397
ya’ni, ta’lim jarayoniga masofaviy ta’lim, axborot-kommunikasiya texnologiyalari
elementlarini olib kirish, ulardan samarali foydalanish, o‘qituvchilarning ota-onalar bilan
hamkorlikda faoliyat yuritishini yo‘lga qo‘yish, informatika o‘qituvchilarini qayta
tayyorlash va ularning malakalarini muntazam oshirib borishda innovasion metodlardan
foydalanish, xorijiy davlatlarning yetakshi oliy ta’lim muassasalari va ilmiy markazlarida
qayta tayyorlash va malaka oshirish, stajirovka, doktoranturada tahsil olishlarini yo‘lga
qo‘yish kabi vazifalar dolzarb tus olmoqda. Ta’limga oid o‘quv-me’yoriy-huquqiy
hujjatlarda ham uzluksiz ta’limning barcha bo‘g‘inlari uchun informatika o‘qituvchilarini
tayyorlash masalasiga alohida e’tibor qaratiladi.
Insoniyat tomonidan qadim zamonlardan beri o‘rganib kelinayotgan axborotni ruxsatsiz
kirish va unga kiruvchi ta’sirlardan himoya qilish muammosi jamiyatni
kompyuterlashtirish bosqichida yangi mazmun kasb etdi. Ma‘lumki barcha sohalarni
kompyuter texnikasi yordamida axborotlashtirilishi jamiyat rivojini belgilovchi yo‘nalish
hisoblanadi. Jamiyatning jadal sur’atlarda axborotlashtirilishi natijasida axborot xavfsizligi
muammosi dolzarb vazifa sanaladi va doimo shunday bo‘lib qoladi.
Axborot xavfsizligi – mamlakat madaniy mulkining, xo‘jalik subyektlari va fuqarolar
intellektual mulkining, davlat va kasbiy sirga ega maxsus ma’lumotlarning ishonchli
himoyalanganligi holati.
5
