofiqdir. Bu o‘z navbatida ilovani virtual
dasturlar bozoriga yuklash va uning kamchiliklari haqidagi ma’lumot almashinuvi,
dasturlashda kutubxonalarni tezda topish va yuklash asosan Google forumda mavjud
ma’lumotlar asosida tahlil qilish va tekin yuklash imkoniyatlarini kengaytiradi.
4. Ro‘yxatdan o‘tish jarayoni tugagandan so‘ng tizimga kirish va ishni boshlash mumkin
bo‘ladi. Yuqorida ta’kidlanganidek translyasiya xizmati jarayonni o‘zbek tilida tashkil
etishda ko‘maklashadi va foydalanuvchi loyihalar bandidan o‘zining yangi mobil ilovasini
yaratishni boshlashi mumkin bo‘ladi. SHu o‘rinda tarjima jarayonini tizimning barcha
kutubxonalari uchun ham birdek ishlamasligini va O‘zbek tili uchun barcha jumlalar tizim
tomonidan tarjimani amalga oshira olmaydi. Algoritmlash yordamida tuziladigan mobil
ilovani yaratish jarayonini, foydalanuvchi loyiha yaratish tugmachasini faollashtirishdan
boshlaydi.
So‘ngra tizim menyular bandidan yangi loyiha (New Project) yaratish tugmasi bosiladi.
Keyingi qadam mobil ilova oynalari sonini rejaga asosan ekran (Screen) tugmachasi
yordamida qo‘shish yoki aksincha o‘chirish mumkin bo‘ladi. Oynalar nomini tizim
avtomatik nomlab borishi yoki bu ishni amalga oshirishda foydalanuvchi tanlagan nom
orqali amalga oshiriladi.
Hosil bo‘lgan oynalarga buyruq beruvchi tugmachalarni yuklash uchun tugma(Button)
ustiga sichqoncha chap tugmasi bosilgan holatda oyna ustiga siljitish harakatini amalga
oshiriladi (2-rasm).
1
Eslatma: brauzerning translyatsiya(tarjima) xizmatidan o‘zbek tilini tanlang va matnni avtomatik tarjima qilingan
ko‘rinishda o‘qing.
|
| |
