gapira olmaydigan kichkina bolada tovush titrashini u qichqirayotgan, yig‘layotgan
va yo‘talayotgan vaqtda aniqlash mumkin. Normal holatda ko‘krak qafasining
ikkala simmetrik qismlari ustida tovush titrashi ikki tomonda bir xil bo‘ladi, lekin
yuqori qismlarda tovush quyi qismlarga nisbatan balandroq bo‘ladi. Ko‘krak
qafasining rezistetligini aniqlash uchun ko‘krak qafasi simmetrik qismlarda oldi va
orqa tomonida o‘rtaliqdagi chiziq bo‘ylab va yonlarda ikkala qo‘l
bilan bir
vaqtning o‘zida bosiladi; bu jarayonda paydo bo‘ladigan qarshilik subyektiv
ravishda aniqlanib, normal holatda qoniqarli bo‘lishi lozim.
Perkussiya
Ko‘krak qafasining perkussiyasini o‘tkazishning umumiy qoidalariЖ
1. Tinch joyda, issiq xonada o‘tkaziladi.
2. Shifokorning qo‘llari toza, quruq va iliq bo‘lishi, uzun tirnoqlari bo‘lmasligi
kerak.
3. Shifokor holati: old tomonida perkussiya qilayotganda shifokor bemorning o‘ng
tomonida bo‘ladi, orqa tomonida bu amalni bajarayotganda esa – mijozning chap
tomonida turadi; umuman olganda, perkussiya yo‘li bilan aniq ma’lumotlarni olish
uchun shifokor egallaydigan holat uning uchun qulay bo‘lishi lozim.
4. Bemorning holati uning yoshi va ahvolining og‘irligiga bog‘liq:
– 2 yoshga to‘lgan bola tik turgani yaxshi yoki ko‘krak
qafasining simmetrik
qismlari bir xil joylashgan holda o‘tirishi lozim;
– emadigan chaqaloqni ona vertikal holatda ushlashi, o‘ziga bosib turishi va bola
tanasining ikki tomonini simmetrik holatda saqlab turishi kerak;
– 2-3 oylik bemor chaqaloqning perkussiyasini old tomonidan bola orqasida
yotgan holatda, orqa tomonidan – bolaning ko‘kragini shifokor qo‘lining kaftiga
yotqizga holda amalga oshirish maqsadga muvofiq bo‘ladi. – og‘ir ahvolda bo‘lgan
bolaning perkussiyasi u mavjud bo‘lgan holatda amalga oshiriladi, va bu jarayonda
bola ko‘krak qafasining o‘ng va chap yarmi simmetrik
holatda turishi ustidan
kuzatib turiladi.
5. Tik holatda turgan bolaga perkussiya amali qilinayotganda u qo‘llarini
bo‘shashtirishi va pastga tushirishi lozim.
– orqa tomondan perkussiya qilinayotganda bemorning boshini tushirish, biroz
oldinga egashish,
yelkalaridan ushlab turib, qo‘llarini old tomonda birlashtirish
maqsadga muvofiqdir – bu bolaning kuraklarini umurtqadan uzoqlashtirish va
perkussiya qilinayotgan maydonni kengaytirishga imkon beradi.
– ko‘krak qafasining yon yuzalari perkussiya qilinayotganda bola qo‘llari
bilan
qarama-qarshi yelka bo‘g‘imini ushlab olishi yoki kaftlarini ensaga tashlashi
mumkin.
6. Bemor xotirjam bo‘lishi va yig‘lamasligi kerak. Aks holda perkussiya bola
qichqirishlari orasidagi tanaffuslar (bolan navbatdagi nafas olayotganda)
vaqtida
o‘tkaziladi.
