|
O’zbekiston Respublikasi yagona davlat xizmatlari portallari bilan ishlash
|
| bet | 4/16 | | Sana | 16.01.2024 | | Hajmi | 1,27 Mb. | | #138986 |
Bog'liq 4-mavzu Elektron hukumat tushunchasiO’zbekiston Respublikasi yagona davlat xizmatlari portallari bilan ishlash
Ishdan maqsad: Yagona interaktiv davlat xizmatlari portalini amalda qo’llash. Uning resurslari, faoliyat maqsadlari, interaktiv davlat xizmatlaridan foydalanish. Kommunal xo’jalik va uy-joy fondi portalini tahlil qilish. Uning resurslari, faoliyat maqsadlari, kommunal xizmatlarini yagona oyna ko’rinishida interaktiv xizmatlarni o’rganishga bag’ishlangan.
Masalaning qo’yilishi: Tinglovchi my.gov.uz portali, ya’ni Yagona interaktiv davlat xizmatlari portalidan ID.uz yagona identifikatsiya tizim orqali ro’yxatdan o’tishi kerak bo’ladi xamda interaktiv xizmatlar orqali davlat tashkilotiga murojaat etishi lozim. Tinglovchi e-kommunal.uz, ya’ni Kommunal xo’jalik va uy-joy fondi portalidan ID.uz yagona identifikatsiya tizim orqali ro’yxatdan o’tishi kerak bo’ladi xamda elektron xisoblagichlarni profilga kiritib onlayn to’lovni amalga oshirishi lozim.
Ishni bajarish uchun namuna
1.1. Yagona portal O’zbekiston Respublikasi Vazirlar Mahkamasining 2012 yil 30 dekabrdagi “Interaktiv davlat xizmatlari ko’rsatishni hisobga olgan holda Internet tarmog’ida O’zbekiston Respublikasining Hukumat portali faoliyatini yanada takomillashtirish chora-tadbirlari to’g’risida”gi 378-son qarori aosida tashkil etilgan hamda mazkur Qaror bilan qabul qilingan Nizomga ko’ra faoliyat yuritadi.
my.gov.uz – Yagona interaktiv davlat xizmatlari portali (Yagona portal) 2013 yilning 1 iyul kuni ishga tushirilgan bo’lib, Internet tarmog’ida O’zbekiston Respublikasining Hukumat portali doirasida, shu jumladan «yagona darcha» rejimida faoliyat ko’rsatadi.
Yagona portal davlat organlari tomonidan ko’rsatiladigan, shu jumladan pulli asosda ko’rsatiladigan interaktiv davlat xizmatlaridan erkin foydalanishning yagona nuqtasi hisoblanadi.
Yagona interaktiv davlat xizmatlari portalining maqsadi fuqarolarga interaktiv davlat xizmatlarin ko’rsatishdir. U yagona oyna rejimida faoliyat ko’rsatadi. Yagona portal zamonaviy texnologiya yordamida foydalanuvchining interaktiv davlat xizmatlaridan foydalanish imkoniyat- larini kengaytirish uchun mo’ljallangan.
Uning vazifalari:
• foydalanuvchilarga davlat organlariga to’g’ridan-to’g’ri murojat qilish uchun imkoniyat berish;
• foydalanuvchilarni AKT sohasidagi boshqa loyihalar bilan integratsiyalash;
• foydalanuvchilarning davlat organlari bilan o’zaro hamkorligi samaradorligini oshirish;
• davlat organlariga murojaat qilinganda, foydalanuvchilar uchun byurokratik to’siqlarni qisqartirish va ularni bartaraf etish;
• “Elektron hukumat”ni yanada rivojlantirish va davlat boshqaruviga zamonaviy AKT ni joriy etishda ko’maklashish.
