241
Bu holat almashlab va navbatlab bir yillik ekinlar (paxta,
sabzavotlar va poliz ekinlari) yetishtiriladigan dalalarda
tomchilatib sug‘orish tizimlarini joriy qilish uchun juda qo‘l
keladi.
Har yili mavsum boshida yumshoq quvurlar ekin dalasiga
qaytadan yana yoyib chiqiladi.
Yoyilgan yumshoq quvurlarga tomizgichli sug‘orish lentalari
ham qaytadan montaj qilinib, ulab chiqiladi (6.7-rasm).
Mavsum yakunida suv tarqatuvchi yumshoq quvurlari,
tomizgili sug‘orish shlanglari (lentalari) to‘liq yig‘ib olingan va
toza holatdagi dalada tuproqni kuzgi haydash va tuproqqa bahorgi
ishlov berish yumushlari oson kechadi.
Bundan tashqari mazkur ekin dalasida sho‘r yuvish ishlari
rejalashtirilgan bo‘lsa, kuzgi – qishki sho‘r yuvishlarni o‘tkazish
ham osonlashadi.
a) yoyish
b) ishlatish
c) yig‘ib olish
6.7-rasm. Yumshoq quvurlarni mavsum avvalida dalaga yoyish,
mavsum davomida ishlatish va mavsum yakunida
yig‘ib olish.