X-bob. Gerbli muhr va xizmatda foydalanish uchun beriladigan shtamplarni

143. Nomenklatura texnikum funksiyalari va tarkibiy bo‘linmalari 
o‘zgargan taqdirda, biroq besh yilda kamida bir marta qayta tuziladi va kelishib 
olinadi. 
Nomenklatura har yili tegishli tuzatishlar bilan qayta tuzilishi va 
tasdiqlanishi mumkin. 
144. Nomenklatura yetakchi mutaxassislar jalb qilingan holda Ichki nazorat 
va arxiv bo’limi xodimlari bilan birgalikda tuzilib, arxiv idorasi bilan 
kelishilgandan so‘ng, direktor tomonidan tasdiqlanadi. 
145. Texnikumda tegishli elektron tizimda yuritilgan hujjatlar, qoida 
tariqasida, elektron nomenklatura shaklida yuritiladi, doimiy saqlanadigan va 
ayrim toifadagi hujjatlar bundan mustasno. Elektron nomenklaturadagi 
hujjatlarning saqlanishi va ularni arxivga topshirish tartibi qonun hujjatlariga 
muvofiq amalga oshiriladi. 
146. Nomenklatura uch nusxada tuzilib, uning bir nusxasi Ichki nazorat va 
arxiv bo’limida tegishli yig‘majildda saqlanadi, ikkinchisidan ish nusxasi sifatida 
foydalaniladi, uchinchi nusxasi kelishib olingan arxiv idorasida qoladi. 
147. Yechimi bir yildan ortiq muddatda hal bo‘ladigan masalalar yuzasidan 
ishlar har yilgi nomenklaturaga kiritiladi. Nomenklaturaga kiritilgan har bir 
yig‘majildga tarkibiy bo‘linma indeksi va tartib raqami qo‘yiladi.
148. Hujjatlar yig‘majildlari nomenklaturasi quyidagi qoidalarga rioya 
etilgan holda shakllantirilishi va yuritilishi zarur: 
yig‘majildga ijro etilgan, to‘g‘ri rasmiylashtirilgan hujjatlarni joylashtirish; 
bitta masalaning hal qilinishiga taalluqli barcha hujjatlarni birgalikda, 
ilovalarni asosiy hujjatlar bilan birgalikda joylashtirish; 
yig‘majildda bir kalendar yilga oid hujjatlarni guruhlash (yildan-yilga 
o‘tuvchi hujjatlar yig‘majildlari bundan mustasno); 
yig‘majildlarda doimiy va vaqtinchalik saqlanadigan hujjatlarni alohida 
guruhlash; 
yig‘majildga qaytarilishi lozim bo‘lgan hujjatlar, ortiqcha nusxalar, 
qo‘lyozmalarni joylamaslik; 
yig‘majild jami 250 varaqdan oshmasligi kerak, agar undan ortsa, mazkur 
yig‘majildning ikkinchi jildini yuritish. 
Hujjatlar turlari bo‘yicha va ilovalar bilan xronologik tartibda guruhlanadi. 
Qoida tariqasida elektron dasturda ro‘yxatga olingan hujjatlar elektron 
shaklda qattiq disklardla saqlanadi.
149. Hujjatlar kalendar yil davri bo‘yicha guruhlanadi va xronologik tartibda 
ketma-ket turkumlanadi, javob hujjati so‘rov hujjatidan keyin joylashtiriladi. 
Hisobot yili tugagach, yig‘majildlarning har biri belgilangan tartibga 
muvofiq holda tikiladi. Bunda yig‘majildlar muqovalanadi va ularning nomlari 

yoziladi, varaqlariga tartib raqamlari beriladi hamda hujjatlarning ichki ro‘yxati 
tuziladi. 
150. Yig‘majild sahifalari qora (grafit) qalamda varaqning yuqori o‘ng 
burchagiga tartib raqami bilan belgilanadi. 
Varaq buklangan va o‘rtasidan tikilgan bo‘lsa, u ikkita varaq sifatida tartib 
raqami bilan belgilanadi. Alohida varaqqa yozilgan ustxat (rezolyusiya) tegishli 
hujjatga yelimlanadi va unga alohida tartib raqami beriladi. 
151. Muqovadagi sana yig‘majildning yuritish boshlangan va tugallangan 
kun, oy va yiliga muvofiq kelishi kerak.
Bir necha jildlardan (qismlardan) iborat bo‘lgan yig‘majildlar muqovalariga 
har qaysi jild (qism) hujjatlarning oxirgi sanasi qo‘yib chiqiladi. 
Hujjatlar yigʻmajildi muqovasi mazkur Yoʻriqnomaning 5-ilovasiga 
muvofiq shaklda yozuvlari aniq va oʻchmaydigan qora rangda rasmiylashtirilishi 
lozim. 
152. Tarkibiy bo‘linmalarda hujjatlarni to‘plash, ularni arxivga topshirishga 
tayyorlash, saqlash hamda yo‘q qilish texnikumda arxiv ishini tashkil etish tartibiga 
muvofiq amalga oshiriladi. 

Download 0,55 Mb.