Yagona interaktiv davlat xizmatlari portali 2013 yil 1 iyulda ishga tushirildi. U quyidagi imkoniyatlarga ega:
• davlat tashkilotlari va xizmatlariga oid ma’lumotlardan foydalanish;
• davlat xizmatidan foydalanish uchun elektron shakldagi so’rovlarni va boshqa hujjatlarni to’ldirish imkoniyati;
• davlat xizmatidan foydalanish uchun so’rov (ariza) yuborish;
• so’rovlarni ixtiyoriy paytda va manzildan yuborish;
• so’rov qabul qilinishi uchun navbatda turish zarurati bo’lmaydi;
• so’rovni yuboruvchi arizasining bajarilishiga oid ma’lumotlardan ixtiyoriy paytda xabardor bo’lish imkoniyati;
• davlat xizmatlari berilishi haqidagi so’rovni berish;
• davlat xizmati so’rovi natijalarini olish imkoniyati.
1-rasm. Yagona interaktiv davlat xizmatlari portali.
Shuningdek, Yagona portal orqali 120 dan ortiq davlat organlariga bevosita elektron tarzda murojaat qilish imkoniyati yaratilgan va bu organlar ro’yxati vaqt o’tishi bilan kengayib bormoqda.
Yagona portal orqali ko’plab foydali va zarur ma’lumotlar ham berib boriladi. Masalan, mazkur portaldan notarial harakatlarning turlari va bunday harakatlarga to’lanadigan davlat bojlari (1), Ichki ishlar organlarining Kirish-chiqish va fuqarolikni rasmiylashtirish boshqarmasi tomonidan ko’rib chiqiladigan huquqbuzarliklar va ular uchun qo’yiladigan jarimalar miqdori (2), Yo’l harakati qoidasi buzilishi yuzasidan belgilanadigan jarimalar miqdori (3), Davlat o’rmon fondidan tashqari, daraxtlar va butalarni kesish uchun to’lanadigan to’lovlar miqdori va yashil o’simliklarga etkazilgan zarar va ularni o’zboshimchalik bilan kesganlik uchun jarima miqdorlari (4) bilan tanishish mumkin.
2-rasm. Yo’l qoidasi buzilgandagi jarimalar miqdori haqida ma’lumot.
Bundan tashqari portaldan ishonch telefonlari bo’limi ham joy olgan bo’lib, unda 19 ta ishonch telefoni ko’rsatib o’tilgan.
3-rasm. Ishonch telefonlari ro’yxati.
Portalda fuqarolar tomonidan so’ralgan savollarga berilgan javoblarni o’zida mujassam etgan “Ko’p beriladigan savollar” bo’limi hamda bo’sh ish o’rinlari ro’yxati ham joy olgan.
Yagona portal davlat interaktiv xizmatlaridan foydalanish tartiblari:
• foydalanuvchi davlat interaktiv xizmatidan foydalanish ruxsatnoma asosida amalga oshiriladi;
• foydalanuvchi arizasiga asosan ruxsatnoma berish va uni berkitib yoki yopib qo’yish huquqlariga “O’zinfokom” markazi yoki Qoraqalpog’iston Respublikasi Vazirlar Kengashi, viloyatlar va Toshkent shahar hokimliklari huzuridagi kompyuterlashtirish markazlari ega, ya’ni ushbu markazlar ushbu faoliyatni olib borish vakolatiga ega va mas’ul markazlar hisoblanadi;
• jismoniy shaxslar (ariza va pasport asosida) va yuridik shaxslar (ariza va ro’yxatdan o’tkazilganligi to’g’risidagi guvohnoma asosida) uchun shaxsiy kabinetdan erkin foydalanishga ruxsatnoma bir yoki ikki kun mobaynida mas’ul markazlar tomonidan beriladi;
• foydalanuvchi o’zi to’g’risidagi har qanday ma’lumotlar o’zgarganda besh kun muddatda bu haqda mas’ul markazga xabar berishi shart.
