4
Kirish
Biznes matematika – predmeti iqtisodiy ob‟ektlar
va jarayonlarning
matematik modellari va ularni tadqiq qilish metodlari bo„lgan nazariy va amaliy
fan.
Matematik fanlarning kelib chiqishi,
shubhasiz, iqtisodiy ehtiyojlari bilan
bog„liq bo„lganligini yaxshi tushunamiz.
Ishlab chiqarishning taraqqiyoti va murakkablashishi bilan iqtisodning
matematik hisoblashlarga bo„lgan ehtiyoji ortib bordi. Hozirgi ishlab chiqarish –
ko„plab korxonalarning qat‟iy muvozanatga
solingan faoliyatidan iboratki, u
behisob matematik masalalarni yechish bilan ta‟minlanadi.
Bu ish bilan iqtisodchilar, dasturchilar va ko„p sondagi buxgalterlar
mashg„ul, minglab elektron hisoblash mashinalari esa hisob – kitoblar bilan band.
Bunday masalalar qatoriga ishlab
chiqarish rejasini tuzish ham, qurilish
ob‟ektlarining optimal joylashuvini aniqlash ham,
moliyaviy operatsiyalarning
samaradorligini baholash ham kiradi. Biznes matematika, shuningdek,
avvaldan
ma‟lum iqtisodiy hodisalarning aniqlashtirilgan matematik tavsifi, iqtisodiy hisob
– kitoblardan turli gipotezalarning tahlili, ularni ifodalovchi matematik
munosabatlar bilan ham shug„ullanadi.
Biznes matematikaning taraqqiyoti “matematik dasturlash”
degan umumiy
nom bilan birlashtiriluvchi bir necha matematika sohalari paydo bo„lishiga turtki
bo„ldi.
Biz biznes matematikani ikki qismga bo„lib o„rganamiz. Birinchi qismda
“matematik dasturlashning” ba‟zi
elementlarini, ikkinchi qismda esa “moliya
matematikasi” elementlarini o„rganamiz.
