kattaroq o‘lchamdagi ko‘krak qafasida – old-, o‘rta-va orqaqo‘ltiqosti chiziqlar
bo‘yicha o‘tkaziladi; plessimetr qovurg‘alarga parallel ravishda joylashadi.
3. Perkussiya orqa tomondan:
– kurakusti qismida, plessimetr
gorizontal joylashadi;
– paravertebral qismida tepadan pastga. Barmoq-plessimetr qovurg‘alarga parallel
ravishda joylashadi;
– kurakosti qismi (kuraklar chiziqlari bo‘yicha), barmoq-plessimetr qovurg‘alar
oraliqlari bo‘ylab joylashadi.
Me’yoriy (normativ) perkussiya ma’lumotlari:
Perkussiya vaqtida paydo bo‘ladigan quyidagi tovushlar mavjud:
– aniq (o‘pkadan);
– bo‘g‘iq (qisqargan);
– past tovushli (sondan);
– timpanik (qutidan chiqayotgandek).
Normal holatda sog‘lom o‘pka ustida aniq o‘pkali tovush eshitiladi.
Uning
balandligi va jarangdorligi perkussiya zarbasi,
mushaklar qalinligi va
rivojlanganligi, teriosti yog‘ qatlami va yonida joylashgan organlarga bog‘liq
bo‘ladi.
Perkussiyada yurak, jigar, ya’ni zich organlar ustida past ovozli tovush paydo
bo‘ladi.