Yagona portal orqali interaktiv davlat xizmatlaridan foydalanish tartiblari Yagona portal nizomida batafsil keltirilgan. Quyida arizani berish, javob berish, rad etish, ko’rib chiqish tartibi va muddati hamda nazoratiga oid tartiblarini qisqacha keltiramiz.
Arizani berish tartibi:
• foydalanuvchilar shaxsiy kabinet orqali o’z murojaatlarini O’zbekiston Respublikasi Vazirlar Mahkamasiga va davlat tashkilotlariga yuborishlari mumkin.
• murojaat bir vaqtning o’zida O’zbekiston Respublikasi Vazirlar Mahkamasiga hamda murojaatlarda qo’yilgan masalalarni hal etish vakolatiga kiradigan bir nechta davlat organlariga yuborilishi mumkin.
• foydalanuvchi shaxsiy kabinetidan yuborgan murojaat elektron raqamli imzo va ularni identifikatsiyalovchi boshqa hujjatlar bilan tasdiqlanishi kerak.
• foydalanuvchi arizaga zarur hujjatlar, xatlar va rasmlarni ilova qilishi mumkin.
Arizani qabul qilish tartibi: mas’ul xodim ariza qabul qilinganligi to’g’risida foydalanuvchiga xabar jo’natadi.
Arizaga javob berish tartibi:
• foydalanuvchi arizasiga javob ko’rsatilgan pochta manziliga yuboriladi;
• foydalanuvchi arizasi murojaatlar uchun belgilangan tartib va muddatda ko’rib chiqiladi;
• foydalanuvchi arizasiga javob oluvchining yoki boshqa vakolatli xodimning elektron raqamli imzosi bilan tasdiqlanadi.
Ariza rad etilish tartibi
Quyidagilar foydalanuvchi murojaatini ko’rib chiqishni rad etish uchun asos hisoblanadi:
• odobsizlik mazmunidagi murojaatlar (axloqsiz yoxud haqoratli iboralar, tahdidlar, mantiq va ma’nosi bo’lmagan takliflar va shunga o’xshash murojaatlar);
• matnda tushunarsiz qisqartirishlar yoki reklama materiallari mavjud bo’lgan arizalar;
• tarkibida aniq arizalar, shikoyatlar yoki takliflar bo’lmagan murojaatlar;
• rad etishning asoslangan sabablari ko’rsatilgan rad javobi foydalanuvchiga bir ish kuni mobaynida yuboriladi;
• ariza vakolatiga kirmaydigan davlat organlariga tushganda, u besh kun muddatda, foydalanuvchi xabardor qilingan holda tegishli organga yuboriladi.
Arizalarni ko’rib chiqish tartibi: foydalanuvchi shaxsiy kabinet orqali berilgan arizasi majburiy qabul qilinishi va ko’rib chiqilishi kerak, qonun hujjatlarida nazarda tutilgan hollar bundan mustasno. Bunda ushbu murojaat Mas’ul xodim elektron pochtasiga kelib tushgan sana – murojaat qabul qilingan sana hisoblanadi.
Arizalarni ko’rib chiqish muddati:
• takliflar – bir oygacha muddatda. Agar qo’shimcha o’rganishlar talab qilinsa, bu to’g’rida foydalanuvchi o’n kun muddatda xabardor qilinadi. Bunda muddat ariza oluvchiga tushgandan boshlab hisoblanadi;
• ariza yoki shikoyatlar – o’n besh kun muddatda. Agar qo’shimcha o’rganish va (yoki) tekshirish o’tkazish, qo’shimcha hujjatlar talab etilsa – bir oygacha muddatda. Bunda muddat ariza Mas’ul xodimga tushgandan boshlab hisoblanadi.
