|
Ish beruvchining fuqarolik javobgarligini majburiy sugʻurta qilish (IBFJMS)
|
| bet | 8/21 | | Sana | 06.02.2023 | | Hajmi | 0.85 Mb. | | #41186 |
Bog'liq Xonimov Turg’un amaliyot 2022 nutq uslublari, hisob kitob operatsiyalari auditi 1, shoxista, mirkomil amalyot hisbotiIsh beruvchining fuqarolik javobgarligini majburiy sugʻurta qilish (IBFJMS)
Shartnoma boʻyicha quyidagilar sugʻurtalanishi mumkin:
Xodim oʻz mehnat vazifalarini bajarishi bilan bogʻliq holda mehnatda mayib boʻlishi, kasb kasalligiga chalinishi yoki sogʻligʻining boshqacha tarzda shikastlanishi munosabati bilan uning hayoti yoki sogʻligʻiga yetkazilgan zararning oʻrnini qoplash boʻyicha ish beruvchining fuqarolik javobgarligi vujudga kelgandagi Ish beruvchining mulkiy manfaatlari
Majburiy sugʻurta boʻyicha sugʻurta qoplamasi quyidagi koʻrinishda toʻlanadi:
- jabrlanuvchi mehnatda mayib boʻlguniga qadar olgan oʻrtacha oylik ish haqiga nisbatan foiz hisobida, uning kasbga oid mehnat qobiliyatini yoʻqotganlik darajasiga muvofiq belgilanadigan har oylik toʻlov yoki kasb kasalligi aniqlanguniga qadar olgan oʻrtacha oylik ish haqiga nisbatan foiz hisobida belgilanadigan har oylik toʻlov;
- marhumning oʻrtacha oylik ish haqi miqdoridagi, uning oʻziga va qaramogʻida boʻlgan, lekin yetkazilgan zararning oʻrni qoplanishiga haqli boʻlmagan, mehnatga qobiliyatli shaxslarga toʻgʻri keladigan ulush chegirib tashlangan holdagi har oylik toʻlov;
- qonun hujjatlarida belgilangan hollarda jabrlanuvchiga yoki naf oluvchiga bir yoʻla beriladigan nafaqa toʻlovi;
- xodim vafot etgan taqdirda ish beruvchining fuqarolik javobgarligini majburiy sugʻurta qilish shartnomasida belgilangan miqdorda, qonunchilikda belgilangan 3 ta minimal ish haqidan koʻp boʻlmagan miqdoridagi dafn etish xarajatlari;
- ish beruvchining qoʻshimcha xarajatlari qonun hujjatlariga muvofiq kompensatsiya qilinadi.
Tashuvchininng fuqarolik javobgarligini majburiy sugʻurta qilish (TFJMS)
Shartnoma boʻyicha quyidagilar sugʻurtalanishi mumkin:
Tashuvchining yoʻlovchilar hayoti, sogʻligʻi va (yoki) mol-mulkiga yetkazilgan zararning oʻrnini qoplash boʻyicha fuqarolik javobgarligi yuzaga kelgan chogʻdagi mulkiy manfaatlari.
Sugʻurta qoplamasini toʻlash tartibi:
Tashuvchininng fuqarolik javobgarligini majburiy sugʻurta qilish shartnomasi boʻyicha yoʻlovchining hayoti yoki sogʻligʻiga yetkazilgan zarar uchun qoplama miqdori toʻlovlar jadvaliga muvofiq belgilanadi.
Tashuvchininng fuqarolik javobgarligini majburiy sugʻurta qilish shartnomasi boʻyicha yoʻlovchining mulkiga yetkazilgan zarar quyidagi tartibda aniqlanadi:
- yoʻlovni mulki yoʻqolishi yoki yetishmasligi – yoʻqtilgan yoki yetishmayotgan mulk qiymati miqdorida;
- yoʻlovni mulkiga zarar yetganda (buzilganda) – mulkning pasaygan qiymati miqdorida, zararlangan (buzilgan) mulkni tiklash imkoniyati boʻlmagan taqdirda – uning qiymati miqdorida;
- tashuvga topshirilganda narxi eʼlon qilingan yoʻlovchi mulki yoʻqotilganda – yoʻqotilgan mulkning eʼlon qilingan narxi miqdorida;
- yoʻlovchining yoʻqotilgan, yetishmayotgan yoki zarar yetgan (buzilgan) mulkining qiymatini aniqlashning imkoniyati boʻlmagan holda - yoʻqotilgan, yetishmayotgan yoki zarar yetgan (buzilgan) mulkning har bir kilogrammi uchun tashuvchininng fuqarolik javobgarligini majburiy sugʻurta qilish shartnomasi tuzilayotgan kundagi Oʻzbekiston Respublikasi Markaziy banki kursi boʻyicha yigirma besh dollar ekvivalentidagi summa miqdorida.
Sugʻurta qoplamasi bevosita jabrlanuvchiga yoki Naf oluvchiga Sugʻurta hodisasi toʻgʻrisidagi dalolatnoma imzolangan kundan boshlab besh ish kunidan kech boʻlmagan muddatda toʻlab beriladi.
Xavfli ishlab chiqarish obyektida avariya yuz bergan taqdirda boshqa shaxslarning hayoti, sogʻligʻi va (yoki) mol-mulkiga hamda atrof-muhitga zarar yetkazganlik uchun fuqarolik javobgarligini majburiy sugʻurta qilish
Shartnoma boʻyicha quyidagilar sugʻurtalanishi mumkin:
Xavfli ishlab chiqarish obyektida avariya sodir boʻlgan taqdirda boshqa shaxslarning hayoti, sogʻligʻi va (yoki) mol-mulkiga hamda atrof-muhitga yetkazilgan zararni foydalanuvchi-sugʻurta qilinuvchi tomonidan qoplash boʻyicha fuqarolik javobgarligi paydo boʻlishi bilan bogʻliq boʻlgan sugʻurtalanuvchining mulkiy manfaatlari
Sugʻurta qoplamasini toʻlash tartibi:
Sugʻurta qoplamasi miqdori (sugʻurta summasi) Kompaniya tomonidan avariya sabablarini texnik taftishi toʻgʻrisidagi dalolatnoma, sugʻurta hodisasining roʻy berish sabablari va vaziyatlari, shu jumladan boshqa shaxslarga yetkazilgan zarar toʻgʻrisidagi maʼlumotlar koʻrsatilgan sud qarorlari va boshqa materiallarga asosan aniqlanadi.
Sugʻurta qoplamasi (sugʻurta summasi)ni toʻlash sugʻurta shartnomasida belgilangan sugʻurta summasi doirasida amalga oshiriladi.
Sugʻurta qoplamasi (sugʻurta summasi) bevosita jabrlanuvchiga toʻlab beriladi. Zararni kamaytirish xarajatlarini qoplash uchun toʻlovlar bevosita Sugʻurtalovchiga amalga oshiriladi. Sugʻurta qoplamasi (sugʻurta summasi) toʻlovi Sugʻurta hodisasi toʻgʻrisidagi dalolatnoma imzolangandan soʻng 10 ish kuni ichida amalga oshiriladi.
|
| |
