|
-§. Sanitariya va gigiena talablari
|
| bet | 6/19 | | Sana | 01.04.2022 | | Hajmi | 132.64 Kb. | | #19182 |
Bog'liq xfx fizik kimyo fanini oqitishda baliq skeleti metodidan fojdalanish. (1), 4. LAZERLARNING TURLARI @fizika, Тулибоев Максадбек Зохид угли8-§. Sanitariya va gigiena talablari
40. Tashkilotlarning ishlab chiqarish xonalari GOST 12.1.005-88 «Ish zonasidagi havosiga umumiy sanitariya-gigiena talablari» talablariga mos bo‘lishi lozim.
41. Ishlab chiqarish xonalarida ruxsat etilgan harorat, nisbiy namlik va havoning harakatlanish tezligi ish joylaridagi ortiqcha issiqlik, bajarilayotgan ishning og‘irlik darajasiga ko‘ra, yil mavsumi hisobga olingan holda belgilanishi kerak.
42. Ishlab chiqarish, sanitariya-maishiy xonalarni, xom ashyo va tayyor mahsulotni saqlash xonalarini gigienik jihatdan toza saqlash va xodimlarning shaxsiy gigienasiga qo‘yiladigan talablar qonun hujjatlarida belgilangan qoidalarga muvofiq bo‘lishi lozim.
9-§. YOritishga qo‘yiladigan talablar
43. Ishlab chiqarish xonalarini tabiiy va sun’iy yoritish QMQ 2.01.05-98 «Tabiiy va sun’iy yoritish» talablariga mos bo‘lishi lozim.
44. Avariya yoritish tarmoqlariga elektr energiya iste’molchilarining ulanishi taqiqlanadi. Avariya yoritishlarining sozligi har chorakda kamida bir marta tekshirilishi lozim.
45. YOritish vositalari toza va soz holatda bo‘lishi kerak. YOrug‘ tushuvchi oynalarni yilda kamida ikki marotaba tozalash lozim.
46. YOrug‘lik tushadigan deraza va eshiklarni turli predmetlar (uskuna, tayyor mahsulot va boshqalar) to‘sib qo‘yishiga ruxsat etilmaydi.
47. Sun’iy yoritish umumiy va birlashgan tizimda ishlatiladi (umumiy mahalliy bilan birgalikda). Birgina mahalliy yoritishni qo‘llash taqiqlanadi.
48. Uchastka va xonalarda portlash bo‘yicha xavfli gaz va changlar konsentratsiyasi yig‘ilib qolish ehtimoli bo‘lsa, elektr yoritish tizimi portlashdan alohida bajarilishi kerak.
49. Xavflilik darajasi yuqori bo‘lgan xonalarda kuchlanishi 36 V dan yuqori bo‘lmagan ko‘chma elektr yoritqichlar ishlatilishi kerak. Uskunalar va inshootlar (bunkerlar, silososlar, quduqlar, bug‘lantirish kameralari, tunnellar va boshqalar)ni ichki sirtini yoritish uchun ko‘chma elektr yoritqichlarning kuchlanishi 12 V dan oshmasligi kerak.
|
| |
