– yurak qismlarining differensiatsiyasi 10–14 yoshga qadar yakunlanadi; bu
yoshda u nisbat ko‘rsatkichlari bo‘yicha (o‘lchamlaridan tashqari)
kattalar
yuragiga yaqinlashadi;
– yangi tug‘ilgan chaqaloqda yurak mushagi qator xususiyatlari bilan farqlanadi.
Mushak tolalari juda ingichka va kichik. Bir-biridan
ajralgan va anchagina
yirik yadrolarga ega. Biriktiruvchi va elastik to‘qima juda sust ifodalangan. Qon
tomirlari tizimi yaxshi rivojlangan va bu yurak mushagini qon bilan yaxshi
ta’minlashga xizmat qiladi. Pubertat davrida mushak
va elastik tolalari ayniqsa
kuchli rivojlanadi.
– diafragma birmuncha baland turishi sababli chaqaloqning yuragi gorizontal
holatda joylashgan bo‘ladi; chaqaloq hayotining birinchi
yilining oxiriga qadar
yurak qiya holat egallab qoladi.
– yangi tug‘ilgan chaqaloqning yuragi sharsimon shaklda bo‘ladi; asta-sekin yurak
noqsimon shaklga ega bo‘ladi.
Qon tomirlarining xususiyatlari.
Bola ulg‘ayishi sari o‘pka arteriyasi va aortasining diametri qarama-qarshi
o‘zgara boshlaydi: – yangi tug‘ilgan chaqaloqda u tegishligicha 21 va 16 mm ga
teng (ya’ni o‘pka arteriyasi birmuncha kengroq);
– 12 yoshli bolada qon tomirlari taxminan bir xil (72–74 mm dan);
– erta
bolalik yoshida kapillyarlar, ayniqsa o‘pka, buyrak, teri va ichaklar
kapillyarlari bola umrining keyingi davrlariga nisbatan ancha kengroq bo‘ladi;
– kattalarda o‘pka arteriyasining diametri aortaning diametridan kichikroq bo‘ladi
(tegishligicha 74 va 80 mm).