Ariza nazorati va javobgarlik tartibi:
• O’zbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat bo’yicha davlat inspektsiyasi interaktiv davlat xizmatlari ko’rsatish tartibiga rioya qilinishi yuzasidan nazoratni amalga oshiradi;
• davlat tashkilotlari rahbarlari va O’zbekiston Respublikasi Vazirlar Mahkamasining tarkibiy bo’linmalari Yagona portal orqali ko’rsatiladigan interaktiv davlat xizmatlari ko’rsatishning asossiz rad etilganligi va xizmatlar sifatsiz ko’rsatilganligi uchun javob beradilar;
• foydalanuvchi arizada noto’g’ri ma’lumotlar berganligi, uydirma va haqoratlar bo’lgan murojaatlar uzatganligi uchun qonun hujjatlarida belgilangan tartibda javob beradi.
Yagona portaldan foydalanishning foydalanuvchi uchun ba’zi imkoniyatlari:
• kommunal xizmat, elektr energiya va suv iste’molchilari ushbu xizmat xarajatlari haqidagi shaxsiy malumotlardan foydalanish imkoniyati yaratildi. Bu imkoniyatdan foydalanish tartibi juda osondir. Ushbu xizmatga doir ariza va shikoyatlarni Yagona portal orqali tezda jo’natish va hal qilish imkoniyati yaratildi. Bunda arizaga hujjatlar va rasmlarni ilova qilish imkoniyati mavjud;
• chet el fuqarolari O’zbekistonga viza rasmiylashtirish uchun interaktiv xizmatdan foydalanishi mumkin. Buning uchun hamkasb yoki do’stlarini bezovta qilish zarurati yo’qoldi. Tadbirkorlar uchun onlayn interaktiv xizmatlar Yagona portal samarali imkoniyatlaridan biri aloqa natijalari SMS xabarlar yordamida jo’natilishidir. Bu aloqani qulay va samarali bo’lishini ta’minlaydi. Chunki foydalanuvchi ariza etib borganligi va ishga tushganligi haqida xabardor bo’ladi va bu haqda Yagona portaldan xabarlar yozib, xodimlarni qo’shimcha savollar va e’tibor bilan bezovta qilmaydi. Natijada foydalanuvchi bezovta bo’lmaydi va xodimlar qulay sharoitda ariza ko’rilishi tartibiga rioya qilgan holda ishini davom ettiradi.
Yagona portaldan 4 xil ro’yxatdan o’tish usuli mavjud:
1. SMS tasdiqlash orqali ya’ni Yagona portaldan ro’yxatdan o’tiladi;
2. ID.uz – Yagona identifikatsiya tizimidan ro’yxatdan o’tiladi;
3. Elektron raqamli imzo orqali;
4. UzCARD yordamida.
4-rasm. Yagona portaldan ro’yxatdan o’tish usullari.
Misol qilib portaldan to’laqonli foydalanish hamda davlat organlariga murojaat qilish uchun ID.uz – Yagona identifikatsiya tizimidan ro’yxatdan o’tishni misol qilib ko’ramiz. Dastlab ID.uz – Yagona identifikatsiya tizimidan ro’yxatdan o’tiladi.
5-rasm. ID.uz – Yagona identifikatsiya tizimi.
ID.uz- yagona identifikatsiya tizimidan ro’yxatdan o’tib, so’ng yagona portalga kirayotganda aynan o’sha ID profil orqali tizimga ma’lumotlar kiritiladi.
6-rasm. ID profil orqali tizimga ma’lumotlar kiritish.
Shundan so’ng, foydalanuvchi kabineti ochiladi. U erda Profil, Yuridik shaxs, Mening arizalarim, Mening qoralamalarim, Mening ma’lumotlarim kabi bo’limlar mavjud.
7-rasm. Foydalanuvchining shaxsiy kabineti
Profilda shaxsiy ma’lumotlarni tahrirlash imkoniyati mavjud.
Mening arizalarim bo’limida yuborilgan arizalar ro’yxati, ularning holati va ularga berilgan javob xatlari bilan tanishish imkoniyati mavjud.
8-rasm. Foydalanuvchi kabineti.
|
| |
