27. Hujjat mansabdor shaxsga jo‘natilayotganda tashkilotning nomi bosh
kelishikda, lavozimi va familiyasi jo‘nalish kelishigida,
hujjat matnining yuqori
o‘ng tomonida yoziladi.
Masalan:
Toshkent shahar adliya
boshqarmasi boshlig‘i
A.M.Turdiyevga
28.Hujjat tashkilotga jo‘natilayotganda
uning joylashgan manzili
ko‘rsatilishi mumkin yoki texnikumning Ichki nazorat va arxiv bo’limiga aniq
manzil to‘g‘risida ma’lumot berilishi shart.
Agar hujjat fuqaroga jo‘natilayotgan bo‘lsa, hujjat matnining yuqori oʻng
tomoniga dastlab uning yashash manzili, shuningdek mavjud boʻlsa
elektron
pochta manzili koʻrsatilgan holda yoziladi. Masalan:
Toshkent shahar, Mirobod tumani
A.Abdullaev ko‘chasi, 8 uyda yashovchi
fuqaro A.R.Komilovga
komilov@mail.uz
29. Hujjat tashkilot rahbariga jo‘natilganda tashkilot nomi hujjatni oluvchi
shaxs lavozimining tarkibiga kiradi. Masalan:
Toshkent davlat pedagogika
universiteti rektori
Sh.S.Sharipovga
30. Bir nechta manzilga yuborilayotgan hujjatning har bir nusxasiga uning
aynan kimga jo‘natilayotganligi belgilab qo‘yiladi.
Yuborilayotgan hujjatda to‘rtta manzildan ortig‘i ko‘rsatilmasligi lozim,
yuborilayotgan manzillar to‘rttadan ortiq bo‘lgan holda yo‘naltirish ro‘yxati
(reestri) tuzilib, har qaysi hujjatga bittadan alohida manzil ko‘rsatilib yuboriladi.
31. Hujjatda uning nomlanishi – buyruq, ko‘rsatma,
topshiriq, tanbex,
ma’lumotnoma, axborotnoma va shu kabilar ko‘rsatilishi mumkin.
32. Hujjat imzolangan, tasdiqlangan, kelishilgan kunlar, shuningdek matnda
keltirilgan sanalar raqamlar bilan rasmiylashtiriladi. Sanalar arab raqamlari bilan
bir satrda va yil, kun, oy tarzidagi izchillikda beriladi.
33. Indeks (raqam) hujjatning chap tomon tepa qismida ko‘rsatiladi.
Hujjatning indeksi uni ijro qilgan bo‘linma indeksi, yig‘majildlar raqami (qoida
tariqasida elektron dasturdagi jurnal raqami) va hujjatni ro‘yxatga olish yagona
tartib raqamidan iborat bo‘ladi.
Javob xatlarida javobi jo‘natilayotgan
hujjatning raqami va sanasi
ko‘rsatilishi lozim.
34. Hujjatlarga ilovalar quyidagicha rasmiylashtiriladi:
a) agar hujjat matnda ko‘rsatilgan ilovaga ega bo‘lsa:
Ilova: “ ” varaqda;
b) agar ilova matnda eslatilmagan bo‘lsa, ilovalar nomi sanab ko‘rsatiladi,
masalan:
Ilova: Nizom loyihasiga takliflar “ ” varaqda;
agar yozishma bir nechta manzilga jo‘natilayotgan bo‘lib, ulardan biriga
ilova
yuborilsa, bu holda ilovaning qaysi manzilga yuborilishi ko‘rsatiladi.
Agar ilovalar risolalangan bo‘lsa, varaqlar soni ko‘rsatilmaydi.
35. Agar hujjatga qimmatbaho qog‘oz yoki shaxsiy hujjatlarning asli
(pasport, diplom va boshqalar) ilova qilinsa, ularning alohida belgilari, raqamlari
va kimga tegishliligi ko‘rsatiladi.
36. Bitta yo‘llanma xat bilan o‘zaro bog‘liq bo‘lmagan hujjatlarni yuborish
va kirim qilish ta’qiqlanadi.
37. Pul mablag‘lari va moddiy boyliklarning sarflanishi bilan bog‘liq va shu
kabi hujjatlardagi vakolatli mansabdor shaxsning
imzosi gerbli muhr bilan
tasdiqlanadi.
38. Hujjatning ijrosini ta’minlagan xodim ismining bosh harfi va familiyasi,
uning xizmatdagi telefon raqami va rasmiy elektron pochta manzili chiqarilayotgan
hujjatning soʻnggi varagʻi pastki chap burchagiga, joy boʻlmagan
taqdirda esa
soʻngi varaqning orqa tomoni pastki chap burchagiga yozib qoʻyilishi shart.
