ta’minlash maqsadida ogʻzaki yoki yozma koʻrsatmalar berish, maxsus topshiriqni
bajarish jarayoni bilan bog‘liq barcha hujjat va materiallar bilan tanishish, hamda
ularning nusxasini talab qilib olish, xat-hujjatlar ijrosini toʻliq
va sifatli amalga
oshirilishi ta’minlash maqsadida qonunchilik va ichki hujjatlarga rioya qilinmagan
holda tayyorlangan pochta joʻnatmalarini toʻxtatib turish, joʻnatishga tayyorlangan
hujjatlarni qaytarib olish, tarkibiy bo‘linma rahbarlaridan kerakli ma’lumot va
axborotlarni olish, ulardan maxsus topshiriqning o‘z vaqtida va sifatli bajarilishini
talab qilish, belgilangan muddatda va sifatli tayyorlanmagan hujjatlar bo‘yicha
mas’ul ijrochi va ularning rahbarlaridan tushuntirish xati olish huquqiga ega.
97. Hujjatlarning ijro etilishi ahvoli haqida Ichki nazorat va arxiv bo‘limi
boshlig‘i har haftada kamida bir marotaba texnikum rahbariyatiga axborot berib boradi
va nazoratdagi hujjatlar bo‘yicha monitoringni olib boradi.
98. Bajarilishi uzoq muddatga mo‘ljallangan
maxsus topshiriqning ijro
etilishi Ichki nazorat va arxiv bo‘limi tomonidan yiliga kamida ikki marta
tekshiriladi.
Mazkur masala zarur hollarda ijrosi uchun mas’ul bo‘lgan tarkibiy
bo‘linmaning tezkor yig‘ilishida muhokama etiladi.
99. Topshiriqning ijro etilganligini tasdiqlovchi yozma hujjat (javob xati,
tegishli hujjatlarga yo‘llovchi xati) mavjud bo‘lmagan taqdirda (masalan,
ijrosi
nazoratga olingan hujjat yuzasidan javob yoki ma’lumot og‘zaki ravishda amalga
oshirilgan bo‘lsa) ijrochi tomonidan hujjat ijrosi to‘g‘risida tegishli ma’lumot
elektron dasturga kiritilishi lozim.
100. Ijro etilgan hujjat bo‘yicha tegishli tarkibiy bo‘linmaning ijrochi xodimi
ijro haqidagi ma’lumotlarni elektron dasturga kiritib, ushbu ma’lumotlarni
tasdiqlovchi hujjatlarning elektron shaklini (word, pdf) elektron dasturga biriktirib
qo‘yishi lozim.
Elektron dasturga to‘liq bo‘lmagan va tegishli
asoslovchi hujjatlari
biriktirilmagan hujjatlar nazoratdan olinmaydi hamda ijrosi ta’minlanmagan
hisoblanadi.
101. Tegishli ma’lumotlarni vaqtida elektron dasturga kiritmaslik yoki toʻliq
kiritmaslik, taqdim etmaslik natijasida hujjatlar ijrosining oʻz
vaqtida va sifatli
ta’minlanishiga yoxud ma’lumotlarni zudlik bilan tayyorlanishiga salbiy ta’sir
koʻrsatgan hollarda mas’ul tarkibiy boʻlinmalar rahbarlari va xodimlarining
tegishlicha javobgarligi masalasi yuzasidan rahbariyatga axborot kiritiladi.
102. Elektron dasturga hujjat nazoratdan olinganligi toʻgʻrisida qayd qilish
dasturga kiritilgan ma’lumotlar va biriktirilgan hujjatlar asosida tegishli ravishda
Ichki nazorat va arxiv bo’limi tomonidan amalga oshiriladi. Elektron dasturga
toʻliq boʻlmagan ma’lumotlar kiritilgan va tegishli asoslovchi hujjatlari
biriktirilmagan hujjatlar nazoratdan olinmaydi hamda ijrosi ta’minlanmagan
hisoblanadi.
103. Hujjatning ijrosi uchun belgilangan ijrochilar hujjat toʻliq ijro
etilmagunga qadar mas’ul javobgar hisoblanadi.
104. Tarkibiy boʻlinmalar tomonidan ijro etilgan hujjat va uning nazoratdan
olinganligini tasdiqlovchi hujjatlar tegishli ravishda Ichki nazorat va arxiv
bo’limining mas’ul xodimlari soʻroviga asosan nazorat tartibida koʻrib chiqish
uchun ularga taqdim etilishi mumkin.
105. Tarkibiy boʻlinmalar tomonidan elektron
dasturga hujjatlarni ijro
etilganligi boʻyicha kiritilgan har bir belgining toʻgʻriligi va haqqoniyligi
yuzasidan mas’uliyat boʻlinma rahbarlari va ijrochi xodimlar zimmasiga
yuklatiladi.
